მალიარი ხარ, ბიჭო?

შაბათის პოსტი

Mimino colorჯერ ისტორიები მოყვა – მოსკოვიდან ახალი ჩამოსული ვარო (2008 წლამდელ ამბავს ვყვები), იქო ესო-ისო, გაზპრომიდან დაწყებული კრემლის პალატებით დამთავრებული ყველგან ვარ ნამუშევარიო. ბოლოს ჟანა ფრისკეს (მაშინ ცოცხალი იყო, ცხონებული) ბინის რემონტის ამბავზე რომ გადავიდა, მეთქი, კარგი, მაგრამ ახლა ჩემს კედლებს მიხედე-მეთქი.

მაღაზიაში ფერი ავარჩიე. ვიყიდე “ბეტეკის” საღებავი და კოლერი. გამოთვალეს პროპორცია, რამდენი-როგორ უნდა შეგვეზავებინა და ცხრილი და ინსტრუქციაც გამოგვატანეს. მოვუტანე ამ ჩვენ “ფრისკეს მალიარს”. დახედა ეჭვის თვალით. გახსნა და ვუყურებ, შერევას აპირებს. ვეუბნები –  მოიცა, რას აკეთებ, აგერ დოზატორია და პროპორციაც წერია…

კი წერია, მაგრამ ეგ კომპიუტერში ჯდება ეგრე და სინამდვილეში არ ემთხვევაო. ეგ თეორიაა და მე პრაქტიკის სიმაღლიდან გეუბნებიო. გაზპრომიდან დაწყებული კრემლის პალატებით დამთავრებული ყველგან მე ვმუშაობდიო… შევატყე, ისევ ჟანა ფრისკეს ამბავს იწყებდა და ჯანდაბას, სცადე-მეთქი.

დაიწყო… შეურევს, გაუსვამს კედელზე ფუნჯით, დახედავს, გაშრება – ესაა – შემეკითხება (“მიმინოსავით”)… კიდევ გააზავებს, გვერდით გაუსვამს – აბა, შეადარე. კიდევ გააზავებს… მოკლედ, დასვა მაინც ფერი, ვერ დავუკარგავ. გრძელი გზა მოიარე, ფერი ისე დასვიო მეთოდით.

მაგრამ,  საიდან ტექნოლოგიების მიმართ ეს ეჭვი და რად აღარ გადაშენდება? არ მოვიდა დრო? მე იმდენად მჯერა და ისე ვარ კომპიუტერზე დამოკიდებული – კალენდარიც იქ მაქვს, დღის განრიგიც, სად წავიდე, ვის დავურეკო, რა გავიგო, რას ვუყურო, რა წავიკითხო – ბიბლიოთეკაც იქ მაქვს. ციფრული. “ამას ვერ მოგწერ”. “ამობეჭდე და იქ წაშალე”. “არ ატვირთო, პირადად გადმომეცი”… ვერ ვიგებ ხოლმე ამას. ან ვის რა ჯანდაბად (ვ)ჭირდებით? Smile ნაღდი ფული 5-10 ლარი თუ მექნება საფულეში. ზოგი მივა და, დარიცხული არაა – მთლიანად აქეშებს ხოლმე. Smile ზოგს, ალბათ, არანორმალური ვგონივარ. Smile მე კი მათ ვერ ვუგებ.

რამდენიმე წლის წინ ისევ დაგვჭირდა მღებავები. სხვა ბრიგადა იყო. ახალგაზრდები. არც მოსკოვში ჰქონდათ ნამუშევარი და არც ჟანა ფრისკე ევასებოდათ (ან – ევასებოდათ, არ ვიცი Smile) მაგრამ ისევ იმ ძველის მსგავსი ამბავი განმეორდა. Smile 

განა, ასაკში და მღებავებშია საქმე…

Creative Commons License © Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

Advertisements

3 thoughts on “მალიარი ხარ, ბიჭო?

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s