ახალგაზრდა მეამბოხე მწერალი გოგო, რომელსაც თავისი ვაგინა ძლიერ უყვარდა

ამბოხის თეორია

პორნოგრაფიაცა და ეროტიკაც შეიძლება ლიტერატურის ნიმუში იყოს.
მელისა პი

Melissa Pდოჩანაშვილისეულ ფოტოგრაფ კეჟერაძეს ძლიერ უყვარდა ლიტერატურა, მწერალ მელისა პანარელოს / მელისა პი-ს (Melissa Panarello / Melissa P.) კი ძლიერ უყვარს თავისი ვაგინა, იმდენად, რომ პირველი რომანი “ჯაგრისის 100 გადასმა ძილის წინ” (100 colpi di spazzola prima di andare a dormire) მას მიუძღვნა. ეს არის დღიური, სადაც ღიად და თამამადაა აღწერილი თხუთმეტი წლის გოგონას სექსუალური ცხოვრება და ფანტაზიები. არა მგონია, იოლი იყოს იტალიელთა გაკვირვება ეროტიკული ნაწარმოებით, მით უმეტეს კი – შოკირება. ბოლოს და ბოლოს სწორედ აქ, რამდენიმე საუკუნის წინ შეიქმნა “დეკამერონი”, მაგრამ “ჯაგრისის 100 გადასმის” ავტორი მხოლოდ 17 წლისა იყო, მთავარი გმირი კი, როგორც ვთქვი – სულ რაღაც თხუთმეტის. ამასთან, მელისა პანარელო სიცილიელია, კატანიას პროვინციის პატარა ქალაქ აჩი კასტელოდან, სიცილია კი დღემდე რჩება პატრიარქარულ ტერიტორიად ევროპაში.

Continue reading “ახალგაზრდა მეამბოხე მწერალი გოგო, რომელსაც თავისი ვაგინა ძლიერ უყვარდა”

ჯენიფერ ბელის აფერა

იცით, ვინ არის ჯენიფერ ბელი?

ერთი მხიარული ახალგაზრდა ქალია. ამერიკელი მწერალი. იუმორით, ირონიითა და, ზოგჯერ, სარკაზმით შეზავებულ წიგნებს წერს. ასე ამბობენ. ჯერომ სელინჯერსაც ადარებენ. მე, სამწუხაროდ, არ წამიკითხავს.

მისი არსებობის ამბავი სულ ახლახანს გავიგე ქევინისგინ – ჩემი კარგი ნაცნობისა და კოლეგისგან… მართალია ქევინი, ჩემგან განსხვავებით, უმაღლეს ლიგაში თამაშობს – “მაქინზელია”  (ეს კი იგივეა, რაც ფეხბურთელისთვის – “ბლანკოსობა”) მაგრამ, სადაც არ უნდა თამაშობდეს კიარადა მუშაობდეს, ამერიკელია და როგორც ყველა (უმრავლესი) ამერიკელი – იდეალისტი.

ჰოდა, ასეთი რამ მომიყვა, თავისი იდეალისტური გადმოსახედიდან აღშფოთებულმა – წარმოგიდგენია, ერთმა მწერალმა, წიგნი რომ კარგად გაყიდულიყო, მსახიობები დაიქირავა, რომლებსაც ხალხმრავალ ადგილებში – მეტროში, სკვერებში, კაფეებში, ქუჩაში მისი ახლადგამოცემული წიგნი უნდა გადაეშალათ და გულიანად გადაეკისკისათ ხოლმეო (მსახიობები ქალები იყვნენ) – აქაოდა, აი რა მაგარ და მხიარულ რამესა ვკითხულობთო…

Continue reading “ჯენიფერ ბელის აფერა”

ვინ დაწერა “ჩემო კარგო ქვეყანავ”?

Auditoria საზმაუს გუშინდელმა “აუდიტორია”-მ ისეთსავე შოკში ჩააგდო ბევრი, როგორც “იმედის” “მოდელირებულმა ქრონიკამ”, არადა, ამ გადაცემაში წარმოდგენილი გამოკითხვაც ოდნავ მოდელირებულს გავდა.

