ვარსკვლავური მოდა

ორ ფანტასტიურ, მაგრამ ანტი-ფანტასტიკა გოგოს ეს პოსტი
ფანტასტიკის ფარულ როლზე მათ ცხოვრებაში

ჯორჯ ლუქასის ვარსკვლავური კინოსაგა არამხოლოდ თავადაა მოდური, მსოფლიო მოდის ტენდენციებსაც განსაზღვრავს და უდიდესი დიზაინერების შთაგონების წყაროც არაერთხელ გამხდარა.

“ვარსკვლავური ომები” იყო ჯანი ვერსაჩეს ბეწვეულის “Force” კოლექციის ინსპირაცია. 1977 წლის ნოემბრის Vogue-მა კოლექცია წარადგინა C-3PO-ს თანხლებით .

დიზაინერმა ჟურნალთან ფილმის პერსონაჟებიც შეაფასა. გამორჩეულად რობოტები მოსწონებია, პრინცესა ლეას კი ჩაცმულობა და სტილი დაუწუნა.

1979 წლის ტიერი მიუგლერის კოლექციაშიც აშკარა იყო “ვარსკვლავური ომების” ზეგავლენა.

პადმე ამიდალა გახდა ივ სენ ლორანის 1999 წლის კოსმეტიკური ხაზის “One Love” მუზა და სახე.

“მილედი ვეიდერი”. ნიკოლა გესკიერის 2011 წლის კოლექცია ბალენსიაგასთვის.

2012 წელს იაპონურმა ტანსაცმლის მწარმოებელმა კომპანიამ Comme des Garçons კლიენტებს “ვარსკვლავური ომების” პერსონაჟების პრინტებით დაფარული პერანგები შესთავაზა.

ესპანელი დიზაინერის, მაია ჰანსენის კოლექციის მადრიდული ჩვენებისას 2013 წელს მოდელებს ვერსაჩეს მიერ დაწუნებული პრინცსა ლეას ვარცხნილობა ამშვენებდათ.

2014 წელს ორი ბრიტანული მოდის სახლის Rodarte-სა და Preen-ის კოლექციები იყო უხვად დატვირთული “ვარსკვლავური ომების” პრინტებით.

იმავე წლის დიორის კოლექციისთვის სტილისტმა გუიდომ მოდელებს ლეასეული ვარცხნილობა გაუკეთა.

ამერიკელი მარა ჰოფმანის 2015 წლის შემოდგომა-ზამთრის კოლექცია პლანეტა ტატუინური თავსაფრებით.

იმავე წლის ბრიტანელი ბობი ეიბლის კოლექცია ვარსკვლავური პრინტებით.

CoverGirl-ის ვარსკვლავური ტუჩის საცხი. 2015 წლის სექტემბერი.

რიკარდო ტიშის  2016 წლის საგაზაფხულო კოლექციის პრეზენტაცია ჟივანშის სახლისთვის და მოდელი პრინცესა ლეას ბიკინიში და ვეიდერის მარწუხებში.

ასეა, როცა შენ არ მიხვალ ფანტასტიკასთან – ფანტასტიკა მოვა შენთან.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

10 Times The Fashion World Was Obsessed With Star Wars