საკაე კატოს კატები და ერთი ძაღლი

საკაე კატო ოკუმაში ცხოვრობს. იაპონიაში. ოკუმა პატარა ქალაქია, რომელზეც, ალბათ, იაპონიის გარეთ ბევრი არაფერი იცოდნენ 2011 წლამდე. 2011 წელს კი ქალაქს წყნარი ოკენის ფსკერზე მომხდარი მიწისძვრით გამოწვეული ცუნამი დაატყდა თავს, ის ცუნამი, რომელმაც ფუკუშიმას ატომური სადგურის დაზიანება გამოიწვია. ოკუმა თითქმის სრულად დაიტბორა, შენობების უდიდესი ნაწილი დაინგრა. მოსახლეობა გახიზნეს.

ქალაქში დარჩნენ კატები და საკაე კატო. საკაე კატო ქალაქში დარჩენილ კატებს უვლის. სულ 41 კატა დარჩა ოკუმაში. კიდევ 23 დაიხრჩო და საკაე კატომ დაკრძალა. საკაე კატომ ერთი ძაღლიც გადაარჩინა. ძაღლების უმრავლესობა დახრჩო – ძაღლებმა ხომ ხეზე ცოცვა არ იციან.

Sakae Kato (1)

10 წლის განმავლობაში საკაე კატო პრაქტიკულად მარტო ცხოვრობდა ოკუმაში ერთ ძაღლთან და 41 კატასთან ერთად. პრაქტიკულადო, ვამბობ, იმიტომ რომ ქალაქში მუშაობდნენ ჯერ მაშველები, შემდეგ კი მშენებლებიც გამოჩნდნენ ინფრასტრუქტურისა და შენობების აღსადგენად.

Sakae Kato (3)

ელექტროენერგიისა და წყლის მიწოდების აღდგენას რამდენიმე წელი დაჭირდა. საკაე კატო წყალს მახლობელი მთის მდინარიდან ეზიდებოდა. თევზაობდა. აგროვებდა ხილს. ნელ-ნელა დატბორილ ბაღ-ბოსტანსაც მიხედა. ცხოველებისთვის საკვები მეზობელი ქალაქიდან მოქონდა ნავით. როცა შესაძლებლობა ნახა, მოტოციკლიც ამოქოქა.

Sakae Kato (2)

საკაე კატოს ტახებიც სტუმრობენ – მათაც კვებავს.

ჩემი გვარი სამი თაობაა აქ ცხოვრობს, – უთხრა საკაე კატომ “როიტერის” ჟურნალისტს, – ეს ჩემი მიწაა და როგორ უნდა მივატოვო ან სად უნდა წავიდეო.

Sakae Kato (4)

საკაე კატო ოცნებობს იმ დღეზე, როდესაც მისი მეზობლები დაბრუნდებიან და ცხოველებს მათ პატრონებს დაუბრუნებს. შემდეგ სიკვდილიც შეიძლებაო, – ასე ამბობს.

პირველი 50 ადამიანი მშობლიურ ოკუმას 2019 წელს დაუბრუნდა.

Creative Commons License©Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

Japan Times: The animals being cared for in Fukushima’s nuclear zone

3 thoughts on “საკაე კატოს კატები და ერთი ძაღლი

  1. წინა პოსტზე კომენტარი ვერ დავტოვე – ფანტასტიკა არ მიყვარს, მაგრამ ძალიან ვისიამოვნე.
    თარგმანი – არაჩვეულებრივია!

    Liked by 1 person

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

This site uses Akismet to reduce spam. Learn how your comment data is processed.