იყო და არა იყო რა, მზის უკეთესი ვინ იქნებოდა, ლუდოვიკოთა კარზე მსახურობდა დიპლომატი და მარშალი სეზარ დუ პლესი-პრალანი (César, duc de Choiseul, comte du Plessis-Praslin). ამ პლესი-პრალანს ყველანი დაუდგრომელ და თავგადასავლების მოყვარულ კაცად იცნობდნენ – ეგ ის არაა, სადაც ორი ვინმე შეიკრიბება და დაშნებს გააშიშვლებს, მესამედ დაუდგებაო? – ამბობდნენ პარიზში. მართლაც, პირველი ფრონდა იყო და ფრონდიორი გახდა, პარიზს ალყა შემოარტყა და კარდინალ მაზარინის გადადგომას ითხოვდა, მეორე ფრონდა იყო და ახლა მაზარინის მხარე დაიჭირა, ინგლისელები იყო და ლა როშელთან კუდით ქვა ასროლინა, ესპანელები იყო და ტურინის ბრძოლაში დაამარცხა… მაგრამ ბევრმა როდი იცოდა, რომ მარშლის ნამდვილი ვნება ომი კი არა კულინარია იყო, მეტადრე – ტკბილეული. ჰოდა, რა გასაკვირია, რომ 1671 წელს სწორედ პლესი-პრალანის კულინარული ექსპერიმენტების შედეგად იშვა დამდნარ და შემწვარ შაქრის მინანქარში (კარამელში) ამოვლებული ნუშის გული. სამეფო ნადიმზე, სხვები რომ ტახის კანჭსა და ბატის ღვიძლს ეძალებოდნენ, ეს კარამელიანი ნუშით იტკბარუნებდა პირს. მეთოთხმეტე ლუდოვიკოც, თავი რომ სახელმწიფო ეგონა, თვალს ჩაუპაჭუნებდა ხოლმე და ჩუმად ჰკითხავდა, მარშალო, ზედმეტი პრალანი ხომ არ მოგრჩათო. ერთ კარამელიან ნუშის გულში ვცვლი ნახევარ სამეფოსო! ზედმეტი, აბა, საიდან ექნებოდა, მაგრამ მეფეს ხომ არ დაუმალავდა. გადგებოდნენ მეფე და მარშალი განზე, გაშლიდნენ სხვათა დასანახად რუკებს – აქაოდა, სახელმწიფო საქმეებზე ვთათბირობთო და ნუგბარს შეექცეოდნენ. რაცხა ამ ბოლო დროს ოსმალო-თათარის პოლიტიკა არ მომწონს, მუსიე მარშალოო – ეუბნებოდა ლუდოვიკო და თან პრალანს ახრამუნებდა. რაც ლუდოვიკოს პრალანი ეჭამა, ნახევარი სამეფოსი კი არა – ბარე ნახევარი ევროპის ფასი, ან რა მადა ჰქონდა იმ მუცელას, მაგრამ პლესი-პრალანი თავაზიანი კაცი იყო და ისე გარდაიცვალა, მონარქისთვის დანაპირები არ მოუთხოვია. მის გამონაგონს მეფემ პრალანი (პრალინი – Pralin) დაარქვა და ამაზე მეტი პატივი და დიდება არც უსურვია.
მოგვიანებით მარშლის ალი-კვალმა ფრანგებმა აიღეს ბევრი-ბევრი პრალანი, დაჭრეს, დაფშვნეს, შეზილ-შემოზილეს და ხილფაფის მსგავსი უგემრიელესი მასა მიიღეს, რომელსაც ნამცხვრის შიგთავსად იყენებდნენ. ხანი გამოხდა და კვლავ ფრანგმა კულინარებმა პრალანს კაკაოც დაუმატეს და ასე გაჩნდა შოკოლადის წებოვანი და მსუყე კრემი ნუშით – საოცრება, რომელსაც პრალინე (Praliné) უწოდეს.
აქ უკვე ავანსცენაზე გამოვიდა გაბელგიელებული შვეიცარელი ჟან ნეუსი (იან ნოიჰაუსი – Jean Neuhaus), ვინც 1912 წელს შოკოლადის ფილებს გული გამოუღო, პრალინეთი შეავსო და გასაყიდად გამოიტანა.
დაიტაცეს.
პირები ჩაიტკბარუნეს.
