გამოუსწორებელი სექსაჰოლიკები

სინემანიაკს ეს ფილმი არ მოეწონა. მე ვუთხარი, ეგ იმიტომ, რომ ძალიან კაცური ფილმია კაცების მიერაა გადაღებული კაცებისთვის. სინამდვილეში ძალიან კარგი ფილმია და პოსტსაც დავწერ-მეთქი, ჰოდა, აი – პოსტიც.

ამ ფილმის გადაღების იდეა ასე დაიბადა… შვიდი ძმაკაცი ხვდებოდა ხოლმე ერთმანეთს პარასკეობით ლანჩზე ლუდის დასალევად… თუმცა, რახან ფრანგები არიან, ალბათ, ღვინოს სვამდნენ. საუბრობდნენ ყველაფერზე – პოლიტიკაზე, ფეხბურთზე და, რა თქმა უნდა, ქალებზე. აქ, როგორც წესია, ტყუილ-მართალს ერთმანეთში აზავებდნენ. ამ ტყუილ-მართალზეა ეს ფილმიც. მამაკაცურ ტყუილ-მართალზე. იმ ტყუილ-მართალზე, რომელსაც მამაკაცები მხოლოდ მამაკაცებს უყვებიან. ქალებს მაინც ვერ დააჯერებ და იმიტომ. თუმცა, კაცმა რომ თქვას, არც მამაკაცებს სჯერათ მიანცდამაინც. მაგრამ – ეგარაფერი. ვინც ყვება. იმანაც იცის, რომ მისი არ სჯერათ და ვისაც უყვებიან, იმანაც იცის, რომ ვინც ყვება, იმან იცის, რომ ამას იმისი არ სჯერა… ჰო, ცოტა ჩახუჭუჭებულად გამომივიდა, მაგრამ ეს ფილმიც ასეთია – 1 პროლოგი და 9 კინონოველა მამაკაცებზე, რომელთა პირადი ცხოვრება ისეა ჩახუჭუჭებული, როგორც პირველ ნოველაში (შეგახსენებთ, პირველი ისაა, პროლოგს რომ მოსდევს ).

– ქალებს სიყვარულის გარეშე სექსი არ გიზიდავთ. ასეთი ბუნება გაქვთ.
– ამისი მართლა გჯერა?
“Les Infideles” .

ხალასი იუმორი, სტანდარტული და არასტანდარტული სიტუაციები, ჟან დიუჟარდენსა და ჟილ ლელუშის არაჩვეულებრივი თამაში, მეტი რა არის საჭირო კარგი ფილმისთვის? Infidele ფრანგულად მოღალატეს ნიშნავს. ნოველიდან ნოველამდე მის ორ მთავარ გმირს ერთი აზრი აწუხებს, როგორ დაუსხლტნენ ცოლებს და გაძვრნენ სადმე ნაშებში. იმიტომ კიარა, რომ ცოლები არ უყვართ, უბრალოდ – ასე მოიტანა ცხოვრებამ… ერთ დღეს ოჯახი მენატრება, მინდა მთელი საღამო ცოლთან და შვილებთან გავატარო, მეორე დღეს კი მინდა გავვარდე კარში და მთელი პარიზი გადავ^^ნაო, – ამბობს ლელუში…

შეიძლება, ორი წამით შეგიყო?… კიარადა, შემოვიდე?
“Les Infideles” .

მაგრამ ყველაფერი ისე არ მიდის, როგორც მამაკაცებს წარმოუდგენიათ. ისე არა, რომ პარასკევს ძმაკაცებთან სატრაბახოდ ღირდეს. ამ ფილმში ყველა მამაკაცური სტერეოტიპია ერთად თავმოყრილი და ავტორებს ჰყოფნით თვითირონია, იხალისონ და დასცინონ საკუთარ სტერეოტიპებს… სხვათა შორის, თავიდან რომ შვიდი ძმაკაცი ვახსენე, ფილმის რეჟისორები, მათ ერთი ქალიც დაემატა – ემანუელ ბერკო. მაგრამ რომელი კინონოველის რეჟისორია არ დავწერ. აბა, თუ გამოარჩევთ. არ არის ძნელი მისახვედრი. რაც ემანუელ ბერკოსთვის მხოლოდ პლიუსია.

– გინდა ჩემი მუ^ელი?
– მადლობა მადამ, მაგრამ უარი უნდა გითხრათ თქვენს შემოთავაზებაზე – ცოლთან ჰარმონიული ურთიერთობები მაქვს.
“Les Infideles” .

ეს ძალიან კაცური კინოა. აი, ისეთი – მეგობრებთან და ლუდთან ერთად რომ ჩაუჯდები, ბევრს იცინებ სხვებზე, ბევრს დასცინებ საკუთარ თავს (ოღონდ – ჩუმად ) და მერე გამოხვალ ოთახიდან ისევ იმ ძველი, ამაყი იერით, ვითომც აქ არაფერი მომხდარაო.

– ყველას მაინც ვერ გავჟიმავთ.
– შევეცადოთ, მაინც.
“Les Infideles”.

მიუხედავად იმისა, რომ Les Infideles ორი წლის წინ გამოვიდა ეკრანებზე და, ალბათ, ბევრს გაქვთ ნანახი, მაინც არ მინდა დავასფოილერო… ამიტომ, ანეკდოტს მოგიყვებით.

ეს ის არაა, რაც იფიქრე… გეფიცები, ამ ქალს პირველად ვხედავ. ვინაა, საერთოდ?

წავიდა ორი დაქალი დოღზე.
– შენ რა ზომა გაქვს მკერდი? ეკითხება ერთი.
– 2.
– მე კიდევ 3, მოდი 5 ნომერ ცხენზე დავდოთ.
დადეს ფული მე-5 ცხენზე. მოიგეს წავიდნენ სახლში გახარებულები.
მეორე დღეს ორი ძმაკაცი წავიდა დოღზე.
– შენ რამდენჯერ შეგიძლია ერთ ღამეში გქონდეს სექსი?
– 3-ჯერ.
– მე კიდევ 5-ჯერ. მოდი, მე-8 ცხენზე დავდოთ.
დადეს ფული მე-8 ცხენზე. გაიმარჯვა მე-3 ნომერმა.
ასეთია სპორტული ცხოვრება, ან, როგორც ფრანგები ამბობენ – სე ლა ვი.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

P.S.
ფილმის ის ვარიანტი, რომელიც ქართულ სერვერებზეა ატვირთული არის შეკვეცილი, საიდანაც ერთი კინონოველა ამოჭრილია. ეპიზოდს ჰქვია Ultimate Fucking – მამაკაცზე, 20 წელი ცოლის ერთგული რომ იყო და ამისთვის მკაცრად დაისაჯა. ორგინალი DVD-რილიზი (ინგლისური სუბტიტრებით) დევს ტორენტებზე… თუმცა, იმ ეპიზოდის გარეშე ფილმი მართლა უკეთესია. ძალიან ამოვარდნილი ნოველაა ესთეტიკით. და ლაღის ნაცვლად – შავი იუმორით.

http://www.lesinfideles-lefilm.com