ცუდად ჩაცმული ქალი

მამაკაცებს ქალების მოდაზე, შეიძლება, ძალიან ზერელე წარმოდგენა გვაქვს, მაგრამ ნამდვილად ვიცით, თუ როგორ უნდა ეცვას ქალს. პოსტიც მქონდა იდეალურად ჩაცმულ ქალზე. ეს პოსტი კი “ცუდად” ჩაცმულ ქალზე იქნება. Huffington Post, Complex.com, emPowerme-ის მამაკაცი მკითხველების აზრით, ბევრი რამ აცვიათ ქალებს ისეთი, მათ რო ჰგონიათ, ხატავს და მამაკაცები კი ფიქრობენ, რომ ამახინჯებს (ამ სამოსიდან ბევრის სახელი ქართულად არ ვიცი, ამიტომ ინგლისურად დავწერ).

Peplums.

ეს პეპლუმსებია თუ რა ჯანდაბაცაა, პირადად მე ხშირად არ მომხვედრია თვალში, ასე რომ ვერ ვიტყვი, ძალიან არ მომწონს, თუ უბრალოდ ცოტა სასაცილო რაღაცა მგონია, სხვა არაფერი.

Tent Dresses.

ლამაზ ქალზე ხშირად ამბობენ – ანათებსო, მაგრამ აბაჟურს მაინც არ უნდა ჰგავდეს.

Maxi-dresses.ეს კაბა, უბრალოდ, ძალიან გრძელია და ფართხუნა. და ქვეცნობიერად ფიქრობ, რომ ქალს თურქული იატაგანივით მოღუნული ფეხები აქვს. ამიტომ აცვია.

Open-side shirts.

თუ ჰიგიენა დაცულია, გვერდებამოჭრილი მაისურების წინააღმდეგი პირადად მე არაფერი მაქვს. ძალიან ლამაზიაო, ვერ ვიტყვი, მაგრამ გამოკითხულ მამაკაცთა უმრავლესობის მსგავსადაც არ მაცოფებს.

Oversized Sweaters.

ესეც იმ ფაშფაშა კაბის მსგავსია – იგივე ვიზუალური ეფექტით. ზედმეტად თავისუფალი ტანსაცმელი ძალიან უნისექსია და ქალის ფორმები აღარ იკითხება. ასე რომ არც გასაკვირია, ამ ჰეითერულ ჩამონათვალში რომ მოხვედრილა.

Harem pants.

ჰარემი არვიცი და ჩვენში ასეთ შარვლებს “ჩაჯმულს” უძახიან. საშინელებაა მართლაც. და რაც მეტადაა “ჩაჯმული”, მით მეტად საშინელებაა.

Bandeau Bikinis.

ეს, ვინც ვერ მიხვდა, ელასტიური ბიკინია ე.წ. ბრეტელების გარეშე და რატომ მოხვდა სიაში, ჩემთვის გამოცანაა. ძალიანაც მომწონს და რავი. ჩემთვის არ უკითხავთ.

Short shorts.

ლამაზი ტან-ფეხი თუ აქვს ქალს, შორტზე მეტად რა უნდა უხდებოდეს… თითქოს, უცნაურია, რატომ მოახვედრეს მამაკაცებმა ამ ჩამონათვალში მიკრო-შორტი, მაგრამ ძალიან თვალში მეჩხირება ხოლმე ჯიბეები რომაა ჩამოკონწიალებული ეგ. მგონია, რომ პლასტირი აქვთ ფეხებზე დაკრული.   ჰოდა, აქამდე მეგონა, მე რომ ვარ ბებერი, ბუზღუნა და კონსერვატორი, მაგის ბრალი იყო. მაგრამ უმრავლესობაც ჩემსავით ფიქრობს, თურმე.

ბარემ დავამატებ, რომ მეორე უბედურებაა ჯინსის შორტზე სტილეტოების მორგება… არა, ძალიან სექსია ადგილებში, მაგრამ მაინც სასაცილოა, იმჰო. და შეუსაბამო. შორტისთვის ხომ ათასი ჯურის სპორტული და მოსპორტულო ფეხსაცმელი არსებობს: ბოტასები, კეტასები, ესპადრილები და რავი… რაღა ქუსლები?

High-Waisted Jeans.

მაღალწელიანი ჯინსი… ამ შარვლის მინუსი ისაა, რომ ვიზუალურად ზედაწელსაც ამოკლებს და ფეხებსაც. თუმცა, ასე ერთმნიშვნელოვნად არ დავიწუნებდი – მაინც მოხდომაზეა, ალბათ. აი, შუაში რომ გოგოა, მგონი, ვერაფერს უშავებს.

Leggings.

ლეგინგსებს რა უჭირთ ვითომ?

Pantsuits.