მოიტა კიდეო! – მოთხოვეს.
კომპანია Neuhaus დღემდე რჩება პრალინე-შოკოლადის უდიდეს მწარმოებლად მსოფლიოში, თუმცა არც სხვა ბელგიური კომპანიები ჩამორჩებიან და ფრანგული და ამერიკული პრალინეც ბევრია დახლებზე. ფრანგები იმასაც ამტკიცებენ, შოკოლადი პრალინეთი ჩვენი მოგონილია, რაის ნეუსი, ნოუსი თუ ნოიჰაუსიო, მაგრამ ფრანგული კულინარიისადმი ჩემი პატივისცემის მიუხედავად, შოკოლადი რომ შოკოლადში ჩაედო, ამას ბელგიელის მეტი, აბა, ვინ მოიფიქრებდა? 🙂 ამიტომ ბრიუსელური კომბოსტო, ფლამანდიური მაქმანი, ვაფლი, საქსოფონი და პრალინეთი გულდამტკბარი შოკოლადი ბელგიელთა წვლილია მსოფლიო ცივილიზაციაში და ამათგან, საქსოფონის ხმა როგორ მიყვარს და, უძვირფასესი მაინც, იმჰო, შოკოლადიანი პრალინეა. ნუშით იქნება თუ სხვა თხილეულით.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.
___
Stylish Blog 
❤
LikeLike
გემრიელი პოსტი იყო :)))
განსაკუთრებით ლუდოვიკოს და პრალანის დიალოგზე ვიცინე :)))
LikeLike
მმმ, ასე მგონია ეს-ესაა ჩავიდნე პირში გემრიელი პრალინე,.. რა გემრიელი პოსტია. საერთოდ როგორც არსებობენ ადამიანები, რომელთაც შოკოლადი არ უყვართ?… აი ამ წუთსაც ბელგიური პრალინე არა მაგრამ როშეს ალუბლიანი ბურთულებით ვიტკბარუნებ პირს, მიყვარს მიყვარს შოკოლადიი 🙂
LikeLike
ამოუცნობი ფენომენია 🙂
LikeLike
რა უცნაური გოგონები ვართ მე და შენ, ამ კომენტარის შემდეგ ინსტიქტურად გამოვაღე უჯრა და რა მიდევს? :დ
ფერეროს ალუბლებიანი შოკოლადის პაწაწუნა ყუთი 4 ჯანფეტით 🙂
ხომ არ გამოვატანო შენთანაც იკას 🙂
LikeLike
მეკიდევ გამოვაღე მაცივარი და მარნეულის კიტრის მწნილი მაქვს!
აეგრე!
LikeLike
ბუკიას ბაღში რომ დადგეს შარშან ფერერო-როშეს ნაძვის ხე 🙂 ნეტა, ნამდვილი ყოფილიყო…
LikeLike
ტკბილეულის მოყვარული ბრძანდებით, ლორდ? 🙂
LikeLike
პ.ს. ძვირი სიამოვნება ყოფილა:
http://www.amazon.com/s/ref=bl_sr_grocery?_encoding=UTF8&field-brandtextbin=Neuhaus&node=16310101
LikeLike
როგორც სტიუარდესამ უთხრა ვალიკო მიზანდარს – ჰოროშეე ვსიო დოროგოო 🙂
LikeLike
ისე, კარფურში იყიდება კარფურის ლოგოს ქვეშ შოკოლადი – პრალინეთი, პრალანითაც და ნუშითაც და თხილითაც… ჰოდა უსინდისოდ დაბალი ფასია 3 ლარი 200 გრამზე… ჰოდა ამ ფასად მართლა ძაან კაი შოკოლადია.
ახლა Cote d’Or-ის პრალინიან ბონბონს ვერ ჯობია – თან ბელგიური პრალინე განსაკუთრებულია მაინც, მაგრამ ყველა სხვას რაც მიახლოებით მაგ ფასშია 3 ლარად და მაგაზე უფრო ძვირებსაც სჯობს ნაღდად. 🙂
LikeLike
ვესტუმრები მოლს პრალინეს ხათრით და ლორდის რეკომენდაციით 🙂
მადლობელი!
