ის სასტუმროს ნომრიდან გავიდა…

რაც შემდეგ მოხდა, ნამდვილად გაგაოცებთ! Smile

ან, ეგებ, არც გაგაოცოთ. Smile 

აშშ-ს “ბრენდული” სასტუმროს ნომრის თანამშრომელი ნომერს ალაგებს და თან შიგადაშიგ სტუმრის ნივთებში იქექება. თუ სტუმრის ნივთებში იქექება და შიგადაშიგ ნომერსაც ალაგებს. ვინ რა თვალით შეხედავს. ასეც და ისეც ეთიკის ნორმებსაც არღვევს და კანონსაც (თუმცა, მოპარვით არაფერს იპარავს).

ვიდეო თავად ამ ნივთების პატრონმა გადაიღო – სანამ ნომრიდან გავიდოდა, ნოუთბუქის კამერა დატოვა ჩართული. როგორც ამბობს, პირველი შემთხვევა არ არის, როდესაც ცნობისმოყვარეობას ატანილი სასტუმროს პერსონალი მისი ნივთების მიმართ იმაზე მეტ ინტერესს იჩენს, ვიდრე საქმეს (ოთახის დასუფთავებას) სჭირდება.  ამ სასტუმროშიც. სხვა სასტუმროშიც. შტატებშიც და სხვა ქვეყნებშიც. მისთვის საბედნიეროდ (ჯერ) არაფერი დაუკარგავს.  

ქურდობის შემთხვევები სასტუმროებში მართლაც არ არის ხშირი, მაგრამ სანამ სასტუმროს ნომერს დატოვებთ და ახალი შთაბეჭდილებების საძიებლად უცხო ქალაქში გაიჭრებით, უსაფრთხოების სპეციალისტები რამდენიმე რჩევის გათვალისწინებას მაინც გვირჩევენ:

1. სანამ სადმე გაემგზავრებით, შეიძინეთ ტურისტული ნაკრები პატარა, მაგრამ სანდო ბოქლომებით, ნოუთბუქისთვის კი სპეციალური საკეტი (რა თქმა უნდა, საუკეთესოა Kensington Lock)

2. ყველაფერი ფასეული, რასაც თან არ/ვერ ატარებთ, მოათავსეთ სასტუმროს ნომრის სეიფში.

3. რაც სეიფში არ ეტევა და გსურთ უსაფრთხოდ შეგენახოთ ან უცხო თვალს მოარიდოთ, ჩაკეტეთ ჩემოდანში/ჩანთაში.

4. ნომრიდან გასვლისას კარის სახელურზე ჩამოკიდეთ სპეციალური “ნუ შემაწუხებთ” ნიშანი “Do not disturb”.

5. რჩეული პარანოიკებისთვის Smile კომპანია Doberman-ს არაჩვეულებრივი მოწყობილობები აქვს, რომელსაც ჩანთას, ჩემოდანს ან რასაც გნებავთ შეაბამთ და თუკი ვინმე წაეტანება, იყვირებს და ქვეყანას შეყრის (სასტუმროს ამბავში არ ვიცი და აეროპორტებში ჩანთების ქურდობის საწინააღმდეგოდ მართლა კარგი რამეა).

და ყველაზე მნიშვნელოვანი  – ნუ დატოვებთ ნივთებს სასტუმროს ნომერში გაშლილ-განფენილს. დამლაგებელიც ჩვეულებრივი ადამიანია ყველა ადამიანური სისუსტით – ნუ ცდით და აცდუნებთ მის ცნობისმოყვარეობას!

Creative Commons License © Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

Advertisements

11 thoughts on “ის სასტუმროს ნომრიდან გავიდა…

  1. :))) დამლაგებელიც ასეთი უნდა!
    მაგრამ ნომრის სტუმარი ქალი რომ ყოფილიყო, უფრო კარგად გაერთობოდა. 🙂

    Like

  2. საბერძნეთში სასტუმროდან ნივთების დაკარგვის შემთხვევები ხშირია. თან სასტუმროს პერსონალი პასუხს არ აგებს ოთახში დატოვებულ ნივთებზე თუ სეიფში არ ჩაკეტე. ამ გოგოს ქე მაინც არაფერი მოუპარავს. თუმცა სამსახურიდან გააგდებდნენ ალბათ. დამსახურებულად, მაგრამ ისიც გასათვალისწინებელია, რომ ძალიან მძიმე სამუშაოა, თან ათასი თავხედი კლიენტი გხვდება და ანაზღაურება კი ძალიან მცირეა.

    Like

  3. @dato
    ეგ ტიპი, ვიდეო ვინც გადაიღო ბლოგერია და მაგ თემებს იკვლევს.

    @ნიკა
    შეიძლება ვუაერისტიც იყოს ერთი მეორეს არ გამორიცხავს 🙂

    Like

  4. აუი, როგორ ვერ ვიტან ეგეთ რამეებს 😦
    კიდე მსუბუქად მოქცეულა, რომ არ მოუპარია. მაგრამ რა სასიამოვნოა იმის ცოდნა, რომ ვიღაც შენს ნივთებში იქექება, შენს ნივთებს ჰკიდებს ხელს და რავიცი მე.. ასე მგონია ჩემს სულში იქექება დაუკითხავად.

    Like

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s