ვიტას ლუცკუსის მფრინავი კინტოები

Vitas Luckus - Tbilisi, Georgia, 1981 (1)

თბილისია. 1981 წელი. მგონი, თბილისობის დღესასწაულია. ყოველ შემთხვევაში, ძალიან გავს.

ვიტას ლუცკუსმა (Vitas Luckus) გადაიღო, ლიტველმა ფოტოგრაფმა, ლიტვური კონცეპტუალური ფოტოს ერთ-ერთმა ფუძემდებელმა. იმ წელს იმყოფებოდა ჩვენთან. ეს “მფრინავი კინტოები” ერთ-ერთი ყველაზე ცნობილია მის ფოტოთა შორის. სოთბის აუქციონზე გაიტანეს 2013 წელს და 1’500 ფუნტად შეიძინა კერძო კოლექციონერმა.

Continue reading

ოთხი ფოტოგრაფის ერთი ქალაქი. ფოტო მეოთხე

ფოტო მეოთხე: ედუარდ ბუბა

ისევ ის, რითიც ეს ციკლი დავიწყე.

Edouard Boubat - Petite fille à la baguette

გოგონა და პარიზული ბაგეტი.

Continue reading

ოთხი ფოტოგრაფის ერთი ქალაქი. ფოტო მესამე

ფოტო მესამე: საბინე უეისი

არ მიყვარს წვიმა. ვინც სათვალეს ატარებს, გამიგებს. 🙂 საბინე უეისის პარიზში ხშირად წვიმს. ლამაზია და მყუდრო წვიმიანი პარიზი, როცა უეისი უღებს ფოტოს.

Sabine Weiss - Pluie à ParisSabine Weiss - La 2CV, Paris Continue reading

ოთხი ფოტოგრაფის ერთი ქალაქი. ფოტო მეორე

ფოტო მეორე: რობერ დუანო

ფოტოს ავტორი, შეიძლება, არ იცოდე, მაგრამ ეს ფოტო გეცოდინება.

Robert Doisneau - Le Baiser de L'Hotel de Ville

Continue reading

ოთხი ფოტოგრაფის ერთი ქალაქი. ფოტო პირველი

ფოტო პირველი: უილი რონისი

ეს ქალაქი ვისთვის ეიფელის კოშკია. ვისთვის ლუვრი. მონა ლიზა. მონმარტრი. პიგალი. ტრიუმფალური თაღი. შანელი.

მაგრამ სუნამო არა – პარიზი ბულანჟერიის სურნელშია გახვეული. პურის, ახლადგამომცხვარი პარიზული ბაგეტის, რომელიც დილით ადრე სწრაფად უნდა აარბენინო სახლში, თორემ გზაში შემოგეტეხება და შემოგეჭმევა.

ამიტომ მიყვარს უილი რონისის ეს ფოტო.

Willy Ronis - Le Petit Parisien

Continue reading

ქალაქი ტაქსის სარკეში

ქუჩის ფოტოგრაფია ერთი მოდური მიმდინარეობაა დღეს. და ყოველთვის იყო. მაგრამ იმის ნაცვლად რომ თავად სდიონ მათი ფირის გმირებს, მაიქ ჰარვეის და რაიან უეიდმენს კლიენტები თავად პოულობენ. ქუჩაში. ხელს დაუქნევენ ხოლმე და – ისე.

მაიქ ჰარვეი (Mike Harvey) უელსელია, რაიან უეიდმენი (Ryan Weideman) – ამერიკელი. ბევრი წელია ადამიანებს უყურებენ ავტომობილის სარკეში და ობიექტივში. ტაქსის საჭეს უსხედან და საინტერესო კლიენტების ფოტოპორტრეტებს აგროვებენ. ამბებსაც.

Mike Harvey - Cab passenger portraits 1

Mike Harvey - Cab passenger portraits 2

Continue reading

მიტოვებულნი

გინახავთ თუ არა ძველი თბილისური სადარბაზოები? მე-19 საუკუნის ბოლო, მე-20 საუკუნის დასაწყისის თბილისისა, სანამ წითელი ვანდალები შემოგვესეოდნენ. სოლოლაკში, ჩუღურეთში, მთაწმინდაზე ბევრი ასეთი სადარბაზო იყო, დეკორირებული, ლამაზად მოხატული.

დღეს ცოტა შემორჩა და უმეტესობა ისეთ მდგომარეობაშია, შეხედავ – გული გეტკინება. მოვლა და რესტავრაცია სჭირდება, ამ დროს კი ფულს ასეთ რამეებში ვფლანგავთ… 12-კაციანი ორკესტრით, რაცმთავარია.

მაგრამ თბილისი გამონაკლისი არ ყოფილა. ფრანგი ფოტოგრაფი ტომა ჟორიო (Thomas Jorion) სხვადასხვა ქვეყანაში მოგზაურობს და მიტოვებულ შენობებს ფოტოებს უღებს.