ასე გამოკითხვების ჩატარება არ შეიძლება, თუ, რა თქმა უნდა, ობიექტური სურათის დანახვა გვსურს. ეკა ხოფერია რომ ჩემს ნაცოდვილარს არ წაიკითხავს, ვიცი, არადა, ვეტყოდი – თუ ახალგაზრდა ადამიანს ეკითხები, ვინ დაწერა “ჩემო კარგო ქვეყანავ”, იქვე რატომ არ ეკითხები, თუ ვინ დაწერა “მინერალური ჯაზი”, “მოგზაურობა ყარაბახში”, “საიდუმლო სირობა”? თუ ეკითხები, ვინაა რობერტ სტურუა, რატომ არ კითხავ, ვინაა ჭოლა? თუ ზაქარიაძე არ ახსოვს, კითხე, ვინაა ბეგაშვილი, იქნება და გაიხსენოს?.. ჰო, კაი, ბეგაშვილზე და “სირობაზე” ვიხუმრე, მაგრამ თუ რეზო ჩხეიძე არ იცის, ეგებ, დიტო ცინცაძის ფილმები უნახავს?

Continue reading “ვინ დაწერა “ჩემო კარგო ქვეყანავ”?”

ექიმი, მწერალი, პატრიოტი

1891 წლის 4 მაისს პროფესორმა მორიართიმ შერლოქ ჰოლმსი კლდიდან  რაიხენბახის ჩანჩქერში გადააგდო. დიდი დეტექტივი დაიღუპა… მართალია, 10 წლის შემდეგ ის მკვდრეთით აღდგა, მაგრამ 1891 წლის 4 მაისს ამის შესახებ ჯერ არც პროფესორმა მორიართიმ იცოდა, არც დოქტორმა უოთსონმა და, ასე განსაჯეთ, არც სერ ართურ ქონან დოილმა. Cona Doyle სერ ართურ ქონან დოილი (Sir Arthur Ignatius Conan Doyle, 1859 წლის 22 მაისი – 1930 წლის 7 ივლისი) შოტლანდიაში დაიბადა, წარმოშობით ირლანდიელი იყო და ცხოვრების დიდი ნაწილი ინგლისში გაატარა. იყო ექიმი და მწერალი, ფეხბურთელი და რაგბისტი, მდაბიო და რაინდი, მოკრივე და მეზღვაური, კათოლიკე და აგნოსტიკოსი, მკვლევარი და მისტიკოსი, გამომგონებელი და მოგზაური, მილიონერი და მფლანგველი… მოასწრო იმდენი, რომ ათი ადამიანის ცხოვრებას ეყოფოდა და, რაც მთავარია, შექმნა შერლოქ ჰოლმსი (თუმცა, უფრო ზუსტია – შერლოქ ჰოუმზი)  – მისი ყველაზე ცნობილი და ყველაზე საძულველი პერსონაჟი.
Continue reading “ექიმი, მწერალი, პატრიოტი”

2009 წლის ყველაზე ბანძი SEXები

ინგლისურ ჟურნალს Literary Review დაწესებული აქვს ანტი-პრემია, რომელსაც ლიტერატურულ ნაწარმოებში ყველაზე ცუდად აღწერილი სექსუალური სცენისთვის ანიჭებს ყოველწლიურად.

გასულ წელს პრემიაზე არაერთი ცნობილი მწერალი იყო ნომინირებული:

ფულიცერის, ფოლკნერის სახელობისა და სხვა პრესტიჟული პრემიების ლაურეატი, ამერიკელი ფილიფ როთი სადო-მაზოხისტური სცენისთვის რომანში “დამცირება”:

The green cock plunged in and out of the abundant naked body sprawled beneath it, slow at first, then faster and harder, then harder still, and all of Tracy’s curves and hollows moved in unison with it. This was not soft porn. This was no longer two unclothed women caressing and kissing on a bed. There was something primitive about it now, this woman-on-woman violence, as though, in the room filled with shadows, Pegeen were a magical composite of shaman, acrobat, and animal. It was as if she were wearing a mask on her genitals, a weird totem mask, that made her into what she was not and was not supposed to be. She could as well have been a crow or a coyote, while simultaneously Pegeen Mike. There was something dangerous about it. His heart thumped with excitement – the god Pan looking on from a distance with his spying, lascivious gaze.

Continue reading “2009 წლის ყველაზე ბანძი SEXები”

სულკატიანები

b47290b94c0eადამიანები, დუმბაძე როგორც იტყოდა, სულძაღლიანებად და სულკატიანებად იყოფიან, ჰოდა, მე სულძაღლიანი ვარ, თუმცა კატების საწინააღდეგოც არაფერი მაქვს, მაგრამ მწერლების უმრავლესობა, ალბათ, სულკატიანები არიან. ყოველ შემთხვევაში, მათ კატები რამდენიმე ძალიან კარგი ლიტერატურული ნაწარმოების გმირად აქციეს:

მაგალითად, ბავშვობიდან გემახსოვრებათ ალბათ, ჯანი როდარისეული კოჭლი (ქართულ თარგმანში მას “ფეხცანცარა” ეწოდება) კატა-რევოლუციონერი, ჯელსომინოს რომ დასდევდა ქუჩა-ქუჩა და შენობის ფასადებზე წერდა: “ძირს მიშა”… რა იყო და “მეფეს ოქროსფერი პარიკი ახურავსო”.

