ყველაზე ტატუირებული ნაშები (და არამარტო ნაშები)

მაჩვენე შენი ტატუ და გეტყვი, რამდენად შექანებული ხარ.

ტატუინური ანდაზა

მსოფლიოში ყველაზე ცნობილი ტატუირებული ქალი, რაღა თქმა უნდა, ანჯელინა ჯოლია. მის სხეულს ამშვენებს ვეფხვისა და დრაკონის გამოსახულებები, ცნობილი ციტატები თუ გამონათქვამები, მის ახლობელ ადამიანთა ინიციალები…

სურათზე ჩანს ბუდისტური წარწერა სანსკრიტზე ანჯელინას მარცხენა მხარზე – რომელიც მისი ვაჟის, მედოქსის სახელზე ამოიტვიფრა და მისი შვილების დაბადების და/ან შვილად აყვანის ადგილის გეოგრაფიული კოორდინატები (გრძედი და განედი) მარცხენა მკლავზე.

ვფიქრობ, მოვა დრო და მამაკაცთა გულებში პლანეტის ყველაზე სასურველი ქალის პოზიციაზე მეგან ფოქსი ანჯელინა ჯოლის ჩაანაცვლებს, ტატუთა სიუხვით კი ჰადაჰა და უკვე დაეწევა – მეგან ფოქსის სხეულს ამშვენებს მერილინ მონროს გამოსახულება, სხვადასხვა ცნობილი თუ უცნობი გამონათქვამები, ახლობელ ადამიანთა სახელები. “ახალ ტატუს რომ ვიკეთებ, ასე მგონია, ყველა იმათ ვჟიმავ, ვინც მეუბნება, რომ ტატუ აღარ გავიკეთო”, – იხუმრა ერთხელ ფოქსმა.

მეგან ფოქსს ბეჭზე ამოტვიფრული აქვს ციტატა “მეფე ლირიდან”. ვფიქრობ, სწორედ მეგანის დამსახურებაა, ეს ფრაზა რომ მათაც კი აქვთ წაკითხული, ვინც (ჩემი არ იყოს და) შექსპირთან ვერ მეგობრობს.

ევა ლონგორიას (ისე, ორიგინალში ეს სახელი გამოითქმის, როგორც ივა) სხეულს უმშვენებს ვარსკვლავები, მისი და მისი მეუღლის სახლის სამისამართო ნომერი (ცხრა), ქორწინების თარიღი, მეუღლის სახელი (თუმცა, ეს ყველაფერი ახლა, ალბათ, წაიშლება) და, ერთი გენიალური ფილმის გმირ მარგალიტასი არ იყოს – დასაფიცებელი ჯვარი ტაკოსთან…

ტატუებით სავსეა ქალ-ტერმინატორის ქრისთანა ლოქენის სხეულიც – ცხენი, მთვარე, ვარსკვლავები, ჯვარი და ძლიერების სიმბოლო-ამულეტის გამოსახულება ბეჭზე.

ადრიანა ლიმას წვივს ტრაიბალისტური სიმბოლო უმშვენებს… თუკი, ასეთ ფეხებს დამშვენება აკლია.

ჯანეთ ჯექსონს უამრავი ტატუ აქვს – ყვავილები, ჩინური და აფრიკული სომბოლოები, მაგრამ მისი ყველაზე მაგარი ტატუ მაინც მიქი და მინი მაუსები არიან, რომლებიც ორალური სექსით არიან დაკავებულნი ჯანეთის სხეულის, როგორც იტყვიან, ყველაზე ინტიმურ ალაგს.

ბრაზილიელ ლამაზმანს, ალესანდრა ამბროზიუს ტაკუნებთან ასევე სახალისო ტატუ აქვს – მთვარეზე შემომჯდარი კატა.

შვედ მოდელს, მალინ ოკერმანს ზურგზე ლოტუსის ყვავილი და სანსკრიტული წარწერა (რაც თამაშს ნიშნავს) აქვს გამოსახული, მაჯას კი ასო Z უმშვენებს.

 

იტალიელ მსახიობს, ელიზაბეტ კანალისს მკლავზე გოთიკური ასოებით და ვარდებით გაწყობილი სალტე ახატია, რაც მის საყვარელ მომღერალს – ემინემს ეძღვნება, კანალისის სხეულს აგრეთვე ამშვენებს ვარდი მარცხენა ხელზე, რამდენიმე გამონათქვამი და ციტატა (მათ შორის ემინემის შემოქმედებიდან) და პაწია ხვლიკი ტერფზე.

