კარგი ამბები გურმანებისთვის

ადელაიდის Flinders University-ს მკვლევრებმა სიმსუქნის გენი აღმოაჩინეს. გენი, რომელიც სამეცნიერო ლიტერატურაში RCAN1-ად (Regulator of Calcineurin 1 კალცინეურინის რეგულატორი) არის სახელდებული, პასუხს აგებს, თურმე, ჩვენს სიმსუქნეზე. იმაზე კიარა, რომ არ გავსუქდეთ – პირიქით! ვინ შემოაგზავნა ეს გენი არ ვიცი, მაგრამ ავსტრალიელი მკვლევრები ასე ამბობენ – ამ ბოროტ RCAN1-ს სხვა საქმე არ აქვს, ზის და ელოდება რამე გემრიელს თუ შევჭამთ რომ ნამცეც-ნამცეც და მისხალ-მისხალ უკლებლივ გადაიყვანოს ქონებში. რომელიმე პაწია კალორიაც თუ დაუსხლტა და სადმე კუჭის ყველაზე ბნელ კუნჭულში მიიმალა, იქაც მიაგნებს, გამოათრევს და ღიპებში და ცელულიტში გადაიყვანსო. 😦

Continue reading

Advertisements

მუსია ქებურია

კვირადღის პოსტი

ქართველებზე რატომ არ წერ ბლოგზეო… – უთქვამთ ხოლმე საყვედურად.

აბატონო – მუსია ქებურია.

Fabrika

Friends Don't Count Chromosomes!

I Don't Wanna Pee

Kharkov Smart Fest 2016

Continue reading

გულისამრევი პოლიტკორექტულობა

როგორ დავამკვიდროთ გენდერული თანასწორობა? მამაკაცები უნდა გავწვრთნათ, როგორც ძაღლებს წვრთნიან – სხვა ყველა გზა ფუჭია. როგორ დავძლიოთ რასიზმი? კარგი იქნება, თუ თეთრი სტუდენტები ტოლერანტობის ლექციებს აუდიტორიის იატაკზე მჯდარნი და ბორკილასხმულნი მოუსმენენ, მხოლოდ ასე თუ გაითავისებენ, რა ცუდი იყო მონობა. სილამაზის დამკვიდრებული სტერეოტიპები დისკრიმინაციულია – მათი გადალახვისთვის აუცილებელია სიმსუქნის აქტიური პოპულარიზაცია. ქალთა მიმართ სექსუალურ ძალადობას მრავალი ფარული ფორმა აქვს: მასტურბაცია, თუკი ამ დროს მამაკაცი კონკრეტულ ქალს წარმოიდგენს, დისკრიმინაციისა და სექსუალური ძალადობის აქტია და ქალს უფლება აქვს, მამაკაცს სასამართლოში უჩივლოს.

ამ და სხვა არანაკლებ აბსურდულ (თუმცა, ვისთვის – როგორ) თემაზე “სამეცნიერო” სტატიები 2017-2018 წლის განმავლობაში გამოაქვეყნა რამდენიმე ფრიად პატივცემულმა სამეცნიერო ჟურნალმა. რეცენზენტები, ვინც ამ კვლევებს მწვანე შუქი აუნთო, აგრეთვე პატივცემული და ტიტულმოყრილი მეცნიერები ბრძანდებოდნენ. ავტორები კი…

Continue reading

ანგელოზების აღსასრული

თუმცა, დრო გვიჩვენებს.

Adriana Lima final VSქალის თეთრეულის ყველაზე ცნობილ ბრენდს დაარსებიდან 41-ე წელს რთული დრო უდგას. 1000+ მაღაზიით ბაზრის ყველაზე დიდ მოთამაშედ რჩება, მაგრამ, ბოლო ხანებია, წილი მცირდება და რეპუტაციას წყალი შეუყენეს.

Continue reading

დიეტის დედა და დედოფალი

ჰეილი ფომროი (Haylie Pomroy) ამერიკელი ბიოლოგი, დიეტოლოგი, სწორი კვების სპეციალისტი და მეტაბოლიზმის გურუა.

ორი ათწლეულია, ადამიანები, ვინც ფომროის ენდო, გამოიყურებიან კოხტად, ინარჩუნებენ ჯანსაღ წონას, არ იზიანებენ ჯანმრთელობას, ისე, რომ არც შიმშილით დაიტანჯონ, არც “ამ”, არც “იმ” და არც კიდევ რომელსამე სხვა დიეტაზე ისხდნენ და ნახევარი ცხოვრება კალორიების თვლაში გაატარონ დაზაფრულებმა.

