შაბათს “პეგასუსის ავიახაზების” თვითმფრინავი ტრაბზონში დაჯდომისას ზოლიდან გადავიდა და კინაღამ ზღვაში ჩავარდა. არ იფიქროთ, რომ ეს პოსტი მაგ ამბავზეა. სულაც არა. უბრალოდ, HDN-ის თვითი მომეწონა ქალ-პილოტებზე. თან, რა-რა და სექსისტური ოხუნჯობა თემაზე ქალი-საჭესთან უცხოა ჩემთვის. არ მგონია, იყოს დედამიწაზე ქალი, კაცი ან თოლია, რომელიც ჩემზე უნიჭო იყოს საჭესთან. ასე რომ, ქალ-მძღოლზე ხუმრობა ჩემეული ხუმრობა არაა.
პილოტები კი მართლა ლამაზები ყოფილან.
თურქეთშიც და სხვაგანაც.
არც ესერ აქსან ერდოღანი, არც პინარ აქთუღი იმ თვითმფრინავს არ მართავდნენ, თუმცა, ორივე Pegasus Airlines-ის პილოტია.
AtlasGlobal-ის შტურვალს უზის იაღმურ იილმაზ სარიოღლუ. სარიშვილია ქართულად. 
ყველაზე მეტჯერ, “თურქიშით” მიფრენია. მათ, თურმე, ისეთი ლამაზი პილოტები ჰყავთ, როგორც ებრუ უნსალია.
აშკიმ პელინი OnuAir-ის პილოტია.
ეზე ქოქმაზი AirCule-ის თვითმფრინავს მართავს.
და ავტომობილზეც კი თვითმფრინავი აქვს მიმაგრებული – ყველამ იცოდეს, ვინ არის საჭესთან.
სემინ ოზთურქი აკრობატია, მაგრამ პირუეტებს ბატუტზე კიარა ცაში კრავს – “მკვდარი მარყუჟი” თუ როგორცაა. კამარა და მისი ჯანი.
შვედი პილოტები მარია ფაგერშტორმი და მარია პეტერსენი “ორ მარიად” არიან ცნობილნი. ერთი კანარის კუნძულებზე კომერციულ ავია-ტაქსის მართავს, მეორე “რაინეარში” მუშაობდა დღეს ისიც კერძო ფრენებითაა დაკავებული. თუ ბევრი ფული გაქვთ – უკეთეს პილოტებს ვერც ინატრებთ. არც ეწევიან, არც რუსული შანსონით გაგაყრუებენ, არც ცხოვრებაზე წუწუნით გამოგიჭედავენ ყურს… ანკი რა აქვთ საწუწუნო.
ბელგიელი კიმბერლი Blue Air-ის მფრინავია. იმედია, ფრენისას არ იღებს სელფებს, მხოლოდ – ტრენაჟორზე.
RainAir-ის შემოსვლას კარგა ხანია ქართველები ველოდებით, მაგრამ – არ ჩანს. ამ ავიაკომპანიის პილოტები არიან ჰოლანდიელები – მიშელ გურისი და ევა კლერ მარსელი.
ახლა, უფრო ჟინიანად დაველოდებით.
ქალი-პილოტი საქართველოს სამოქალაქო ავიაციაშიც გვყავს. ჯერ მხოლოდ ერთია – ნადია ბენკლიანი.
მაგრამ მის მაგალითზე დაფრთიანდებიან სხვებიც და მეტი გვეყოლება.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
P.S.
ევროპგარეთაც ბევრი ლამაზი პილოტი ქალია. მათზე – სხვა დროს.
მაგრამ ერთ ამბავი მოვიტოვე სახალისოდ – ორიოდ წლის წინ რუსებმა გაავრცელეს ისტორია, თუ როგორ ანადგურებს ISIS-ის ბაზებს სირიაში რუსი პილოტი-ქალი კაპიტანი ბალისლავა. ააწრიალეს სოციალური ქსელები… ბოლოს აღმოჩნდა, რომ ფოტოზე, რომელსაც აფრიალებდნენ არც რუსი იყო და არც პილოტი – ბრაზილიელი მოდელი ანა ჰიკმანი იყო.
Stylish Blog 
ჩვენიც ჩაამატე სიას
ნადია ბენკლიანი საქართველოს სამოქალაქო ავიაციის პირველი ქალი მფრინავია.
https://www.allnews.ge/sazogadoeba/155309-%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D%E1%83%A1-%E1%83%A1%E1%83%90%E1%83%9B%E1%83%9D%E1%83%A5%E1%83%90%E1%83%9A%E1%83%90%E1%83%A5%E1%83%9D-%E1%83%90%E1%83%95%E1%83%98%E1%83%90%E1%83%AA%E1%83%98%E1%83%98%E1%83%A1-%E1%83%9E%E1%83%98%E1%83%A0%E1%83%95%E1%83%94%E1%83%9A%E1%83%98-%E1%83%A5%E1%83%90%E1%83%9A%E1%83%98-%E1%83%9B%E1%83%A4%E1%83%A0%E1%83%98%E1%83%9C%E1%83%90%E1%83%95%E1%83%98.html
LikeLiked by 1 person
უპს, ჩემი შცდომაა, მართალი ხარ 100%! დავამატებ.
LikeLike
ქალ პილოტის ხელფასი უფრო დაბალი იქნება, ამიტომ ყავს რაინეირს ბევრი ქალი პილოტი. 🙂 ვიზეირსაც ეყოლება ქალი პილოტები.
აირზენას არ გვყავს პილოტი ქალები?
LikeLike
ყველანი კარგები არიან, მაგრამ ეს თურქი სარიშვილი რა ბომბაა!
LikeLiked by 1 person