2018 წლის 18 ნოემბერს მიქი და მინი მაუსებს 90 წელი შეუსრულდათ, ნიანგი კი 85 წლის გახდა. სახელოვანი თარიღის აღსანიშნად კომპანიებმა The Walt Disney Company და Lacoste სტუმრები პარიზის დიზნილენდში მიიპატიჟეს, სადაც “ლაკოსტის” თაგუნური კოლექცია წარუდგინეს.
Disney I Lacoste მოიცავს მამაკაცის, ქალისა და ბავშვის ტანსაცმელს, ფეხსაცმელსა და აქსესუარებს. როგორც 2018-19 წლების შემოდგომა/ზამთრის, ასევე გაზაფხული-ზაფხულის მოდელებსაც.
ნოვაკ ჯოკოვიჩი, ავსტრალიის ღია პირველობის გამარჯვებული Disney I Lacoste საჩოგბურთო პოლოში.
(კი, ვიცი, უმრავლესობა რომ ნადალს ქომაგობდით)
იყო დრო, ჩოგბურთში მეც მყავდა ჩემი ფავორიტები და ვქომაგობდი. ახლა, ჩვენებური ბასილაშვილის გარდა, ფავორიტი ჩოგბურთელი არ მყავს და, უბრალოდ, “ლაკოსტს” ვქომაგობ. 🙂
“ლაკოსტი” ერთადერთი არაა, ვისთანაც გასულ წელს საიუბილეოდ “დიზნი” დაწყვილდა. 2018/2019 წლის Disney კოლექციები გამოუშვეს Levi’s-მა, Gucci-მ, Moschino-მ და ყურსასმენები – Beats By Dre-მ.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
P.S.
ბავშვობაში, ჯერისევ კასეტების ეპოქა რომ იყო, ვისოცკის კასეტა მქონდა. რომელიღაცა ნახევრადფარული კონცერტის. ვისოცკი დასაწყისში ასრულებდა სიმღერას “რაც არ მიყვარს” (Я не люблю) და დარბაზს მიმართავდა – “ეს სიმღერა იმიტომ შევასრულე, ეჭვი რომ არ შეგპარვოდათ – სცენაზე სწორედ ის კაცია, ვისაც ელოდითო”.
ვისოცკის ვერ ვედრები, მაგრამ ეს პოსტი იმის დასტურია, რომ წელსაც იგივე ბლოგია, რასაც შარშან კითხულობდით. 🙂
***
Get Sporty With the New Lacoste Collection Featuring Mickey and Minnie
Stylish Blog 