LikeLike
შენ, როგორც ჭეშმარიტ მამაკაცს, ბელგიური მაქმანიც გეყვარება, მილორდ :ეჭვ:
პოსტი რომ უგემრიელესი იყო და შოკოლადი მომანდომა, ამას აღარ ვიტყვი, უჩემოდაც შეგიქებენ, მაგრამ ჰედერისთვის განსაკუთრებული რესპექტი. ერთხელ როგორ ვერ უნდა ვითამაშოთ მე და შენ.
LikeLike
დ’არტანიანს უყვარდა ალბათ 🙂
LikeLike
ეგ არ ვიცოდი, კიდევ ერთი მიზეზი მოლში წასასვლელად. შენი თქმის არ იყოს, მალე იქ გადავცხოვრდები… ადვილად მისაგნებია? ანუ ასაწონებშია თუ დახლებზე დევს?
LikeLike
დახლზე 🙂 პლიტკებია რა.
ისე ყავაც არ აღმოჩნდა ცუდი კარფურისვე ლოგოს ქვეშ როა.
LikeLike
ყველზე გავიყიდე რა 😦 კიდე კარფური მინდოდა ახლა მე? 😦
LikeLike
ისე სხვებისა ბამბაც ჩხრიალებს, თორემ 400 სორტის ლუდი აქვთ ბელგიაში და თან ძაან კარგი. მარა ლუდების ქვეყნებს შორის არვის გაახსენდება ხოლმე 🙂
აგე გვარს არ დავასახელებ მთელი დღე იბოდიალა ბრიუსელში და ერთი პაბი არ შეხვდა დავიჯერო, ერთი კეთილი სიტყვაც არ დასცდენია 🙂
LikeLike
არ ვყოფილვარ პაბში 😦
ჰაინეკენი რომ ყველას ახსოვს, მაგას ხომ ვყლუნწავდი, რას ამბობ…
LikeLike
ჰაჰაა :)))))) მობოდიალე თამარა…..
ჩვენი გემოვნება აშკარად ემთხვევა, ყველის საკითხშიც. ისე რომელზე უფრო ხარ დამოკიდებული გამოტყდი, მე ყველზე, და შოკოლადზე 🙂
LikeLike
ყველზე თუ შოკოლადზე თუ სახეობებს გულისხმობ? 🙂
ყველის სახეობებზე ადრე დავწერე და თუ ყველი თუ შოკოლადი… შოკოლადს მეტი რაოდენობით ვჭამ – ეს ფაქტია. 🙂
LikeLike
ისე, ელარჯის გაკეთება იცი? 🙂 აი სულგუნის მაგივრად რომ როკფორი უყო, არ გიცდია?
LikeLike
არ გამიკეთებია არასდროს, უღირსი მეგრელი ქალი ვარ. ისე, ჩემის პრივატულის აზრით, ქართულ ყველს ბადალი არ ყავს, არავითარი როკფორები და მოცარელა-პარმეჯანოები არ შეედრება ქართულ ოღონდ კარგ ყველს. თან როკფორს რაღაცნაირი სუნი აქვს რაა. უცხოური წარმოშობის ყველებიდან ჰოლანდიური მიყვარს ყველაზე მეტად, რაც არ უნდა გასაკვირი იყოს, სასიამოვნოდ მწკლარტეა, ზომიერი სიმკვრივის, სასიამოვნო ჩასაკბეჩია 🙂 და გვარიანად მსუყეა. ცეზარს მე მაგალითად პარმიზანის ნაცვლად მაგას ვუკეთებ და უფრო გემრიელი გამოდის.
LikeLike
დესერტი ყველის გარეშე იგივეა, რაც სექსი ორგაზმის გარეშე-ო ძველი ფრანგული ანდაზაა 🙂
მეც მიყვარს ჩვენებური ყველი, მაგრამ, ერთმა კარგმა ბლოგერმა დამიკომენტა ჩემს პოსტზე არეჩვეულებრივად მომეწონა – ცოტა გემო აქვსო და 100% ვეთანხმები.
ამიტომ მიყვარს სიმწარე, სიმლაშე და სიმყრალეც როკფორის. თუმცა ბევრი სხვა ყველიც მიყვარს. დანიშ ბლუ არაა მყრალი, მაგრამ კარგია ეგეც. 🙂
ჰოლანდიურ-შვეიცარული ყველიც მიყვარს.
