მოგვიყევი შენს ლივაისზე

“მოგვიყევი შენს ლივაისზე” (Tell Us Your Levi’s®) – ლივაისის მუზეუმი აგროვებს ამბებს ლივაისის ჯინსზე მთელი მსოფლიოდან.

ლივაისი კვლავ რჩება ყველაზე პოპულარულ ჯინსად მსოფლიოში და უამრავ ისტორიაში მონაწილეობს. მაგალითად, გერმანელი ებრაელის, ერიკ გატმანის ოჯახი ლივაისის სიყვარულმა გადაარჩინა – მისი ბიძა ლივაისის დისტრიბუტორი იყო საქრამენთოში და ებრაელებს მესამე რეიხის დატოვების ნება რომ მისცეს, ერიკის ოჯახი აშშ-ში წაიყვანა და იმ უბედურებისგან იხსნა, რაც მოგვიანებით დატრიალდა ებრაელთა თავზე.

ამერიკელი მხატვარი სერჯ გეი სექსუალური უმცირესობის წარმომადგენელია, რის გამოც ცხოვრებაში დისრკიმინაციის ბევრ ფაქტს გადაყრია. მისი ლივაისის ქურთუკი პროტესტის გამოხატულებად იქცა – სერჯ გეიმ მოხატა და დაიტანა ზედ სიმბოლოები, რაც სხვადასხვა დისკრიმინირებული ჯგუფების უფლებებზე მოგვითხრობს.

Continue reading

How-To: მეხუთე ჯიბე და ოთხი ნახვრეტი

რისთვის არის ჯინსის მეხუთე ჯიბე? ყოველთვის მაინტერესებდა.

ხურდისთვის ვიყენებდი ხოლმე. სხვა ბევრი ვერაფერი ეტევა. დღეს ხურდა კიარა ქაღალდის ნაღდი ფულიც ცოტა დამაქვს თან და მე-5-ე ჯიბეც უსაქმოდაა. უბრალოდ – სილამაზისთვის.

Levis-Watch-Pocket
Continue reading

Levi’s® x Snoopy

კვირადღის პოსტი

ამერიკის ორი ლეგენდა წარმოგიდგენთ გაზაფხული/ზაფხულის კოლექციას.

levis-peanuts-ss18-01

Continue reading

დაფხრეწილები

შაბათის პოსტი

დაფხრეწილი ჯინსი 70-იანებში გამოჩნდა პირველად, როგორც პროტესტის სიმბოლო და “ფეხებზე მკიდიხართ” გზავნილი კაცობრიობას. დახეული ტანსაცმელი ჰიპებსაც ეცვათ, თუმცა ეს უფრო იშვიათი და შემთხვევითი ამბავი იყო – ტანზე გაცვდა-შემოეფლითებოდათ ხოლმე. პანკებმა კი შეგნებულად მიჰყეს ხელი ჯინსებისა და ტყავის ქურთუკების ფხრეწვას.

“მფხრეწავების” ერთ-ერთი ყველაზე ცნობილი და საეტაპო ფოტო ჟურნალ Punk-ის ფოტოგრაფმა რობერთა ბეილიმ გადაუღო “რამოუნზ”-ის (Ramones) წევრებს და ჯგუფის 1976 წლის ალბომის ქავერზეა. თავად მუსიკოსებს ალბომის Meet The Beatles-ის სტილში გაფორმება სურდათ, მაგრამ სტუდიის არტ-დირექტორმა თონი ვეიდლერმა ივაჟკაცა და გადაარწმუნა. შედეგად, დაფხრეწილი ჯინსი ალბომის ქავერზეა. Ramones

80-იანებში დაფხრეწილი ჯინსი უკვე მეინსთრიმია – არამხოლოდ პანკებს, პოპის დედოფლებსაც აცვიათ და სხვა არადედოფლებსაც.

Continue reading

ლაქები… ლაქები ევრივეა

ადრე ერთი პოსტი მქონდა, თუ როგორ მოვუაროთ ზამშის ფეხსაცმელს. მზე-ქარ-წვიმა-მონაცვლე დღეებში, სწორედ ისეთში, ახლა რომ გვიდგას, თავადაც მახსენდება ხოლმე ის ჩემი პოსტი.

მაგრამ ზამშის ფეხსაცმელის გარდა, კიდევ ბევრია ჩვენს გარდერობში მოსაფრთხილებელი. მოდი, ვნახოთ, თუ რა მატერიას რა ტიპის მოვლა სჭირდება.

