ლატე ზურიკელასთვის

თუ ძაღლები, ყავა და მოგზაურობა გიყვართ და ტაიბეიში მოხვდებით, კაფე Mr. R. Drinks-ს უნდა მიაკითხოთ, სადაც ბარისტა მისტერ არ აი ასეთ რამეებს მოგიმზადებთ:

ტაივანური ყავახანის შიბა ინუ ლატე ე.წ. 3D ლატე-არტის ტექნიკით მზადდება. ეს ტექნიკა აღმოსავლელი ბარისტების მოფიქრებულია, ტრადიციული, ევროპული ლატე-არტისგან განსხვავება თვალნათელია – აქ ნახატი კი არ იხატება, არამედ – იძერწება.  როგორც მიქელანჯელომ თქვა: იღებ გაყინულ ნაღებს და ზედმეტს ჩამოათლი. გრჩება:

3D ლატე-არტის გამომგონებლად იაპონელ კაზუკი იამამოტოს მიიჩნევენ. ყოველ შემთხვევაში პოპულარიზატორი და ყველაზე ცნობილი ლატე-არტ-სკულპტორი სწორედ ისაა, მაგრამ მისტერ არმა ფერები და მეტი რეალიზმი დაამატა. არ ვიცი, რამდენად დალევადია ასეთი ყავა, მაგრამ თვალი კი სვავს.

Mr. R ლატე-არტით არამხოლოდ ლატეს – ჩაის, წვენს და ალკოჰოლურ სასმელსაც აფორმებს. თითო ფინჯანს 5-10 წუთს ანდომებს.

ისეთია – დალევა შეგეცოდება.

მაგრამ თუ არ დალევთ – შეიძლება შიბა ინუ თავად დათვრეს და ფინჯანში ჩამოეძინოს.

ზოგი ხალხის სამზარეულოს უკუღმართი წესი ძაღლის ხორცის ჭამაა. ჰოდა აგერ, ასე ლატედ დალევა არ ჯობს?

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

P.S.

პოსტებს ვახარისხებ ხოლმე და ბლოგის სხვადასხვა უჯრაში ვათავსებ. ასე უფრო მოსახერხებელია.

ამ პოსტზე ვფიქრობდი – საჭმელ-სასმელში გამეშვა თუ ხელოვნებაში. ბოლოს ხელოვნებაში მოხვდა, ArtsBox-ში.

***

Mr. R Drinks