LikeLike
გეთანხმებით ქართულ ყველთან დაკავშირებით! 🙂
ელარჯში როკფორი არ უყოთ, გეხვეწებით, ჯერ ისე რა არის და გაცხელებული და ჩამდნარი რა იქნება 😦 😦
ჩემმა მეზობლებმა იყიდეს რაღაც ეგეთი ფიმფამფო ყველი და სამი დღე სამზარეულოში ვერ შევდიოდი, მერე ყველაფერი დავათვალიერე, ნეტავი, სად დალპა და რა მეთქი 😦
ჰოლანდიური ყველიც ცუდად მხდიდა ბოლოს, თავიდან სენდვიჩებზე შევჯექი და მერე ვეღარ ვიტანდი 🙂 🙂 🙂 ყველაზე კარგი იყო – გადავახვევდი ბლინებში და მიკროტალღურ ღუმელში რომ ჩადნებოდა შიგნით, იფ!!!
რა შუაშია ახლა ეს ყველაფერი პრალინესთან…
LikeLike
გადამრევთ მე თქვენ 🙂 ყველია სუნამო ხომ არაა?
LikeLike
rafaelos winapari ^_^ ❤ ❤
auu. lord shen gecodineba. chventan shokoladis saxli ar aris?
erti saxelosno vipove da sadgac gadakargulshia 😦
LikeLike
რას გულისხმობ შოკოლადის სახლში – თუ სპეციალიზირებულ მაღაზიას როზალის რატომ იწუნებ? ფალიაშვილზე როა
LikeLike
სპეციალიზირებულ მაღაზიას. ფალიაშვილზეა? რა ნომერში, ამ კვირას დავლაშქრავ ^_^ ❤
LikeLike
ვცან გუგლის ძალაი. ფალიაშვილის 92-შია ❤
LikeLike
შოკოლადს მჟავე კიტრი ჯობია.
LikeLike
ორსულად როცა ხარ – ნამდვილად ჯობია 🙂
LikeLike
თავიდან რომ ვკითხულობდი მეგონა დ’არტანიანის პროტოტიპი იყო 🙂
LikeLike
დროში ემთხვევა, კი. 🙂 მარა დ’არტანიანი ორივე ფრონდის დროს მეფის (და მაზარინის) ერთგული იყო. 🙂
LikeLike
ავლაბარში (ადრე ვმუშაობდი ამ უბანში) არის პატარა მაღაზია, მგონი არმენია ქვია. რასაც ყიდიან – ყველაფერი სომხურია, წარწერებით მაინც. ხოდა აქვთ ფანტასტიური შოკოლადები, ჩირისა და თხილეულების შიგთავსით. რეკამენდუიუ. უცებ გამახსენდა ეხლა ამ კომენტარების ჩაკითხვისას. პოსტი მომეწონა 🙂
LikeLike
Grand Candy-ს შოკოლადებს ყიდიან ალბათ. 🙂
LikeLike
ნუ თურქული ყავის არ იყოს “აღმოსავლურად” რომ აქვთ წოდებული, არც ეგაა გამორიცხული 🙂
LikeLike
მჟავე კიტრი შოკოლადს არც ორსულობის დროს არ სჯობს, დამიჯერეთ გამოცდილ ქალს ;)) შოკოლადებმა და არა მჟავე კიტრმა გამხადა ზუსტად მაგ ორსულობებში წინაისტორიული საშუალო ზომის მამონტისხელა, დიახ. ჰაა ჰაა ნაბახუსევზე ამჯობინოთ კაცებმა, ბექა, რამ გათქმევინა ეს მკრეხელური ფრაზა? ჩემს ღვთაებრივ შოკოლადს შეურაცხყოფა მიაყენე…
ისე, მილორდ, ტრუფელებს არ უნდა მიუძღვნა ოდესმე ერთი გემრიელი პოსტი? მემგონი იმსახურებენ.
LikeLike
ნუ იცი ხოლმე შენ… ყველა ორსულობა ინდივიდუალურია.
შენ ერთი გქონდა, ბექას – სხვა აქვს.
