101, რეიკიავიკი

ცხოვრება – სიკვდილებს შორის შესვენებაა მხოლოდ.
ჰალგიმურ ჰელგასონი, “101, რეიკიავიკი”

NB!: პოსტი შეიცავს სფოილერს და არანორმატიულ ლექსიკას.

Hallgrimur Helgasonრა უნდა აკეთო ქვეყანაში, სადაც მზე არ ანათებს, ზაფხული არაა, მთელი წელი ცივა და უდნობი ყინულია. დღე არაა – უბრალოდ არის ღამე, როცა ბნელა და ღამე, როცა სინათლეა. ქვეყანაში, რომელსაც არ ჰყავს მტრები და არც არმია ჰყავს, არც ქურდები ჰყავს და არც – პოლიცია. ქვეყანაში, სადაც სულ 300’000 კაცი ცხოვრობს და აქედან 200’000-ს მუსიკალური განათლება აქვს.  სადაც უმუშევრობის შემწეობა იმდენივეა, რამდენიც საშუალო ხელფასი. რა უნდა აკეთო სხვა, თუ არა: გეძინოს 2 საათამდე, სვა უგონოდ, მოწიო პლანი დასირებამდე, უყურო პორნოს, ანძრიო, ყველა ქალი შეაფასო თანხით, რომელსაც დაუნანებლად გადაუხდი ერთ ღამეში, იტყნაურო მარჯვნივ და მარცხნივ უპრაკუნოდ და იოცნებო უნგრელ გოგოზე, რომელიც ინტერნეტით შეგიყვარდა, გაიცნო მერე ის გოგო რეალში და აღმოაჩინო, რომ ბოიფრენდი ჰყავს. უფრო ხშირად აგიდგეს, იშვიათად – არა, რამდენიმე გამოყენებული პრეზერვატივი გქონდეს და კიდევ რამდენიმე გამოუყენებელი. ვიღაცები დააორსულო, ვიღაცები – არა.  ვიღაცას მუცელი მოწყდეს. ვიღაცამ აბორტი გაიკეთოს. ბოლოს დედის გერლფრენდს შენგან შვილი შეეძინოს. თუმცა, შეიძლება შენგან არც შეძენია. რა მნიშნელობა აქვს?

რაც ზემოთ აღვწერე ერთი ისლანდიელი კაცის, სახელად ჰოლმფრიდის ცხოვრებაა. რომანი, სადაც ეს ყველაფერია აღწერილი – ჰალგიმურ ჰელგასონის (Hallgrímur Helgason) “101, რეიკიავიკი” (101 Reykjavík) – ყველაზე ცნობილი ისლანდიური წიგნი ლაქსნესის შემდეგ. ლიტერატურული პრემიებით დაჯილდოებული და გაფილმებული.

რთული ნაწარმოებია. ლაითი საკითხავი ნაღდად არაა – ლიტერატურული, მუსიკალური და ისტორიული ალუზიებით სავსე. ცნობიერის და ქვეცნობიერის ნაკადით. სლენგით დახუნძლული. თუ ცურვა იცით – გაცურავთ, თუ არა – დახურავთ წიგნს და გადარჩებით. 🙂

ამავე ავტორს უფრო ლაითი წიგნიც აქვს “სახლის დალაგების რჩევები დაქირავებული მკვლელისთვის” (10 ráð til að hætta að drepa fólk og byrja að vaska upp/The Hitman’s Guide to Housecleaning) ხორვატ ქილერზე, რომელიც ისლანდიაში ამოჰყოფს თავს. აქაც ბევრი შიდა მონოლოგია და პოსტმოდერნული ლიტერატურის ბევრი სხვა ხერხი (ეს ისე, ინტელექტუალურ ამბავში ჩავაკვეხე, თორემ აზრზე არ ვარ პოსტმოდერნული ლიტერატურული ხერხები რომლებია), მაგრამ არის მწყობრი ფაბულა, ამბავი ვითარდება – ბოლო-ბოლო, მოყოლა შეიძლება და გაცილებით მარტივია, მიედევნო სიუჟეტს. დეტექტური ინტრიგაც ახლავს თან. თუ მოგეწონათ – “რეიკიავიკიც” არსად გაგექცევათ.