ნათაშა ჰენსთრიჯს დუნდულები გვირგვინოსანი ლომით აქვს დამშვენებული, ზურგი კი – მამრულ და მდედრულ საწყისთა სიმბოლოებით.

არაჩვეულებრივ იმანს მეუღლის, დეივიდ ბოუის საპატივცემულოდ მონადირის დანა აქვს ფეხზე გამოსახული (Bowie ქართულად ითარგმნება, როგორც მონადირის დანა)… თუმცა, ვინ იცის, ეს მეუღლისთვის გაფრთხილებაც იყოს?

ქარ ოთისს უხვად აქვს ტატუები – ანგელოზები, ჯვრები, ვარსკვლავები, გრაფიკული გამოსახულებები და თავის ტატუზე მორგებული ფეხსაცმელიც აცვია.

ავსტრალიელ მოდელ სარა ო’ჰერს მკლავს ორი დელფინი უმშვენებს.

ქერი ვუჰრერს (აგენტი თანია ადამსი ლეგენდარული Command & Conquer-იდან) მხარზე ფარშევანგის ფრთა ახატია, კანჭზე სალტე აქვს ამოტვიფრული და მისი ყოფილი მეუღლის სახელიც აწერია და, ჯერ-ჯერობით, არ შლის.

სქარლეთ იოჰანსონს ძალიან ლამაზი და ფერადოვანი ტატუ აქვს ხელზე. მონეს “ამომავალი მზის” შთაბეჭდილებითაა, უთუოდ, დახატული.

ავსტრალიელ მოდელს, ნიქოლ თრანფიოს კისერზე ტანსაცმლის საკიდარი აქვს გამოსახული. ძალიან მოსახრხებელია – თუ ისეთ ადგილას მოხვდება, სადაც ბევრი ხალხია და გარდერობი – გადავსებული, საკუთარი – მუდამ თან აქვს.

შარლიზ თერონს მყესზე თევზი აქვს გამოსახული, ტერფზე კი ყვავილი.

ინგლისელ მოდელსა და მსახიობს, სიენნა მილერს სამი ვარსკვლავი აზის მხარზე, როგორც სიყვარულის, ღირსებისა და რწმენის სიმბოლო და მომტრედო-მომერცხლო ჩიტი მაჯაზე.

ბრაზილიელ მოდელს, მერიანა უიკერტს წელზე “Made in Brazil” აწერია – დაილოცოს ბრაზილია ასეთი ქალების “დამზადებისთვის”.

ამერიკელი მსახიობის, ჯესიქა ბიელის წელს პატარა მტრედი ამშვენებს.

კუბური წარმოშობის ამერიკელ მოდელს, ვიდა გერრას რამდენიმე ტატუ აქვს – ვარდი ფეხზე, თევზების ზოდიაქოს გამოსახულება მაჯაზე და წელს ქვემოთ კი – სამკაპმომარჯვებული პატარა ეშმაკი.

BONUS

გასაკვირი არაა, რომ მოდას თოჯინა ბარბიც აჰყვა!

დაბოლოს, დღეს “კარიბის ზღვის მეკობრეთა” მეოთხე ფილმი გამოდის ეკრანებზე, და აბა ჯეკი-ბეღურა რა ნამუსით გამოვტოვო – ჯონი დეფსაც ბევრი ტატუ აქვს – მისი დედის, შვილების სახელები, გული, ჩეროკის ტომის ინდიელთა ბელადის თავის გამოსახულება… მარჯვენა მკლავზე კი მსახიობს ისეთი ტატუ აქვს, ქართველებს რომ მოეწონებათ – Wino Forever… ადრე აქ Winona Forever ეწერა (უინონა რაიდერის საპატივცემულოდ), მაგრამ ქალების ნდობა განა შეიძლება? ჯონი და უინონა დაშორდნენ, მაგიერ, ღვინო მარად მის ხელთაა!

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:
ყველაზე ფანტასტიკური ნაშები
ყველაზე შეიარაღებული ნაშები
ყველაზე პოლიტიკოსი ნაშები
ყველაზე ოლიმპიელი ნაშები
ყველაზე სპორტული ნაშები