ტყავი

ერთ-ერთი ყველაზე ლამაზი, მდიდრული, ეფექტური და ძვირფასი მასალა, რომელიც თან საკმაოდ გამძლე და ძნელად ფუჭებადია (თუ კარგი ხარისხისაა, რასაკვირველია), მაგრამ მეორე მხრივ, ასევე ძნელად მოსაქრისტიანებელი, თუკი დაითხვარა და დალაქავდა.

ტყავისთვის კატეგორიულად მიუღებელია: ხეხვა, ფხეკვა, სრესვა, ჯაგრისითა თუ სველი ტილოთი წმენდა. საპონსა და მსგავს სარეცხ საშუალებებზე – არც არაფერს ვამბობ. მსუბუქი ჭუჭყი უნდა მოაშოროთ რბილი და მშრალი ნაჭრით. საშუალო სიმკვეთრის ლაქებს კარგად უვლის სპეციალური ტყავის საწმენდი სპრეი/შამპუნი/ლოსიონი (სუპერ-მარკეტებში იყიდება, მე პირადად Erdal-ის პროდუქციას ვიყენებ). თუკი არ ეშველა – მაშინ ქიმწმენდას უნდა მიმართოთ.

ჯინსი

Continue reading

How-To: მოდი, ვნახოთ ჯინსი…

არ მეგულება ადამიანი, ვისაც ერთი ჯინსის შარვალი მაინც არ მოეძებნება გარდერობში. ჯინსის არჩევას დიდი ფილოსოფია არ სჭირდება, მაგრამ აქაც არის ნიუანსები, განსაკუთრებით – თუ ონლაინ ყიდულობთ.

მოდი, ვნახოთ.

ზომა-წონა.

გარეცხვის შემდეგ ჯინსის მატერია შედგება ხოლმე, ანუ – ვიწროვდება. ამიტომ თუ შარვალი მარკირებულია, როგორც Shrink-to Fit, ის ზომით დიდი უნდა იყიდოთ, თორემ გარეცხვის შემდეგ შიგ წვალებით ჩაკვეხება მოგიხდებათ.  ზოგადი წესი ასეთია:

27″-36″ ზომა 1 ინჩით ვიწროვდება, 38″-40″ ზომა კი – 2-ით. მაგალითად, ჩემი ზომაა 33×32-ზე, და Shrink-to-Fit ჯინსს ვყიდულობ 34×32 ზომას (სიგრძე გარეცხვის შემდეგ არ აკლდება Winking smile).

თუ ჯინსის შარვალი მარკირებულია, როგორც Preshrunk – ე.ი. მწარმოებლის მიერაა წინდაწინ და სანგებოდ გარეცხილი იმ მიზნით, რომ ზომა-ზომაში წავიდეს და მყიდველის სარეცხ მანქანაში არ მოიკლოს.

ტიპი/ფერი.

Continue reading

How-to: ვყიდულობთ შარვალს

ონლაინ-შოფინგი დღეს, მგონი, სრულიად საქართველომ აითვისა. აქ ბევრი ბენეფიტი გველის – მრავალფერი არჩევანი, დიდი ფასდაკლებები, ბრენდები, რომლებიც თბილისში არ იყიდება… მაგრამ არის დაბრკოლებაც – როგორ ავარჩიოთ ტანსაცმელი მოზომვის გარეშე ისე, რომ ზომებში იაღლიში არ მოგვივიდეს.

ამერიკული ზომების ევროპულში გადაყვანისთვის უამრავი კონვერტორია ონლაინ (აგერ ეს თუნდაც), თავად მაღაზიების საიტზეც არის ყოველთვის, იქვე, შორს წასვლა რომ არ დაგჭირდეთ, მაგრამ შარვლის ყიდვისას, წელის ზომისა და ტოტების სიგრძის გარდა, ამერიკელ ტანსაცმლის მოვაჭრეებს მითითებული აქვთ ხოლმე სილუეტი, თარგი (Fit) – გამხდარი (Slim fit), სწორი (Straight fit), რეგულარული/სტანდარტული (Regular/Classic fit) და თავისუფალი (Relexed fit)… შეიძლება ამას დავუმატოთ განიერი (Loose fit) და გაძვალტყავებული (Skinny fit)… 🙂 სხვა ვარიაციებიც არსებობს, მაგრამ ძირითადი მაინც პირველი ოთხია. განსხვავება მათ შორის მარტივია:

