შაბათის პოსტი
როდესაც ჩემი აუდიოთეკა ყველა ზღვარს გასცდა, გადავწყვიტე, დამესტოპებინა და ახალ შემსრულებლებს იშვიათად ვიმატებ ხოლმე. თუმცა, ზოგჯერ ისეთ ვინმეს მოჰკრავ ყურს, რომ გვერდს ვერ აუვლი, მუსიკალურ რესურსებს ჩაუჯდები, ეძებ და ქაჩავ… ქაჩავ და ეძებ…
ბოლოდროინდელებიდან ასე დამემართა ირლანდიელ იმელდა მეიზე, რომელმაც სადებიუტო ალბომი 2005 წელს გამოსცა და ძირითადად როკაბილის (როკ ენ როლისა და ქანთრის სინთეზია ერთგვარი) უკრავს და მღერის. შემდეგი, ვისაც გულგრილად ვერ ავუქციე გვერდი ჰოლანდიელი კარო ემერალდი იყო, რომელმაც პირველი ალბომი 2010 წელს ჩაწერა და რომელიც სვინგსა და ჯაზ-პოპს მღერის. დღეს კი სულ მთლად ცინცხალზე დავწერ – მკვდარი კატების ჯგუფზე Le Chat Mort. წარმოშობა – შვედური. სახელი – ფრანგული. სიმღერების ენა – ინგლისური. სტილი – ამერიკული ფოლკ-როკი.
ჯგუფში ოთხი მკვდარი კატაა – სოლისტი და დრამერი კამილა ნეიდემანი, ბრორ დევიდ ნილსონი ბანჯოზე უკრავს, პეტერ სტრომკვისტი – გიტარაზე, მატი ფრიბერგი – კონტრაბასზე.
დიდი სიამოვნებით მოგიყვებოდით მათ ამბავს… მაგრამ არაფერი ვიცი. 
ჯგუფის ოფიციალურ გვერდზე ინფორმაცია მწირია. დანარჩენ ინტერნეტში – სულ არაფერი. ყოველ შემთხვევაში, მე რა ენებზეც ვკითხულობ, არაფერია და შვედურად კი იყოს, ეგება.
სულ სამი ალბომი აქვთ (აქედან ერთი – სინგლია), სამაგიეროდ იუთუბზეა კლიპები უხვად. ძირითადად – საკლუბო ლაივ ჩანაწერები. ლაივის ხარისხისა რა გითხრათ და მუსიკა კი ძალიან მომწონს. ენერგიული, მხიარული. ადგილ-ადგილ ქანთრია, ადგილ-ადგილ როკაბილი, ადგილ-ადგილ წაბლუზებს კიდეც.
მომწონს კამილას ოდნავ ხრინწიანი ხმა.
და სიმღერის დროს ადგილზე რომ ცქმუტავს და ფეხს ათამაშებს ეგ მომწონს კიდევ. :))
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.
___
Stylish Blog 
შაბათის მუსიკაა ^_^
LikeLike
არა მგონია ამერიკელები გააკვირვონ ამით, ისე კია სასიამოვნოდ მოსასმენი მხიარული მუსიკა.
LikeLike
მე რომ სმენა და ხმა მქონდეს, რამე ასეთს დავუკრავდი მეც 🙂 გასაკვირვებლად არა, გამისწორდებოდა და მიტომ.
ალაბათ, მაგათაც ასე დაიწყეს. საკუთარი კაიფისთვის.
ისე, როკაბილი მევასება და ბევრი მაქვს მოსმენილი, ქანთრიც და ნეშვილელ და რამე ეგეთ ტიპებზე ნაკლებები არ არიან. მერერა რომ შვედები არიან. 🙂
LikeLike
სასიამოვნო სიმღერებია, ოღონდ განწყობის, ყოველთვის ვერ მოუსმენ, მხოლოდ მაშინ როცა კარგ ხასიათზე ხარ 🙂 კიარადა ვარ.
ისე ფოლკ-როკი?… ჩემთვის რაღაც მთლიანად ქანთრია და შიგადაშიგ წაუსვინგებსავით.
მართლა კარგი ხმა აქვს მაგ გოგოს, ეგ ხმაა მაგათი მთავარი ვიტამინი.
LikeLike
ქანთრია კი და ბლუგრასი – ჰოდა, თეთრი ამერიკელების ფოლკ-მუსიკაც ეგაა 🙂
LikeLike
ვა რა კარგად უბერავენ. შვედებს ყოველთვის ყავთ ხოლმე გამორჩეულად კარგი ჯგუფები.
როკენროლი მირჩევნია, მაგრამ ზოგჯერ როკაბილისაც სიამოვნებით ვუსმენ ხოლმე. ალბათ კი იცი, ეგენიც, მაგრამ ვინცობა არ დაგიმატებია კოლექციაში ნახე აბა Brenda Lee და Wanda Jackson. კიდევ Janis Martin ეს უფრო როკენროლია მაგრამ როკაბილიც აქვს.
LikeLike
ეგენი მაქვს დისკებზეც და ტელეფონშიც 🙂
RNR თუ გევასება, მაშინ Аnn-Margret. ესეც შვედი მომღერალია, როკენროლშიცა. ელვისთან ერთადაც მღეროდა და თან ძაან ლამაზი ქალია.
LikeLike
მკვდარი კატების კვალობაზე მშვენივრად მღერიან 🙂 ოღონდ ჩემთვისაც განწყობის მუსიკაა
LikeLike