დაახარისხე ნარჩენი!

შაბათის პოსტი

თბილისის მერიამ USAID-ის დაფინანსებით უახლესი ურნების დამონტაჟება დაიწყო ქალაქში, რომელიც ნარჩენების დახარისხების საშუალებას გვაძლევს.

როგორც იტყვიან – სჯობს გვიან, ვიდრე არასდროს. შესაქები ინიციატივაა, როცა კარგი კეთდება კეთილი სიტყვის თქმა უნდა და დანახვა. ოღონდ – ჩახედვა არა.

https://www.facebook.com/eto.gugava/videos/2180934271938315/

ინტრიგანი თუ არ ხარ – რას იხედები შიგნით? დაახარისხე და ჩააგდე. რა ვუყოთ მერე, თუ ურნები არ დგას? ნაფიქრი ექნებათ მაგაზე.

თუ ჩახედვაა მაინცდამაინც, მოდი მეზობლის გამოცდილებას ჩავხედოთ. იქ დახარისხების წახალისებას ცდილობენ:

სტამბოლის მეტროს სადგურებში დადგეს ნარჩენშემსყიდველი ავტომატები, რომლებიც პლასტმასის ბოთლებისა და ალუმინის ქილების სანაცვლოდ მგზავრს ისტამბულკარდზე (იქაური მეტრომანი) ურიცხავენ ფულს.

0.33-იან ბოთლს დანადგარი 2 თურქულკაპიკად “ყიდულობს”, ქილას კი – 7 კაპიკად. მეტი ზომისას – უფრო ძვირად აფასებს. ბევრი არ გამოდის მაინც, მაგრამ თბილისურ ნოუჰაუს კი ჯობს. ან – ვერ ჯობს.

დრო გვიჩვენებს.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___

P.S.

სადმე სხვაგან, ევროპებში არვის მოუვიდოდა თავში გადამოწმება – დგას თუ არა ურნები. ბოთეები არიან და – მიტომ. ქართველებს ცხოვრებამ გვასწავლა, აბრებსა და ინსტრუქციებს არ ვენდოთ ბრმად. როგორც გამოცდილ წინაპართ დაუბარებიათ – “რუჩკებს არ ენდოთ, რუჩკებსო”.