ორივე წიგნში უხვადაა შავი იუმორი და ბევრ ისეთ რამეს გაიგებთ ისლანდიაზე, რაც ყოველთვის გაინტერესებდათ, მაგრამ ვერ ბედავდით, გეკითხათ. 🙂

Creative Commons License © Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ჩემს ნაცნობებსა თუ უცნობებს შორის არვინ მეგულება ისეთი, ისლანდია რომ როდეზე მეტად უყვარდეს. მინდა ამ პოსტით რეიკიავიკში სტუმრობა ვუსურვო.

Advertisements

28 thoughts on “101, რეიკიავიკი

    • კი ადარებენ ხოლმე, თუმცა მთლად გავს-თქო ვერ ვიტყვი.
      უელშს აქვს კაი რამეები, მაგრამ ზოგჯერ ძაან უბერავს იმჰო. 🙂 ერთხელ დავწერო შეიძლება უელშზეც.

      Like

  1. რაღა დროს წიგნების კითხვაა. დავეძალოთ ფილმებს

    ლორდ გადააგდე ეგ მავნე ჩვევა. წარმოიდგინე რომ სიგარეტია. თუ მაინცდამაინც კითხვა გინდა – იკითხე ფენტეზი

    Like

  2. დაიკიდე ჰობითი და ნახე killing them softly. მამენტ არა მგონია მოგეწონოს, მაგრამ შავი იუმორი კია ოხრად. გაიჩითა უკვე რუსულ ტორენტ საიტებზე თან ინგლისურადაც

    Like

  3. არალორდული ლექსიკით დაწერილი საინტერესო პოსტი
    წავიკითხავ მეთქი არ წიგნს ვერ დაგპირდები, მიუხედავად ასეთი აღწერისა, ამ ბოლო დროს მხოლოდ იოლად საკითხავი ლიტერატურა მიზიდავს – გადაღლილზე კარგი განტვირთვის საშუალებაა

    Like

    • თავად ნაწარმოებია ეგეთი რომ ვერ დავწერდი: წიგნია ისლანდიელ კაცზე, სახელად ჰოლმფრიდზე, რომელიც უწესო სექსუალური ცხოვრებით ცხოვრობს. 🙂 ძაან არ მოუხდებოდა და არ იქნებოდა ადეკვატური რეცენზია 🙂

      ამ ბოლო დროს მხოლოდ იოლად საკითხავი ლიტერატურა მიზიდავს – გადაღლილზე კარგი განტვირთვის საშუალებაა

      მესმის შენი. მეც ეგეთი ეტაპები მაქვს. ლაითური. შიგადაშიგ თუ ჩავუფენ ხოლმე რამე უფრო მძიმეს.

      Like

  4. მაგარია, ლაქსნესის შემდეგ ეს ყავთ. მაინტერესებდა ეს წიგნი და ახლა უფრო დამაინტერესა, იმედია როდისმე ქართულად წავიკითხავ ან ინგლისურს კარგად ვისწავლი :დ
    მადლობა ლორდ ❤ გუგლრიდერში თვალი როგორც კი მოვკარი, მივხვდი და შემოვქანდი ეგრევე 🙂

    Like

  5. ამავე ავტორს უფრო ლაითი წიგნიც აქვს “სახლის დალაგების რჩევები დაქირავებული მკვლელისთვის”

    detektivi ara, lbat mainc trileria.

    Like

  6. :)))) ლორდი, რომელიც “რა დღეშია?!”
    თათასი არ იყოს, მეც დავაფიქსირე რამდენიმე დღის წინ, რომ ნორმალურ ხარისხიან ლიტერატურას ვეღარ ვკითხულობ და როგორც კი ეს აღმოვაჩინე, ძალიან დავიგრუზე. იმდენად მღლის ჩემი დღევანდელი ცხოვრების ტემპი, რომ მხოლოდ “ყვითელი” საკითხავები მშველის, ნუ დეტექტივებზე არაფერს ვამბობ, ყველაზე მაგარი თერაპიაა პირადად ჩემთვის შოპინგის შემდეგ. ასე რომ, ვისაც შეგიძლიათ, დრო და სურვილი გაქვთ და ბავშვები არ დაგწუწუნებენ თავზე, მიეძალენით 🙂 წესით ,კაი რამ საკითხავი უნდა იყოს ეს შენი პოსტის ობიექტი, ასე მიგრძნობს გული…

    Like

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s