სწრაფი მეტაბოლიზმი არც ღვთის საჩუქარია, არც ლატარეის ბედნიერი ბილეთი, – ამბობს ჰეილი ფომროი, – მეტაბოლიზმის აჩქარება ყველას შეუძლია. სისტემა “ჭამე ნაკლები, ივარჯიშე მეტი” – მეტისმეტად პრიმიტიულია, მართალი რომ იყოს. ჯანსაღი წონის საიდუმლო იმ მექანიზმშია, თუ როგორ ითვისებს ორგანიზმი მიღებულ საკვებს. გურმანობა არვის გაუუქმებია, მაგრამ ესთეტიკური, გემოვნური, კულტურული ფასეულობის გარდა, შიმშილის მოკვლის ბანალური და ბაზისური დანიშნულების გარდა, საკვებ პროდუქტს მეტაბოლიზმის რეგულირების უნარიც აქვს. სწორედ ამაზე დგას ფომროის ფილოსოფია. ჰეილი ფომროის დიეტას კალორიების თვლა-დევნის ნაცვლად, ნივთიერებათა ცვლის მექანიზმის მუშაობა აქვს მიზანში. სწორი და სწრაფი მეტაბოლიზმი – ესაა მთავარი.

Continue reading

ფრანგული სამზარეულოს წესები

სამზარეულო ეს მე ვარ.

(არ უთქვამს, მაგრამ სრული უფლება ჰქონდა – ეთქვა).

Auguste Escoffierესკოფიეს განაშის ავტორობა ჩამოვართვი… მე რისი ჩამომრთმევი ვარ, ფრანგი მკვლევრები და კულინარიის ენციკლოპედისტები ამბობენ, მას არ მოუგონიაო. მაგრამ რომ არ გეგონოთ, ამ ესკოფიეს სხვისი შექმნილის მითვისების მეტი არაფერი უქნია, ახლა მის “სარეაბილიტაციო” პოსტს ვაქვეყნებ. 🙂

ჟორჟ ოგიუსტ ესკოფიე (Georges Auguste Escoffier) თანამედროვე კულინარიის ერთ-ერთი ფუძემდებელი, რეფორმატორი, მასწავლებელი და გამოჩენილი შეფი იყო. ანტონინ კარემის არა უშუალო შეგირდი, მაგრამ მოწაფე და ტრადიციების გამგრძელებელი. ესკოფიეს ეკუთვნის ხუთი ბაზისური სოუსის კონცეფცია – წესი, რომელსაც მსოფლიოს ყველა თანამედროვე სამზარეულო იყენებს.

Continue reading

მგელი და დარაჯი

არავინ ქცეულა მონსტრად, ვინც იქამდე მსხვერპლად არ ქცეულა.
“1793”. ნიკლას ნატ ოუ დოგი

წლის საუკეთესო ავტორი.

წლის საუკეთესო წიგნი.

წლის საუკეთესო კრიმინალური რომანი.

ნიკლას ნატ ოუ დოგს (Niklas Carl Bosson Natt och Dag) დებიუტი დაუგვიანდა, თუმცა, გოგენმაც 40 წლისამ დაიწყო ხატვა და როგორ დაამთავრა, კი ვიცით. 🙂 რას აკეთებდა აქამდე, რატომ დუმდა (ნიკლასზე ვამბობ არა – გოგენზე)… შეიძლება იმათებურ ხაშლამას მარილი არ აკლდა და არც არაფერი ჰქონდა სათქმელი. შვედურ ვიკიპედიაშიც კი სულ ერთი აბზაცია მასზე. როგორც ჩემი დანგრეული შვედურით გუგლ თრანსლეითით გავიგე, სხვადასხვა ძველ და ეკოზიტკურ ინსტრუმენტებზე უკრავს და ორი წელი Slitz-ის რედაქტორი იყო (შვედური “მაქსიმია” – ლამაზი ქალებით, ჭორებითა და სელებრითებით). ერთ დღეს ყველა საქმე მიატოვა და წიგნის წერას ჩაუჯდა.

Niklas Natt och Dag

ისეთ მარტოობაში იზრდება, როდესაც სიტყვა “მარტოობაც” კი აზრს კარგავს.
“1793”. ნიკლას ნატ ოუ დოგი

Continue reading