ოთხი ფოტოგრაფის ერთი ქალაქი. ფოტო პირველი

ფოტო პირველი: უილი რონისი

ეს ქალაქი ვისთვის ეიფელის კოშკია. ვისთვის ლუვრი. მონა ლიზა. მონმარტრი. პიგალი. ტრიუმფალური თაღი. შანელი.

მაგრამ სუნამო არა – პარიზი ბულანჟერიის სურნელშია გახვეული. პურის, ახლადგამომცხვარი პარიზული ბაგეტის, რომელიც დილით ადრე სწრაფად უნდა აარბენინო სახლში, თორემ გზაში შემოგეტეხება და შემოგეჭმევა.

ამიტომ მიყვარს უილი რონისის ეს ფოტო.

Willy Ronis - Le Petit Parisien

უილი რონისი (Willy Ronis) რუსეთის იმპერიიდან პოგრომებს გამოქცეული ებრაელი ემიგრანტების შვილია. თავად პარიზში დაიბადა და ამ ქალაქს უამრავი, არაჩვეულებრივად მეტყველი, პოეტური ფოტო უძღვნა.

მამამისი ფოტოგრაფი იყო და მონმარტრზე ფოტოსტუდიაც ჰქონდა, შვილს ფოტოხელოვნებას ასწავლიდა და Kodak-ის კამერაც აჩუქა, მაგრამ უილი ამ საქმეზე არ ფიქრობდა – მევიოლინოობაზე ოცნებობდა და იმედისმომცემი ნიჭიც ჰქონდა. მამა რომ ავად გახდა, ოჯახური ბიზნესის გადაბარება მოუხდა და მუსიკისთვის საკმარისი დრო აღარ დარჩა.

Willy Ronis - Famille Au Vert Galant

Willy Ronis - Avenue Simon Bolivar

Willy Ronis - Carrefour Rue Villin

Willy Ronis - Cafe le Bidule

მისი მუსიკა მის ფოტოებშია.

პარიზის გარდა ბევრი ცნობილი ფოტოპორტრეტის, საპროტესტო-სოციალური ფოტოებისა და ნიუ-ს ავტორია. მუშაობდა ჟურნალებისთვის Vogue და Le Jardin des modes. და საინფორმაციო სააგენტოსთვის Rapho.

Willy Ronis - Homme Sur un Banc

Willy Ronis - Homme marchant le long de la Seine

Willy Ronis - Le retour des prisonniers

Willy Ronis - Les Amoureux de la Bastille

Willy Ronis - Pont Alexandre III

Willy Ronis - Marchands de frites

Willy Ronis - Quai du Louvre

Willy Ronis - Adieux du Marin

Willy Ronis - Bois de Boulogne

მეგობრობდა რობერთ ქაფასთან და, თითქოს, მუდმივ დიალოგშია “გრძნობების მწევარ” ანრი კარტიე-ბრესონთან.

Willy Ronis - Pluie, Place Vendôme

Willy Ronis - La Fenêtre

Willy Ronis - Place De La Concorde

Willy Ronis - Villa du Parc

Willy Ronis - Menilmontant

ვინ იცის, როგორი მევიოლინე დადგებოდა – ერთ-ერთი ყველაზე სახელგანთქმული პარიზელი ფოტოგრაფი კი არის. Kodak-ის პრიზი, 1947. ვენეციის ბიენალეს ოქროს მედალი, 1957. საფრანგეთის კულტურის სამინისტროს გრან პრი, 1979. ფოტოჟურნალისტებისა და გამომცემლების პრიზი (Prix Nadar) საუკეთესო ფოტო-ალბომისთვის, 1981… ყველა ჯილდოს აქ არ ჩამოვთვლი, 1986 წელს კი ხელოვნების დარგში ყველაზე პრესტიჟული ხელოვნებისა და ლიტერატურის (Ordre des Arts et des Lettre) ორდენის კავალერი გახდა.

Willy Ronis - Autoportrait

ფოტოებს იღებდა ღრმა მოხუცებულობამდე, სანამ ჯოხების გარეშე გადაადგილება შეეძლო. სტუდიური ფოტო არ უყვარდა. დადგმულ ფოტოებს არ სწყალობდა. მისი სტიქია პარიზი, ქუჩა და მეყსეული გაელვება, წამიერი ემოცია იყო.

დაწერა წიგნები, კითხულობდა ლექციებს, ასწავლიდა. საუკუნეს სულ ერთი წელი დააკლდა – 99 წლისა გარდაიცვალა.

Creative Commons License
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

The Photographer Who Saw Paris With His Heart in His Eyes

Willy Ronis: The Master’s Moment

***
ასევე
ოთხი ფოტოგრაფის ერთი ქალაქი (ფოტო მეორე)

3 thoughts on “ოთხი ფოტოგრაფის ერთი ქალაქი. ფოტო პირველი

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

This site uses Akismet to reduce spam. Learn how your comment data is processed.