Continue reading

პარიზი, 1914 წელი

72’000 ფოტო, 183’000 მეტრი ფირი, 50 ქვეყანა, 22 წელი – ფოტოგრაფებმა ჩვენი პლანეტის უნიკალური არქივი შექმნეს. Les Archives de la Planète – ასე ქვია პროექტს, რომლის ინიციატორი და დამფინანსებელი ფრანგი ბანკირი, მოგზაური, ფილანტროპი და პაციფისტი ალბერ კანი (Albert Kahn) იყო. განათლებით ფილოსოფოსს, ანრი ბერგსონის მოწაფესა და ოგიუსტ როდენის მეგობარს, ალბერ კანს იმედი ჰქონდა, რომ ამ პროექტით მსოფლიოს ხალხებს ერთმანეთს გააცნობდა, სხვადასხვა კულტურას შორის, როგორც დღეს ვიტყვით, დიალოგის ხიდს გადებდა და სამყაროს ომს ააცილებდა.

დედამიწის ყველაზე ლამაზ ქალაქს “პლანეტის არქივში” მოსახვედრად რიგმა 1914 წელს მოუწია.

Continue reading

შავი სარკე

ლიბერიელი მოდელის, დედე ჰოუარდის (Deddeh Howard) პროექტი: როგორი იქნებოდა მოდის ჟურნალების ცნობილი ფოტოები, შავკანიანი მოდელის მონაწილეობით:

Black Mirror ProjectBlack Mirror 3

ყოველთვის მიკვირდა, მოდის სახლები Gucci იქნება თუ Chanel, Louis Vuitton თუ Guess ასე იშვიათად რატომ უხმობენ შავკანიან მოდელებს სარეკლამო ფოტოსესიებში მონაწილეობისთვისო, – წერს ჰოუარდი.

Continue reading

ტატუირებული და ძალიან ლამაზი

კვირადღის პოსტი

Felicia by Aneta Kowalczyk 8მოდელი: ფელისია (Felicia Baak)

ფოტოგრაფი: ანეტა კოვალჩიკი (Aneta Kowalczyk)

Felicia by Aneta KowalczykFelicia by Aneta Kowalczyk 1Felicia by Aneta Kowalczyk 2

ორი ხელოვანი და ორი ლამაზი ქალი.

ფელისია ბოოკი შვედი მხატვარია და ტატუირების ოსტატი, ანეტა – პოლონელი ფოტოგრაფი. ფოტოები, ცხადია, ანეტა კოვალჩიკის გადაღებულია, მოდელი თავად ფელისიაა და ტატუ, რასაც ხედავთ, მისი ნამუშევარი.

Continue reading

დოვიმა და სპილოები

ფოტოისტორია

Dovima with Elephants

ეს ძალიან ცნობილი ფოტოა. ერთი, მე-20 საუკუნის 100 ყველაზე ცნობილ ფოტოს შორის. 50 ყველაზე ცნობილ ფოტოს შორის. ზოგი ფოტოგამოცემა 10 ყველაზე ფოტოს შორისაც კი ასახელებს. ყველა დროის ერთ-ერთი ყველაზე ძვირადღირებული ფოტოცაა – მილიონ დოლარზე მეტი გადაიხადეს აუქციონზე. 

რიჩარდ ავედონს ეკუთვნის. დიორსა და ავედონს ძველი მეგობრობა და წარმატებული თანამშრომლობა აკავშირებდათ. პირველი ფოტოსესია 1947 წლითაა დათარიღებული და ეს ორივესთვის გამორჩეული წელია. დიორმა ერთი წლის წინ დააფუძნა მისი მოდის სახლი, ავედონის სტუდიაც ერთი წლისაა. მათი პირველი ერთობლივი ფოტოსესია ეპოქალურია: The New Look-ის ფოტოწარდგენა. დიორი ავედონის თვალით – ცალკე ფენომენია. ამერიკის ბაზარზე დიორის პოპულარობას ავედონის კამერამ დიდად შეუწყო ხელი.

ცხადია, 1955 წლის შემოდგომა-ზამთრის კოლექციის სარეკლამო ფოტოგადაღებაც დიორმა ავედონს ანდო. ფოტო გადაღებულია პარიზში,  ე.წ. “ზამთრის ცირკის” შენობაში Harper’s Bazaar-ის სექტემბრის ნომრისთვის.  ფოტოზე დოვიმაა.  დოვიმას აცვია კაბა, რომლის დიზაინერიც ივ სენ ლორანია, იმხანად დიორის თანაშემწე, ვინც 2 წლის შემდეგ დიორის სახლს ჩაუდგება სათავეში.

Continue reading