V

ყოველი თვის მეხუთე დღეს. ხუთი ახალი მოდელი. იყიდება მხოლოდ ონლაინ. მხოლოდ ხუთი დღის განმავლობაში (ან კოლექციის ამოწურვამდე) – ეს არის ბიზნეს-მოდელი, რომელსაც იყენებს კომპანია Fifth Watch.

ადრე კომპანია Triangl.-ზე დავწერე. ის ბიკინის კერავს და ეს საათებს აწარმოებს, მაგრამ ბევრი კი აქვთ საერთო. ორივე ავსტრალიურია. ორივე შეყვარებული წყვილის დაფუძნებულია. ორივე მხოლოდ ინტერნეტ-მაღაზიის მეშვეობით ვაჭრობს. ორივეს პოპულარობის ზრდას სოციალურ ქსელები უწყობს ხელს – ინსთაგრამი და თვითერი, ფეისბუქი და თამბლერი, Pinterest და WeHeartIt… დიზაინიც კი მსგავსია. ისე, როგორც ბიკინის დიზაინი შეიძლება ჰგავდეს საათისას – სადა და მინიმალისტური.

Fifth Watch-მა პირველი კოლექცია 2014 წელს წარმოადგინა. როგორც კომპანიის მფლობელი, ალექს მაქბრაიდი ამბობს, სახელი მეხუთე ავენიუს საპატივცემულოდ შეარჩია (მისი გერლფრენდი ნიუ იორქელია). ბიზნეს-მოდელი კი მელბურნსა და ნიუ იორქს შორის ფრენა-ფრენისას მოაფიქრდა.

მიყვარს ასეთი საათები. არაგადაპრანჭული და არაპრეტენზიული. ფასიც არ არის დიდი – 100 აშშ დოლარის ფარგლებშია.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

ავტორი: Lord Vader

Not stupid, or inconsiderate. Not obnoxious, or violent, or boring, or annoying. Not a bad dresser, not unemployed, and not unhandsome, either. Still drive people mad sometimes. :) View all posts by Lord Vader