რეპერმა ლილ ნაზ იქსმა (Lil Nas X) და არტ-სტუდიამ MSCHF “სატანის ბოტასი” შექმნა.
სულ – 666 წყვილია. დანომრილი (პირველი თავად Lil Nas X-ს შეხვდა). ფასი $1,018.
MSCHF-ის შემოქმედებითმა დირექტორმა, ქევინ ვიზნერმა განაცხადა, რომ სპორტული ფეხსაცმელის შესაღებად გამოიყენეს 60 ml ალისფერი საღებავი და წვეთი სისხლისა. სისხლი კომპანიის თანამშრომლებმა გაიღეს ნებაყოფლობით.
სპორტული ფეხსაცმლის სახელია Drop Luke 10:18. Drop ქართულად წვეთია, Luke 10:18 კი მე-18 თავის მე-10 ლექსია ლუკას სახარებიდან.
მან კი უთხრა მათ: „დავინახე სატანა, ელვასავით ციდან გადმოვარდნილი.
სპორტული ფეხსაცმელი Nike Air Max 97-ის მოდიფიკაციაა – Nike-ის ლოგოც არ წაუშლიათ, რამაც დიდი გაუგებრობა და აურ-ზაური გამოიწვია.
Nike კატეგორიულად გაემიჯნა Drop Luke 10:18-სა და მის შემქმნელებს, მაგრამ არ უშველა და მას შემდეგ რაც სოციალურ მედიაში გავრცელდა პეტიცია სპორტული კომპანიის პროდუქციის ბოიკოტის მოთხოვნით და პროტესტს შეუერთდნენ პოლიტიკოსები და მოძღვრები Nike-მა სასამართლოს მიმართა Drop Luke 10:18-ის გაყიდვის აკრძალვის მოთხოვნით.
MSCHF ცდილობს, დაამტკიცოს, რომ Drop კლასიკური გაგებით ფეხსაცმელს არც წარმოადგენს – ხელოვნების ნიმუშია, საკოლექციო მოდელი. მსგავსი მოდიფიკაციებით ეს სტუდია კარგა ხანია თავს ირთობს – “სატანის ბოტასი” მათი პირველი ნამუშევარი არ არის.
MSCHF –მა 2019 წელს Air Max –ისგან მსგავსი მოდიფიკაციით შექმნა “იესოს ბოტასი” , თუმცა, იმ ამბავმა სკანდალისა და ჩივილის გარეშე ჩაირა.
ნიუ იორქის აღმოსავლეთ რაიონის საოლქო სასამართლომ წინასწარი გადაწყვეტილება Nike-ის სასარგებლოდ გამოიტანა. MSCHF-მა უნდა შეაჩეროს შეკვეთების მიღება “სატანის ბოტასებზე”. ეს საბოლოო გაჩინება არ არის და საქმის არსობრივი განხილვა ჯერ არ დამთავრებულა, ამასთან ადამიანები, ვინც შეკვეთა განათავსა და ახლა შენაძენის მოლოდინში არიან, თავის მხრივ, ასევე იმუქრებიან სარჩელებით.
©Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
Lil Nas X’s unofficial ‘Satan’ Nikes containing human blood sell out in under a minute
MSCHF ordered to halt fulfillment for ‘Satan Shoes’ in Nike lawsuit
ასევე:
წითელი წკაპუნები შავ კვადრატში
Stylish Blog 
სავაჭრო ნიშნის გამოყენება საავტორო უფლების დარღვევა არ არის? და ესეთი მოდიფიკაცია ძალიან გავს პლაგიატს.
ლაბუტენმა თუ მოიგო სასამართლო, ნაიკის შემთხვევა კიდევ უფრო აშკარა მეჩვენება.
LikeLike
ასე ერთმნიშვნელოვანიც არაა.
მაგალითად შენ იყიდე ბოტასი – შენი საკუთრებაა უკვე, წაიღე სახლში, მერე ან გადაღებე ან თასმები გამოუცვალე – მოდიფიკაციაა უკვე. შემდეგ ადექი და გაყიდე…
მართალი ვთქვა, არ მაქვს პასუხი. 🙂
მაგრამ ეს კონკრეტული შემთხვევა სატანის ბოტასის კიდევ სხვაა.
პოპ არტში რომ აიღებენ ვთქვათ, კოლას ბოთლებს და კომპოზიციაში იყენებენ, მოდიფიკაცია ეგეც. და კომერციული დანიშნულება აქვს – იყიდება. აქვს თუ არა კოკა-კოლას უფლება აკრძალოს ან ფული მოითხოვოს?
თუ ეს ბოტასიც ხელოვნების ნიმუშში გადის მაშინ, იდეაში, ბევრი არაფრით განსხვავდება.
წითელი ძირების თემა განსხვავებულია.
LikeLike