Fit-guide

Continue reading

ექსპერიმენტალისტური და სექსისტური Calvin Klein by მაკა ასათიანი

ბავშვობაში ყველანი სხვადასხვა პროფესიაზე ვოცნებობთ, ზოგიერთს კოსმონავტობა, ექიმობა, მძღოლობა, ზოგიერთს კი უბრალოდ პოპულარობა სურს. სწორედ ეს უკანასკნელი გახლდათ ამერიკელი დიზაინერის ქელვინ ქლაინის უდიდესი ოცნება, რომლის განხორციელებას, როგორც ძლიერი მოტივატორი წინ უძღოდა ნიუ-იორკის ნაკლებად ფეშენებელურ რაიონში აღზრდა. ამიტომ ცხოვრების ამერიკულ ოცნებად გადაქცევა ნაადრევი ასაკიდან დაიწყო. ხელოვნების სკოლის დასრულებისთანავე, მოდის ტექნოლოგიურ ინსტიტუტში ჩააბარა, სადაც სხვისი კოსტუმების კემსვისას პრაქტიკულ გამოცდილებას იღებდა. ასე – სწავლაში, სხვის ატელიეებში მუშაობაში, საღამოობით ნიუ-იორკის ქუჩებში ხეტიალით და გამვლელთა პორტრეტების შექმნაში 6-მა წელიწადმა განვლო. თუმცა, ამას ქელვინ ქლაინისთვის არავითარი შემოსავალი არ მოუტანია. ყველაზე მნიშვნელოვანი, რაც მან იმ პერიოდში გააკეთა ეს მისი საკუთარი ნამუშევრების პორტფოლიო იყო. Continue reading

მათ შექმნეს ამერიკა…

ამერიკული მოდის ინდუსტრიის ორი ლეგენდა – Levi’s და Brooks Brothers ერთიანდებიან, რათა ბაზარს წარუდგინონ ჯინსების ექსკლუზიური კოლექცია:

501, 505 და 514 სპეციალურად შექმნილი Brooks Brothers-ისთვის.

ეს მოდელები გარეგნულად არაფრით განსხვავდება Levi’s-ის ტრადიციული პროდუქციისგან, მხოლოდ ერთი პატარა, მაგრამ მნიშვნელოვანი ნიუანსით – ისინი ამერიკის შეერთებულ შტატებშია შეკერილი. კოლექცია Brooks Brothers-ის მაღაზიებში იყიდება და ფასიც შესაბამისია – რამდენჯერმე ძვირი, ვიდრე Levi’s-ის მაღაზიებში წარმოდგენილი ჯინსის შარვლები.

თუმცა, Levi’s for Brooks Brothers არ არის უბრალოდ ტანსაცმელი. ესაა ამერიკული ლეგენდა. თანაც, ორმაგი. Smile

Levis for BB

Continue reading

სექსი, ვნება და პროვოკაცია – უკვე თბილისში!

Renzo Rossoსექსი, ინდივიდუალიზმი, მკვეთრად გამოხატული მგრძნობელობა, თავაშვებულობა, პროვოკაციულობა, ქცევის დადგენილ ნორმათა უგულებელყოფა და, მიუხედავად სასამართლოში შეტანილი სარჩელებისა და აკრძალული სარეკლამო კამპანიებისა, მილიარდობით გაყიდული ჯინსი და ასეულ მილიონობით თაყვანისმცემელი – ესაა ტანსაცმლისა და აქსესუარების იტალიური მწარმოებელი – “დიზელი”.

კომპანიის ისტორია ვიჩენცას პროვინციის ქალაქ მოლვენაში 1978 წელს დაიწყო. რენცო როსომ (Renzo Rosso) და კომპანია AG Jeans-ის ხელმძღვანელმა ადრიანო გოლდშმიდმა (Adriano Goldschmied) დააფუძნეს Diesel S.p.A. მას შემდეგ რაც 1873 წელს ლევი სთრაუსმა 501 შეკერა, ჯინსის მწარმოებლები სოკოებივით მომრავლდნენ. შესაძლოა, “დიზელიც” გამხდარიყო ერთი მრავალთა შორის, მაგრამ როსოს თავისი გეგმები ქონდა. 70-იანი წლების სანავთობო კრიზისმა დიზელის ძრავების პოპულარობას შეუწყო ხელი, ამდენად, ეს სახელწოდება რენცო როსომ აირჩია, როგორც რევოლუციური ცვლილებებისა და ახალი დროის სიმბოლო და სხვათა კუდში დევნა მას არაფრად ეპიტნავებოდა. 1985 წელს მან გოლდშმიდის წილი გამოისყიდა, 1988 წელს კი მთავარი დიზაინერის პოსტი შესთავაზა ჰოლანდიელ უილბერტ დასს (Wilbert Das) – ადამიანს, რომელსაც მუხრუჭები აქვს მოშლილი. 🙂 რენცო-დასის დუეტმა აფრები აუშვა და “დიზელის” ხელმეორედ დაბადებაც დაიწყო – ამჯერად უკვე ულტრა-თანამედროვე, ავანგარდულ მსოფლიო ბრენდად.

Continue reading