გქონიათ თუ არა ბავშვობაში შურდული (ე.წ. “რაგატკა”)?
(ბუზღუნა) მეზობლის ფანჯრის შუშა თუ ჩაგიმსხვრევიათ?
თუ შურდული გქონდათ, ფანჯარასაც ჩაამსხვრევდით. ერთხელ მაინც. და თუ გამოგიჭირეს, ეგებ, გაუტყეპიხართ კიდეც.
“რაგატკის” ამბავში, ალბათ, არც ხორვატი ბავშვები და მათი მშობლები განსხვავდებიან ქართველი ბავშვებისა და მშობლებისგან, მაგრამ ქალაქ რიეკას მერიამ თავად გადასცა ესპანელ სთრითარტერს სილვესტრე სანტიაგოს, იგივე პეხაკს (Silvestre Santiago / Pejac) შურდული და მიდი აბა, შენ იციო – შეაგულიანა.
აი, რა გამოვიდა მაქედან:
კომპოზიცია, მხატვრის თქმით, მტრედების დიდ მოყვარულს, ბელგიელ რენე მაგრიტს ეძღვნება. თუმცა, მაგრიტს არ ეწყინება და არც პეხაკს, თუ ამ არტის უკან ალფრედ ჰიჩქოქსაც დავლანდავთ.
პეხაკი სანტანდერელია. სალამანკისა და მილანის სამხატვრო აკადემიების კურსდამთავრებული. საკუთარი გზისა და ხელწერის ძიებაში სტუდიიდან ქუჩაში გავიდა. მისი ნამუშევრები ბევრ ქალაქს ამშვენებს, მათ შორისაა სანტანდერი, მადრიდი, მილანი, ლონდონი, სტამბოლი, პარიზი. თავად ასე ამბობს: მელანქოლია და იუმორი გამომარჩევსო. მისი სტილი მეტწილად გრაფიტია, უყვარს ოპტიკური და 3D ილუზია.
ფრინველები მისი ნახატების საყვარელი პერსონაჟები არიან.
კიდევ ციტირება უყვარს.
არამხოლოდ მაგრიტის.
და არამხოლოდ მხატვრების.
აქ, უეჭველი, ჰერბერთ უელსი გაგახსენდება ადამიანს.
ეს ნახატი კი ამსაარჩევნოდ საქართველოს საზღვარს მოუხდებოდა. სარფს.
IYKWIM 
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.
___
Stylish Blog 
ძალიან მომეწონა!
განსაკუთრებით ის ნამუშევრები, აზიური ფანჯარა და კატა როა ეგ და მის გაყოლებაზე.
პირველმა ფოტომ ჩემი ბავშვობის ეზო მომაგონა, რაღაც ტექნიკუმთან ახლოს ვცხოვრობდით და ასეთი ფანჯრები ჰქონდა. ხშირად ვხედავდი მხოლოდ მაღლა აწვდილ ხელებს და ბურთს.
LikeLike
მოვიწვიოთ თბილისში, ხეების თემა ჩვენთანაც აქტუალურია 🙂
LikeLike
ყველა სთრითარტერი, ვიზეც დამიპოსტავს მოუხდებოდა თბილისს.
ოკუდა კლიჩკომ მიიწვია აგერ მეტროს ვაგონების მოსახატად.
და ჩვენი სთრითარტერებიც გვყავს მშვენიერი. ერთი კარგი ფესტივალის მოწყობა შეიძლება.
ტრაბზონში ესტაკადის ჯებირებზეა აგერ ქართული სთრითარტი.
LikeLike
ფანჯრებისა და სარკმელების არტი სტამბოლშია.
LikeLike
შენ ხატავ?
ხარკოვშიც არის ქართული არტი. მარკეტერი წერდა.
http://www.marketer.ge/musya-qeburia-street-art-festivalze/
LikeLike
ნწუ.
ხელოვნების ყველა დარგში ვარ სრულიად უნიჭო. 😦
შედარებით წერა გამომდის ასე-ისე. 🙂
მშვენიერია.
არტიც და ავტორიც. 🙂
მე ქართველებიდან გაგოშას (გიორგი გაგოშიძის) ნამუშევრები მომწონს და დოქტორ ლოვის – ბაჩა ხოფერიასი. და მუსია ქებურიასი შარდის ჩაბარების პროცედურა ვისიცაა.
მაგრამ გაგოშას ძალიან ერჩიან, სამწუხაროდ და უნადგურებენ. თან ისეთ სტილში მუშაობს, რომ იოლად მოგლეჯვადია. 🙂 სხვას უნდა წახვიდე, საღებავი და ფუნჯი იყიდო, მიიტანო და გადაუღებო და ამას – ჩამოგლეჯ და ფაფუ.
LikeLike
ფანჯრები რა კარგი მიგნებაა! ჩიტებს ანთავისუფლებს.
რამდენი მიტოვებული შენობაა ჩვენთან – ფაბრიკები, ძველი ადმინისტრაციული შენობები, თბილისშიც არის და რეგიონებშიც ბევრია, რა კარგად შეიძლება სთრიტარტისთვის გამოყენება.
LikeLiked by 1 person