აუსტერლიცის მზე და მარენგოს ქათამი

ფრანგების იმპერატორი არასდროს უჩიოდა უმადობას. მეტადრე – ბრძოლის შემდეგ. მოგებული ბრძოლის შემდეგ ხომ – მითუფრო.

ასე იყო 1800 წლის 14 ივნისს, მარენგოს მახლობლად. ნაპოლეონმა, რომელსაც წესად ჰქონდა, არაფერი ეჭამა, სანამ ბრძოლას უძღვებოდა, ავსტრიელების დამარცხების შემდეგ ქათმის კერძი მოისურვა. ფრანგული არმიის სურსათ-სანოვაგის კარვები ბრძოლის ველიდან საკმაოდ მოშორებით იყო გამართული, იმპერატორი კი ვერ ითმენდა, ამიტომ მისმა პირადმა მზარეულმა დუნანმა (Dunand) იქვე უახლოეს სოფელში შეგირდები აფრინა პროვიანტის შესაძენად და რაც მიუტანეს, იმისგან მარტივი და გემრიელი კერძი შექმნა, მარენგოს ქათამი ან ნაპოლეონის ქათამი (Poulet de Napoléon) რომ ჰქვია.

იმპერატორივით რომ დანაყრდეთ, ამისთვის დაგჭირდებათ:

ქათამი
პომიდორი
ნიორი
კურვუაზიე
პურის ნაჭრები
კვერცხი
მტკნარი წყლის კიბო
ზეითუნის ზეთი
მარილი და პილპილი გემოვნებით

მოგვიანებით დუნანმა რეცეპტი დახვეწა – კიბო ჩაანაცვლა სოკოთი, ნახარში – ბულიონით, კონიაკი – ღვინოთი, მაგრამ ნაპოლეონი იმ პირვანდელი რეცეპტის ერთგული დარჩა.

მომზადების ვიდეოს (ჩემსას – არა) ქვემოთ დავდებ. მანამ კი – ორი სიტყვით:

ჯერ ამზადებთ ქათმის ნახარშს.
შემდეგ წვავთ ქათმის ნაჭრებს. გადმოიტანთ ტაფიდან.
ამზადებთ მარენგოს სოუსს: წვავთ ნიორს, თუშავთ კონიაკში, ამატებთ ქათმის ნახარშს და პომიდორს.
აბრუნებთ ქათმის ნაჭრებს ტაფაზე და თუშავთ.
ამასობაში წვავთ კიბოს, კვერცხს და პურის ნაჭრებს.

ახლა კი – ვიდეო.

სტეფანი ფრანგი მოყვარული შინამზარეული (ე.წ. Home Cook) და ფუდ-ბლოგერია. კიბოს ნაცვლად სოკოს იყენებს, სხვამხრივ იმ, პირვანდელი რეცეპტის ერთგულია.

Creative Commons License
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

P.S.

ფუდ-ბლოგერობაში გადაკვალიფიცირებას არ ვაპირებ. ჩათვალეთ, რომ ესეც ბონაპარტისტული პოსტია და არა მზარეულური. 🙂

5 thoughts on “აუსტერლიცის მზე და მარენგოს ქათამი

  1. გასინჯული გაქვს?
    მარტივი რეცეპტია. არ მგონია, გამორჩეული გემო ჰქონდეს.

    მაგრამ ეგ ბიჭი ისე აკეთებს, მომეწონა. 🙂 ვცდი ერთხელ

    Like

    • გასინჯული გაქვს?

      კი. მაგრამ ქართული კონიაკით :))

      სტეფანა ძაან დონე ბლოგერია. ფრანგული სამზარეულოს წესების ახსნის ამბავში ერთ-ერთი საუკეთესო. და კონკრეტულ რეცეპტებსაც კარგად და გასაგებად ხსნის.

      Like

გაიარეთ ავტორიზაცია კომენტარის დასამატებლად: Lord Vader კომენტარის გაუქმება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

This site uses Akismet to reduce spam. Learn how your comment data is processed.