ძალიან შავი და მხიარული კატა, სახელად “ბეჰემოთი”, მიხაილ ბულგაკოვის “ოსტატი და მარგარიტადან”.

კატა-ფილოსოფოსი, რომლის ფიქრებიც კარელ ჩაპეკმა აღწერა “კატის შეხედულებით” დაწერილ მოთხრობაში.

დაბოლოს, გენიალური ჩეშირელი კატა, ლუის ქერალის ზღაპრიდან “ალისას თავგადასავლები საოცრებათა ქვეყანაში”.

Continue reading “სულკატიანები”

ვინი პუჰი და სხვა დანარჩენნი

extra_72357_01 წინა პოსტში ვწერდი, რომ 2009 წლის 5 ოქტომბერს, დიდ ბრიტანეთსა და აშშ-ში გამოიცა ინგლისელი მწერლის დეივიდ ბენედიქთუსის (David Benedictus) წიგნი – “დაბრუნება მოჯადოებულ ტყეში” (“ასი აკრის ტყეში დაბრუნება” – Return to the Hundred Acre Wood), რომელშიც ვინი პუჰისა და მისი მეგობრების ახალი თავგადასავლებია აღწერილი. მათი ძველი თავგადასავლები კი პირველად 1926 წელს გამოიცა. წიგნს ეწოდებოდა “ვინი პუჰი” (Winnie-the-Pooh) და მისი ავტორი გენიალური ინგლისელი მწერალი ალან ალექსანდერ (ანუ, როგორც მას უწოდებენ – ეი. ეი.) მილნი იყო (A. A. (Alan Alexander) Milne). ორი წლის შემდეგ მან გამოსცა ისტორიების მეორე ნაწილი, “სახლი პუჰის მხარეს” (The House at Pooh Corner), ამდენად, ვინი პუჰის თავგადასავლები ორწიგნეულია, 10-10 მოთხრობით. თითო მოთხრობა ერთ დასრულებულ ისტორიას წარმოადგენს.

თუმცა, აღსანიშნავია, რომ თავად პუჰი წიგნის ფურცლებზე კიდევ უფრო ადრე  გამოჩნდა… ოღონდ – ილუსტრაციის სახით. 1924 წელს გამოცემულ მილნის ლექსების კრებულში შესულია პოემა სათამაშო დათუნიის შესახებ. სახელი მას არ აქვს, მაგრამ ერნესთ შეფარდის (Ernest Howard Shepard) ილუსტრაციაში ზუსტად ისე გამოიყურება, როგორც ვინი პუჰი.

Continue reading “ვინი პუჰი და სხვა დანარჩენნი”

ვინი პუჰი: Thus, I am back! :-)

return 2009 წლის 5 ოქტომბერს, დიდ ბრიტანეთსა და აშშ-ში გამოიცა ინგლისელი მწერლის დეივიდ ბენედიქთუსის (David Benedictus) წიგნი – “დაბრუნება მოჯადოებულ ტყეში” (“ასი აკრის ტყეში დაბრუნება” – Return to the Hundred Acre Wood). Amazon.co.uk-ს პოპულარობის ინდექსის თანახმად, გამოსვლიდან პირველ კვირას ის ყველაზე გაყიდვად წიგნთა 50-ეულშია.

2001 წელს მსოფლიოში ყველაზე ცნობილ დათუნიას 75 წელი უსრულდებოდა და “პუჰის მემკვიდრეობის მეურვეთა” ფონდში (Trustees of Pooh Properties), რომელიც ორიგინალური ვერსიის ავტორ ალან ალექსანდერ მილნისა (Alan Alexander Milne) და პირველი ილუსტრაციების შემქმნელ ერნესთ შეფარდის (Ernest Howard Shepard) ნაწარმოებზე საავტორო უფლებებს განაგებს, იუბილის მოლოდინში,  წიგნის გაგრძელების იდეა დაიბადა. მწერალი დეივიდ ბენედიქთუსი რამდენიმე სხვა პრეტენდენტს შორის შეარჩიეს. “როგორც კი წიგნის პირველი მონახაზი წავიკითხეთ – ყველა ეჭვი გაგვეფანტა, რომ სწორედ ის უნდა გამხდარიყო გაგრძელების ავტორი”, – ამბობს მეურვე მაიქლ ბრაუნი.

Continue reading “ვინი პუჰი: Thus, I am back! :-)”