სუნამო ვისკის ბოთლიდან

1920 წელი. პარიზი. 5 ბოთლი. 5 არომატს შორის შერჩეული ნომერი 5.

ეს ამბავი ყველამ ბევრმა იცის. მსოფლიოში ყველაზე ცნობილი სუნამოს დაბადების ამბავი.

არ ვიცი, რამდენი იყენებს ამ სუნამოს დღეს, მაგრამ ყველაზე ცნობილი როა – უკამათოა. სიტყვა სუნამოს რომ გაიგებ – პირველი “შანელი ნომერი 5” გახსენდება.

მაგრამ თავისი ისტორია აქვს სუნამოს ბოთლსაც. Chanel No. 5 ფორმისა და შინაარსის ჰარმონიაა.

Chanel No. 5

ფლაკონი არაპრანჭია, მინიმალისტური, ოდნავ ბრუტალური კოკო შანელის დახატულია. თუკი არომატი ერნესტ ბომ (Ernest Beaux) შექმნა, ბოთლის დიზაინი თავად კოკო შანელს ეკუთვნის.

Chanel No. 5-ის ფლაკონი ამ სუნამოს ტოლი შედევრია. დახვეწილი და სადა. ბევრის შეფასებით, ზედმეტად “არაფემინურიც” კი იყო, მაგრამ კოკო შანელი ასეთ ამბებში არასდროს ცდებოდა. თითქმის – არასდროს.

თავსახური – როგორც დაწახნაგებული ალმასი, “შანელის” ლოგოთი. ორი C.

Chanel No. 5 design

ბოთლის დიზაინი დროთა განმავლობაში შეიცვალა. რვა მცირე ცვლილებას დავთვლით დღემდე, მაგრამ მთლიანობაში ისევ ის ფლაკონია, რაც 1921 წელს.

Andy Warhol - Chanel No. 5

Chanel No. 5-ის ბოთლის ინსპირაცია ვისკის დეკანტერია. ასე ამბობენ. და მსგავსება მართლაც თვალშესამჩნევია. ეპოქის გათვალისწინებით, ამ სუნამოს ბოთლი ერთგვარი ფემინისტური განაცხადიც არის.

Whisky Decanter 0.7l

ზემოთ “5 არომატს შორის შერჩეული ნომერი 5” ვახსენე… ეს პოპულარული ლეგენდაა (სიმართლესთან ძალიან ახლოს) თუმცა, სინამდვილეში არომატი მეტი იყო. ერნესტ ბომ კოკო შანელს ასარჩევად 10 ვარიაცია, დღეს რომ ვიტყოდით – ტესტერი წარუდგინა. 1-5 და 20-24. კოკომ ნამდვილად აირჩია მე-5. იმიტომ არა, ან ვთქვათ ასე – მხოლოდ იმიტომ არა, რომ არომატი მოეწონა ყველაზე ძალიან. ციფრი მოეწონა. 5 კოკოს საყვარელი ციფრი იყო. ბედნიერების მომტანი.

ტანსაცმლის ახალ კოლექციებს მე-5 თვის 5 რიცხვში წარვადგენ ხოლმე. ამიტომ ამ სუნამოსაც დავუტოვოთ ეს სახელი. წარმატებას მოუტანს.
კოკო შანელი ერნესტ ბოს

Chanel No. 5 1921 წლის 5 მაისს გამოჩნდა დახლებზე პირველად. “შანელის” პარიზულ ბუტიკში, კამბონის ქუჩაზე. იქ შეგიძლიათ იხილოთ დღესაც. 🙂 პოპულარული საინსტაგრამჩასასელფებელი პარიზული მისამართია.

Creative Commons License©Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

ბონუსად:

1975. კატრინ დენიოვი Chanel No. 5-ის სარეკლამო კამპანიაში. ფოტო: რიჩარდ ავედონი.

2016. ლილი-როუზ დეფი Chanel No. 5-ის სარეკლამო კამპანიაში. ფოტო: კარიმ სადლი. ვიდეო: ჯოან რენექი

***

N°5

The Fascinating History Behind the Chanel No.5 Bottle

One thought on “სუნამო ვისკის ბოთლიდან

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

This site uses Akismet to reduce spam. Learn how your comment data is processed.