LikeLike
ტრუფელი ისერა მიყვარს. თუმცა, ტრუფეტს დე ფრანსი მევასება – მწარე ტრუფელები როა. 🙂
აი ესენი http://www.amazon.com/dp/B0008IT4OM
LikeLike
http://www.amazon.com/Leonidas-Assorted-Truffles-Chocolates-lb/dp/B007BP44VS/ref=sr_1_9?s=grocery&ie=UTF8&qid=1359032159&sr=1-9&keywords=leonidas+truffles მე აი ამ ტრუფელებზე ვარ უგონოდ შეყვარებული, – ნირვანაა 🙂 smells like chocco spirit ლეონიდასი ჩემპიონია. ის შენი ტრუფელები არ გამისინჯავს, არადა ძაან მაგრად გამოიყურება… აი-აი, რა დღეში ჩაგვაგდო ამ შენმა პოსტმაა…. ახლა ამსვა-დამსვა და ლეონიდასის მაღაზიაში ჩამსვა 🙂 ან ბრუსელის აეროპორტის დუთი ფრიში…
LikeLike
გაყევი შენც ქევანას როზალიში. მაგათ აქვთ ბელგიური ტრიუფელები.
მე მაინც ჩემს სპილოს გეახლებით. 🙂 პრალინიანი არარ დამრჩა, მაგრამ შავი შოკოლადის ფილა მთლიანი ნუშით კი მაქვს.
LikeLike
დაწერე მერე პოსტი.
ტრიუფელი და მჟავე კიტრი. 🙂
LikeLike
ეს რა გამახსენე ❤
წლების წინ ჩემი დაქალი ბელგიში გადავიდა საცხოვრებლად და ერთ დღესაც მიგან მივიღე საოცარი შეფუთვა საჩუქრად
ეს იყო 2 სართულიანი ხავერდის ყუთი, აბრეშუმის ბაფთებით და მოოქროვილი ლოგოთი "ლეონიდას"
მაგრამ ყველაზე მაგარი თურმე შიგნით იდო: მსოფლიოში ყველაზე გემრიელი შოკოლადი, თეთრი, რძიანი, შავი, თხილიანი, ნუშიანი და რავიცი კიდევ რა.
სხვათა შორის ის შეფუთვა დღემდე მაქვს და ვიყენებ როგორც სამკაულის "შკატულკას"
LikeLike
Cote d’Or- არის ღვთაება
პოსტი იყო უშოკოლადესი და უგემრიელესი
ჩემნაირი სუსნია არავინ მეგულება ამ ქვეყნად, წავედი ჩემი ნიჟარები შევახრამუნო 🙂
LikeLike
შემიძლია ცნობა გავაძრო სახლმმართველობიდან რომ ორსულად არასოდეს ვყოფილვარ..
მჟავე კიტრი ლუბოი ამინდში ჯობია შოკოლადს––ერთადერთი ყავის სმისაა საეჭვო
LikeLike
ოოო… ეს უკვე სულ სხვა ბაზარია – აბა თაკოს არგუმენტი უფრო სანდო ყოფილა. მეტი გამოცდილება აქვს.
თუმცა, პახმელიის გამოცდილებაში შენ აჯობებ. 🙂
LikeLike
ჯანდაბა! რა კარგად წერ 🙂 შოკოლადივით წავიკითხე.
LikeLike
მადლობა, მარა ჯანდაბა რატო? ;/ 🙂
LikeLike
საინტერესო პოსტი იყო :))
LikeLike
მე არ ვიცოდი პრალინე რა იყო 🙂
LikeLike
შენ მიდიხარ კარფურში 🙂
LikeLike
რომელ განყოფილებაში?
კარგი, წავალ 🙂
LikeLike
გაერკვევი ადგილზე
LikeLike
😀
LikeLike
@ბექა, ვნახე ეგ ფილმი.
+1 განდოლფინის. ბრედიც კარგია.
ტემპი აუტანლად ნელია. 🙂 კრიმინალურ-ფილოსოფიური დრამა გაი რიჩის სტილში, მაგრამ ტემპის გარეშე…
და ძაან ბევრს ბაზრობენ კიდე გაუთავებლად 🙂
მოკლედ 3+ ჩემი შეფასებით.
LikeLike
აქ აქცენტი სხვა რამეზეა ამიტომ ტემპი იმჰო დაბალი უნდა იყოს. თუმცა თუ ვერ მოგდო გაწელილად მოგეჩვენება––ეგრეა
მე ზოგადად მსახიობების თამაში ძალიან მომეწონა, იმ წვრილი კრიმინალისაც ბოლოს რომ კლავენ ძაღლებსი გამსეირნებლსიაც და მაფიის შუამავლისაც
რაც არ მომეწონა ––ზედმეტი აპელირება პრეზიდენტებსი რეჩზე. ნაძალადევ სცენებს ვერ ვიტან
თემას რომ დავუბრუნდეთ–ბელგიური შოკოლადი რაც უჩუქებიათ ჩემთვის, ყველა ძალიან მსუყეა და მგრუზავს. ეს როგორია?
