თურქულმა კომპანიამ Pugedon შექმნა დანადგარი, რომელიც ყველაზე კეთილი გამოგონების ჯილდოს იმსახურებს, თუკი ასეთი ჯილდო არსებობს და თუ არ არსებობს, მე ვანიჭებ ბლოგის ავტორის უფლებით.
ეს დანადგარი გასცემს მშრალ საკვებს ქუჩაში მოხეტიალე უპატრონო ძაღლებისთვის და კატებისთვის ცარიელი პლასტმასის ბოთლების ფასად.
მიგაქვს ცარიელი პეპსის, კოლის, ცივი ჩაის, წყლის თუ რავიციკიდევრის პლასტმასის ბოთლი, ნაგვის ურნის ნაცვლად (ან იმის მაგივრად რომ უბრალოდ ქუჩაში მოისროლო – სამწუხაროდ კარგად ნაცნობი იოლი გამოსავალი თბილისელთათვის) აგდებ ამ ავტომატში და ის დანადგარის ქვედა, საგანგებოდ მოწყობილ ჭურჭელში ყრის მშრალ საკვებს ძაღლებისა და კატებისთვის. ქუჩაში მოხეტიალე, დამშეული, უპატრონო ცხოველებისთვის. ასევე გასცემს წყალსაც, რაც ახლა, ზაფხულის ცხელ დღეებში, განსაკუთრებით აქტუალურია.
მაწანწალა ცხოველები ყველგან პრობლემაა და ყველგან პრობლემაა ცარიელი პლასტმასის ბოთლები – Pugedon-ის მანქანა ერთბაშად აგვარებს ორთავეს – ქუჩები უფრო სუფთაა და ცხოველებიც მადლიერი.
Pugedon-მა უკვე განათავსა მისი გამოგონების საპილოტე ნიმუშები სტამბოლის ქუჩებში, და ქუჩის ძაღლებმა და კატებმაც სწრაფადვე მიაგნეს… მგონი მალე ბოთლების მოგროვებასა და დანადგარში ჩაყრასაც მოახერხებენ ადამიანის დაუხმარებლად. 
თუმცა, როგორც ამბობენ, სტამბოლის მცხოვრებლებმაც უცებ აუღეს ალღო ამ წამოწყებას და ავტომატი არ უჩივის ბოთლების სიმცირეს და არც ცხოველები უჩივიან საკვების ნაკლულობას.
ჩვენთანაც დავდგათ-მეთქი ვიტყოდი, მაგრამ… ეჭვი მაქვს უპატრონო ძაღლებს არვინ დაუტოვებს მაგ საკვებს, ისევ პატრონიანებს დარჩებათ.
მალე მექნება შანსი მოვხვდე სტამბოლში და ერთ-ორ ბოთლს მეც შევაწევ. თქვენც ამას გირჩევთ. ჩვენ შეგვიძლია, შევცვალოთ ჰაინეს აზრი ადამიანებზე.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.
___
თუ იდეა მოგწონს, შეგიძლია მხარი დაუჭირო და ხმა მისცე The Better Awards-ის FB გვერდზე.
Stylish Blog 
მომწონს და მხარი დავუჭირე.
ბლოგის ავტორის ოპერატიულობაც მომწონს, რა სისწრაფითაც გვამცნო ამ საინტერესო სიახლის შესახებ 🙂
LikeLiked by 1 person
ისეთი ნიუსი იყო, რომ ბლოგი შვებულებიდანაც კი მოვაბრუნე. 🙂
თან ბევრი წავა ალბათ თურქეთში დასასვენებლად და მინდა, რომ იცოდნენ.
LikeLike
da am danadgaris maqsimaluri efeqturobistvis sachiroa mawanwala dzaglebis datreningeba)
LikeLike
ადამიანების დატრენინგება უფრო მნიშვნელოვანია 🙂
LikeLike
ცელოფანის პარკებსაც რომ აგროვებდეს კარგი იქნებოდა 🙂
LikeLike
ცელოფანის პარკების ჰაერში ფრიალი ჩვენი ნოუ-ჰაუა მგონი. 🙂 იქაც რომ იყოს ეგ პრობლემა, დაამატებდნენ მაგ ოფციასაც.
მაგრამ აქაც თუ დავდგით ეგეთი დანადგარები, გეთანხმები, უნდა გავითვალისწინოთ.
LikeLike
თურქებს რომ პატივს ვცემ, ერთ–ერთი მიზეზი მათი ქუჩის ცხოველებისადმი დამოკიდებულებაა
LikeLike
საქართველოშიც არის პლასტმასის ბოთლების გადამამუშავებელი ქარხანა, ნეტავ არ დააინტერესებთ ეს იდეა?
ცელოფნის პარკები მართლა საშინელებაა. 😦
LikeLike
არც ვიცოდი თუ არის ეგეთი ქარხანა ჩვენთან. ე.ი. ხალხი რომ დადის, ნაგვის ურნებიდან აგროვებს პლასტმასის ბოთლებს, მაგათთან მიაქვთ? მე მეგონა წყნეთელი მერძევეები და სანაპიროელი მელუდეები იყიდებდნენ.
კარგია თუ არის ქარხანა. ცოტა გული მომეცა. :)) მართლა. IYKWIM
LikeLike
ქარხანა არის თან თბილისშია, ნახალოვკაში. 2 წლის წინ ამუშავდა.
დიდი ქარხანა არ არის, მაგრამ თბილისის ბოთლებს ეყოფა. ასე რომ მშვიდად დალიე ლუდი 😉
LikeLike
თოფაძის ლუდს არ ვსვამ 🙂 თუმცა ქარხნის ამბავი კარგია მართლა.
LikeLike
პლასტმასის ბოთლები ეკოლოგიური პრობლემაა ყველგან, მაგრამ მისი მეორადი გადამუშავება შეიძლება. საბერძნეთში ცალკე ურნებია პლასტმასის ბოთლებისთვის მეორადი გადამუშავებისთვის აგროვებენ. კოკა-კოლას აქვს საბერძნეთში ბოთლების დიდი ქარხანა, სადაც ძველი ბოთლების გადამუშავება ხდება.
თურქები აქ არ უყვართ, მაგრამ იდეა მეც მომეწონა. ორ კარგ საქმეს აკეთებენ ერთდროულად და შექების მეტი არაფერს იმსახურებენ.
LikeLike