ალბათ, მამაკაცები ფიქრობენ, რომ კოსტიუმი ძალიან მასკულინურია და ქალს არ უხდება… მაგრამ ქალს გააჩნია და ვინ როგორ მოიხდენს. აგერ იმ ქერა გოგოს, მესამე ფოტოზე, ნამდვილად ძალიან უხდება.

Flip-flops.

ვეთანხმები. არც მე მომწონს. იმიტომ, რომ არიან ქალები, რომლებიც სუპერმარკეტშიც კი ისე დადიან, როგორც პოდიუმზე.

სწორება მათზე – “ტაპკები” არა ჭირი.

Wedge Sneakers.მართლაც რა უბედურებაა ახლა ეს…

Gladiator Sandals.

ვიზუალურად ფეხს ამოკლებს, ამიტომ არ მოგვწონს. მერე კიდევ უსიამო ნაჭდევებს ტოვებს კანზე და ტეხავს. IYKWIM.

Pointy Toes.

წვეტასები. რავიცი, რას ერჩიან. აბა ბრტყელტუჩები ჯობია?

Wedges.

სტილეტოებზე კაკუნი, ალბათ, ძალიან დამღლელიცაა და ფეხებსაც ტკენს, მაგრამ პლატფორმები ცუდი ალტერნატივაა – ძალიან ულამაზოა. ვეთანხმები გამოკითხულთ.

Weird Heels.

დიზაინერების ფანტაზიებს აყოლილი ქალები ცდილობენ გაგვაკვირვონ… მაგრამ მამაკაცები ვფიქრობთ, რომ კლასიკური სტილეტო – ფეხსაცმელი გრძელ და წვრილ ქუსლზე, ყოველგვარი მიხვეულ-მოხვეულების გარეშე არის ის, რაც ყველაზე ძალიან უხდება მათ ფეხს.

Ugg boots.

ამათ ის “უგები” არ უნახავთ, თბილისელ გოგოებს რომ აცვიათ. იაფი იმიტაცია, უხარისხო, ხელოვნური მასალისგან, სამ ჩაცმაზე რომ მოექცევა ღრანჭი. და ჩვენებური თოვლ-ჭყაპი სამუდამო ლაქებად რომ რჩება ზედ, მაგაზე არაფერს ვამბობ… თორემ უგებს რა უშავრთ ისე? მე მომწონს.

ისე, ე.წ. “ბალეტები” (Ballet shoes) რომ არ მოხვდა საძულველ სიაში, ეგ მიკვირს. მეტადრე ბრჭყვიალ-ბრჭყვიალა რომ აცვია ზოგს, ის.

Floppy Hats.

ალბათ, ინგლისის დედოფალს გვაგონებს და სახეს ფარავს… შეიძლება სხვა მიზეზია რამ. მე ასე არ მაღიზიანებს, მაგრამ ჩვენთან არც ახურავს ბევრს.

Beanies.

ცოტა სასაცილო ქუდია, სხვა არაფერი. მიანცდამაინც ამ სიაში მოსახვედრი არ იყო, იმჰო.

Bright Hair Color.ვერც აქ ვხედავ რამეს დასაწუნს. ბურატინო არ წაუკითხავს ამ ხალხს, ალბათ და არც ვივიენ ვესთვუდი სმენიათ.

Hair Back Style.ვეთანხმები 100%. მამაკაცების აზრით, თავისუფალ ვარდნაში გაშლილი თმებია ყველაზე ლამაზი.

Bangles.

მამაკაცებს არ მოსწონთ აჯინჯლული ჯინჯილები. 🙂 აქ შემეძლო ერთი ვინმე დამეთაგა, მაგრამ არ დავთაგავ. მითუმეტეს, რომ არ ვეთანხმები გამყრელიძის დასკვნას. მთავარია, აჯინჯლული ჯინჯილები არ იყოს უფრო ლამაზი, ვიდრე ქალი, ვისაც აუჯინჯლავს. თორემ, აგერ ამ გოგოს, მაგალითად, ძალიან უხდება. (მამაკაცი მკითხველები, ალბათ, დააინტერესდნენ, ვინაა ფოტოზე – გუგლს ნუ მიაწყდებით, ისე გეტყვით, რომ იმაან ჰამამი ჰქვია).

Bug-eyed sunglasses.

სახეს ფარავს. ვეთანხმები დანარჩენებს… თუმცა, მესამე ფოტოზე ჯესიქა ალბაა და კი უხდება. ცოტათი.

Bright Lipstick.

აი, რა ჭირთ ამ ტუჩებს დასაწუნი? განსაკუთრებით – პირველ ორს.  და წითელი საცხიც ძალიან უხდებათ.

დაბოლოს, მნიშვნელობა არ აქვს, რას ფიქრობს მილიონობით მამაკაცი შენს სამოსზე. მთავარია, იმ ერთადერთს მოწონდეს.

ან – იმ ერთადერთ რამდენიმეს.

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___