პოსტი ლადოს, რომელიც პეპსის ცოცხალი თავით არ სვამს 🙂
PepsiCo-ს ხშირად ჰქონია სარეკლამო კამპანიები, რომელსაც შემდეგ რეკლამის, მარკეტინგის სალექციო კურსების, პრაქტიკული მეცადინეობებისა და სახელმძღვანელოებისთვის დაიტაცებდნენ ხოლმე. Pepsi vs Coke სარეკლამო ფრონტებზე ბრძოლის ამბები ამ ბლოგზეც მაქვს აქა-იქ გაბნეული…
წელს, ჰამბურგერის დღეს, რომელსაც ამერიკა 28 მაისს აღნიშნავს, PepsiCo-მ ახალი სარეკლამო კამპანია წამოიწყო “პეპსისთან ერთად უკეთესია” (Better With Pepsi) პოსტერების არაჩვეულებრივი სერიით.
თუ დააკვირდებით და თვალი გამეცადინებული გაქვთ – ეს არის ქაღალდის სამი პაკეტი, რომელშიც ჰამბურგერია ხოლმე გახვეული ჰამბურგერების სამი პოპულარული ქსელიდან – Burger King, McDonald’s, Wendy’s, დაჭმუჭნული იმგვარად, რომ Pepsi-ს ლოგო გამოვიდეს.
სულ ერთია, რომელ ბურგერს მიირთმევთ – პეპსისთან ერთად უფრო გემრიელია. 🙂
რეკლამის იდეა სააგენტო Alma DDB-ს ეკუთვნის მაიამიდან.
სარეკლამო პოსტერში ერთდროულად საყვედურიცაა და ირონიაც – ჰამბურგერების სამივე ქსელი აშშ-ში, ისევე როგორც ჩვენთან, პრაქტიკულად არ თანამშრომლობს PepsiCo-სთან და Coca-Cola-სთან ექსკლუზიური კონტრაქტი აქვთ. ამიტომ ყველას, ვინც ეთანხმება, რომ ჰამბურგერი სწორედ პეპსისთან ერთადაა უფრო გემრიელი, კომპანია PepsiCo პეპსის ფასს უნაზღაურებს… ამისთვის საკმარისია ფოტოს გადაღება ჰამბურგერთან და ქილა პეპსისთან ერთად და კომპანიის დათაგვა სოციალურ ქსელში… მაგრამ აქცია, ცხადია, მხოლოდ აშშ-ში მიმდინარეობს. 🙂
საქართველოში არვინ არაფერს აგვინაზღაურებს, მაგრამ პეპსისთან ერთად აქაც უფრო გემრიელია.
©Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
Pepsi Shares the Story Behind Its Brilliant Burger-Wrapper Ads
***
რაკი Pepsi vs Coke პოსტებიდან დიდი დრო გავიდა, ორ კლიპს იქედან აქეთ გადმოვამატებ ბონუსად. PepsiCo-ს საფირმო იუმორი ინ ექშნ:
Stylish Blog 