გინახავთ თუ არა ძველი თბილისური სადარბაზოები? მე-19 საუკუნის ბოლო, მე-20 საუკუნის დასაწყისის თბილისისა, სანამ წითელი ვანდალები შემოგვესეოდნენ. სოლოლაკში, ჩუღურეთში, მთაწმინდაზე ბევრი ასეთი სადარბაზო იყო, დეკორირებული, ლამაზად მოხატული.
დღეს ცოტა შემორჩა და უმეტესობა ისეთ მდგომარეობაშია, შეხედავ – გული გეტკინება. მოვლა და რესტავრაცია სჭირდება, ამ დროს კი ფულს ასეთ რამეებში ვფლანგავთ… 12-კაციანი ორკესტრით, რაცმთავარია.
მაგრამ თბილისი გამონაკლისი არ ყოფილა. ფრანგი ფოტოგრაფი ტომა ჟორიო (Thomas Jorion) სხვადასხვა ქვეყანაში მოგზაურობს და მიტოვებულ შენობებს ფოტოებს უღებს.
25-წელია სამყაროს ობიექტივში უყურებს. ჯერ ჰობი იყო, ახლა კი პროფესიად ექცა.
თავდაპირველად – უსისტემოდ: თვალი მოჰკარი – გადაუღე. შემდეგ საგანგებოდ დაუწყო ასეთ შენობებს ძებნა. მეგობრების დახმარებით, წიგნებში, გუგლით, სოციალურ ქსელში… ყველა გზით, რაც დღეს ადამიანის ხელთაა.
შენობათა უმეტესი, რომელიც ტომა ჟორიოს ფოტოებზეა, მიტოვებულია როგორც მფლობელების, ასე ყველა დანარჩენის მიერ. აქ არც იუნესკოა, არც ძეგლთა დაცვა არც არქიტექტორები, არც რესტავრატორები, არც მუნიციპალიტეტი… ტურისტსაც ვერ შეხვდები.
მხოლოდ მცენარეები, ქვეწარმავლები და მღრღნელები. ფრინველი თუ გადაუფრენს რომელიმე.
ჟორიო ცდილობს ფოტოები ბუნებრივი იყოს – განათების საშუალებებსაც კი იშვიათად იყენებს.
ტომა ჟორიო რამდენიმე წიგნის და ფოტო-ალბომის ავტორია, გამოფენები კი დიდი პოპულარობით სარგებლობს.
თუ უახლესი ორი თვის განმავლობაში პარიზში მოგიწიათ ყოფნა, ტომა ჟორიოს ნამუშევრები შეგიძლიათ მონპარნასზე Galerie Esther Woerdehoff-ში დაათვალიეროთ.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
Thomas Jorion: Forgotten Palaces
P.S.
ეს კი “ობობას სახლია” ფოთში… რაც მისგან იყო დარჩენილი 4 წლის წინ. არ ვიცი დღეს როგორაა – გვერდით რომ სიმახინჯეს უშენებდნენ, სულ ჩაყლაპავდა ალბათ.
***
თბილისური სადარბაზოების ფოტოებს კი აქ დაათვალიერებთ.
Stylish Blog 
მიტოვებული რკინიგზის სადგური მახსოვს აფხაზეთში. სურათები ვრცელდებოდა აქტიურად. სასწაული სანახავი იყო. ზოგადად, სასწაული სანახავია ესენი. ნგრევა-განადგურებასაც საკუთარი ხიბლი ჰქონია.
LikeLike
მე არ მახსოვს.
თუმცა სოხუმში, მგონი, არ ვარ მატარებლით ჩასული. გაგრაში – კი.
დრონი მეფობენო…
მთელი ქალაქებია მიტოვებული ghost cities. ე.წ. მონო-ქალაქები, რომელიმე ერთ ინდუსტრიაზე ჩამოკიდებული რომ იყო და იმ ინდუსტრიას თუ პრობლემა აქვს, მთლიანად იცლება ქალაქები. ეკოლოგიური კატასტროფებიც და სხვა მიზეზებით კიდევ.
ასეთი ლამაზი შენობებით არაა ოღონდ.
LikeLike
ობობას სახლი ვისი გადაღებულია?
LikeLike
ჟორიოს გადაღებული არაა
მე გადავუღე
LikeLiked by 1 person
შთამბეჭდავია!
ეს სასახლეები ალბათ კერძო მფლობელობაშია? ფოტოგრაფის საიტი ვნახე და შენობებთან ერთად ხშირად ის ადგილებიც მიტოვებულია, სადაც ეს შენობები დგას. ამათი აღდგენა ძალიან ძვირი დაუჯდება მფლობელს. ალბათ რეაბილიტაციაც არ არის ყოველთვის შესაძლებელი აუტენთიკურობის შენარჩუნებით.
მაგრამ ბოლო ფოტოზე ჩანს რომ კონსერვაცია გაუკეთეს.
LikeLike
ჰო, White elephant.
LikeLike
საბერძნეთშიც ბევრია ესეთი მიტოვებული სასახლეები, ზოგ მფლობელს აღდგენის თანხა არ აქვს, ზოგს არ აინტერესებს. ფინანსური კრიზისია 🙂
LikeLike