LikeLike
იმ ფილმს გავს მაგით – ბრიუგეში ფარელი რომ თამაშობს. ორ ქილერზე როა.
პრალინე მსუყეა. ნუში, კარამელი და შოკოლადი და ზემოდან კიდევ ერთი შოკოლადი. მსუყეა… მარა გემოვნების ამბავია.
ისე, ბელგიური შოკოლადი მაინც ნაკლებად მსუყეა ვიდრე შვეიცარული, იმჰო.
რა მაგის პასუხია და შენ ბლოგი არ უნდა გქონდეს აბა? თუნდაც არალაითური, უფრო პრობლემატურ ამბებზე, თორემ წალეკა ბლოგოსფერო კოლექტიურმა ხუხაშვილმა 🙂
LikeLike
ძაან სასაცილო იყო განდოლფინი რომ ეუბნება სამ დღეში აქ ვინც მაგარი ნაშაა ყველა გავჟიმეო… და ბრედს რომ შურს 🙂 და აბა მე სად შემიძლია მაგდენიო…
არა, განდოლფინი მაგრად მევასება და მაგარი კაი ტიპია, მარა ყველა დროის სექს-სიმბოლოს რომ ქალებს ახარბებს მაგარი ეპიზოდია. 🙂 ამ ეპიზოდის იუმორი დავაფასე.
LikeLike
როგორც ვოლტერმა თქვა, კარფური რომ არ არსებობდეს, მე მას გამოვიგონებდიო
LikeLike
პრალინეანი მოწითალო შეფუთვაშია. მაგრამ სულ შემომეჭამა და ეს დამრჩა ნუშიანი და ეგ გადავღე 🙂 მაგრამ ესეც ძაან გემრიელია. 🙂
LikeLike
კაცო შენ ამ ვორდპრესის აგენტი ხარ? ცოცხალი თავით არ მინდა ბლოგი. უბლოგოდ დავიბადე, უბლოგოდ მოვკვდები
LikeLike
აბა ბიბლია რომ გვეუბნება: ბლოგი იყავ და ბლოგად იქეციო?
LikeLike
:)))) მაინც რა გონიერი კაცი იყო ეს ვოლტერი რა… აუ ლორდ, რაზე მეცინება იცი? ხვალ კარფურის პრალინეებთან შენი ბლოგის მკითხველების რიგი რომ დადგება :)) კარფურმა გაყიდვებიდან წილი უნდა გადაგიხადოს, წესით, თუ სამართალი არსებობს… 🙂
LikeLike
არც მაგხელა გავლენა აქვს ბლოგოსფეროს სამწუხაროდ 🙂
ვინმე ციურიდეიდას მინიმარკეტი რომ იყოს, ჩემს მეზობლად როა კიდევ ექნებოდა ეფექტი და კარფურს ყველანი რომ მიადგნენ, ეს პოსტი ვინც წაიკითხა, ვერც შეამჩნევენ 🙂
ისე, ჩვენთან ქინდლის პოპულარიზაციაში კი მაქვს ოდნავ შესამჩნევი წვლილი შეტანილი 🙂
LikeLike
LikeLike
ეგ შოკოლადები მიდევს ამ წუთას წინ ❤
და ველოდები გახსნას და მანამდე აქ შემოვიხედე და უცებ აქაც არ დამხვდაა :დ
LikeLike
შემომეჭამა უკვე 😦
LikeLike
ნამდვილი შოკოლადის მანიაკი ხარ 🙂
LikeLike
თა, თქვენ გაუგზავნეთ? 🙂
LikeLike
კი ჭაღი ვიყიდე და იმას მოყვა აქციაზე.
ტყუილად ეკითხები 🙂 ვორდპრესს რაც დაემშვიდობა მას მერე არ უნთებს ნოტიფიკაციებს როცა ვინმე აკომენტებს 🙂 ეს მარტო ვორდპრესელთა პრივილეგია. 🙂
LikeLike
უგემრიელესია 🙂
LikeLike