ამბოხის თეორია
1936 წლის 13 ივნისი. ჰამბურგი. Blohm + Voss გემთსაშენი ქარხანა. საწვრთნელი აფროსნის, 
ხომალდ Horst Wessel-ის საზეიმო ჩაშვება წყალში. მუშებს თვით ფიურერი მიმართავს სიტყვით. ჰაილ! ჰაილ! ჰაილ! და ერთი კაცი, ვინც დგას ათასებს შორის და მაინც მარტოა. დგას ცად აზიდულ ხელებს შორის და ხელები დაუკრეფია გულზე. დგას მოყვირალთა შორის და ჩუმადაა. მან თქვა არა, როდესაც ყველა გაჰკიოდა კი-ს. ავგუსტ ლანდმესერმა (August Landmesser). უბრალო მუშამ ჰამბურგის ქარხნიდან.
ის ერთი რიგითი გერმანელი იყო. მასაც სხვებსავით მოუკლა გული პირველ მსოფლიო ომში დამარცხებამ. მასაც დაენგრა ცხოვრება დანგრეულ და დაქცეულ იმპერიაში. არც მას ჰქონდა სამუშაო. მანაც დაკარგა მომავლის იმედი. შემდეგ გამოჩნდა ჰიტლერი და მანაც სხვებივით ირწმუნა მისი. ისიც გაწევრიანდა ნაცონალ-სოციალისტურ მუშათა პარტიაში. მანაც შეიბნია პიჯაკის საყელოზე სვასტიკა და გავიდა ქუჩაში მწყობრი ნაბიჯით. მანაც შეამჩნია, როგორ დაიწია ფასებმა და იგრძნო, როგორ მიეცა ფულს ძალა. მანაც იშოვნა სამუშაო, მიიღო ბინა, დაქორწინდა… შემდეგ მესამე რაიხში რასის სიწმინდის კანონი მიიღეს. ლანდმესერის მეუღლე კი ებრაელი იყო. მისი ქორწინება უკანონოდ გამოცხადდა, მაგრამ მან თქვა: “არა!”
ის პარტიიდან 
გარიცხეს. ხელი მოჰკიდა ოჯახს და 1937 წელს დანიაში სცადა გადასვლა, მაგრამ საზღვარზე დააკავეს. სასამართლომ ცოლთან ურთიერთობა აუკრძალა, მაგრამ ლანდმესერმა თქვა: “არა!” ის, მისი მეუღლე ირმა ეკლერი და ორი ქალიშვილი – ინგრიდი და ირენე ყველანი დააპატიმრეს. ირმა რავენსბრუკში გაამწესეს, სადაც სხვა ებრაელ პატიმრებთან ერთად დასაჯეს სიკვდილით. ავგუსტ ლანდმესერი კი 2,5 წლით შრომით ბატალიონში მოხვდა, შემდეგ წინა ხაზზე გააგზავნეს და ბალკანეთის ფრონტზე დაიღუპა 44-ში. ინგრიდი და ირენე ბავშვთა სახლში მოათავსეს. 1951 წელს გერმანიის ფედერაციული რესპუბლიკის ჰამბურგის სასამართლომ ავგუსტ ლანდმესერისა და ირმა ეკლერის ქორწინება კვლავ იურიდიული ძალის მქონედ აღიარა და შვილებმა მამის გვარი დაიბრუნეს. 1996 წელს ირენემ მოგონებების წიგნი გამოსცა საკუთარ თავზე, დაზე, დედაზე და მამაზე – ავგუტ ლანდმესერზე, ერთ უბრალო მუშაზე, რომელმაც გადაწყვიტა ეთქვა არა, მაშინ, როდესაც ყველა გაჰყვიროდა კი-ს.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.
___
August Landmesser: The Man Behind The Crossed Arms
Stylish Blog 
მომეწონა.
ძალიან.
LikeLike
ა, კაცი!
LikeLike
საინტერესო ისტორიაა!
LikeLike
პეკინში დემონსტრანტები რომ დახოცეს ტიან-ანმენის მოედანზე, არის ეგეთი ფოტო ტანკების კოლონა მოდის და წინ გადაუდგება ერთი ტიპი. ეგ ფოტო გამახსენდა
http://www.dailymail.co.uk/news/article-2394544/Chinese-Cirque-du-Soleil-audience-shocked-banned-image-Tiananmen-Square-Tank-Man-shown.html
LikeLike
მაგ ტიპზე History Channel-ზე ფილმიც იყო. ტაივანშია ახლა ეგ კაცი. 🙂
LikeLike
ლანდმესერის ისტორია ვიცოდი, მაგრამ მაინც სიამოვნებით წავიკითხე.
ძალიან მომწონს, როგორც წერ ხოლმე. ❤
LikeLike
კაია თუ კარგი გამოვიდა 🙂 იმიტომ რომ პატარა პოსტია, მაგრამ მართლა ბევრი ვიწვალე. არ მინდოდა რომ პათეტიკური ყოფილიყო ან ჰეროიკული. ამიტომ ვცვალე და ვშალე :)))
LikeLike
ეტყობა ნაშრომი. ერთობ მარილიანი პოსტია
LikeLike
ფოტოს რომ შევხედე, ნანახი მაქვს, მაგრამ ვინ იყო ზედ და მისი ისტორია არ ვიცოდი.
ახლა მეცოდინება.
LikeLike
ისტორიაც გადასარევია და პოსტის სტილიც
LikeLike
კაია.
რა მაგის პასუხია და ლუდის დალევა თუ მოგინდება, შემეხმიანე :))
LikeLike
თუ ლანჩზე დალევას გულსიხმობ, თუ გინდა ხვალვე ან ზეგ :).
პ.ს. მართლა აშკარაა, რომ გამოიმუშავე სტილი და სცადე რა რაიმეს დაწერა (მოთხრობის)
LikeLike
პარასკევი შესაფერისი დღეა მაგ საქმისთვის. დაგირეკავ აბა.
მქონდა კაცო ეგ ეტაპი უკვე 🙂 და ბევრი ვერაფერი გამოვიდა.
ტყუილად არა გჯერა შენ.
აი, თაკოს აქვს წაკითხული და დამემოწმება. კითხე ეგერ.
ასე მითხრა “ღლეობააო” და კაია თავი რომ დაანებეო.
ჰოდა აგე ბლოგერობაც საქმეა.
LikeLike
მაგარი ამბავია. სხვებიც იქნებოდნენ კიდევ ამ კაცის მსგავსი ბედის ადამიანები გერმანიაში.
LikeLike
ძალიან კარგი პოსტია, გამორჩეულად კარგი. სტილიც ძაან ზუსტად მოერგო.
შენ კიდევ საძაგელი ხარ რაა, ბექა არ დაუჯერო, ეგრე არ მითქვამს.
ისე პოსტები მართლა უკეთესი აქვს 😉
ლორდი სულით და ხორცით ბლოგერია ❤
LikeLike
ვკითხე და ძველი ყოფილა ის მოთხრობა. ხოდა დაწეროს ახალი ეხლა არის გასული შემოქმედებით სიმაღლეებზე
LikeLike
ძველია, მაგრამ კლასიკა არ ბერდება. 🙂
LikeLike