ყველაზე, ყველაზე, ყველაზე ბლოგერი

არ ვიცი, ქართველ ბლოგერთა საშუალო ასაკი რამდენია (ჰა-ჰა 23 იყოს – ჩვენი ბლოგოსფერო ხომ ჯერ მაინც ძალიან ნორჩია) აი, მსოფლიოს ყველაზე ასაკოვანი ბლოგერი კი ცნობილია – ესაა ბრაზილიელი ბერნარდო ლაპალო (Bernando LaPallo), რომელიც (ყურადღება!) 1901 წლის 17 აგვისტოს დაიბადა და, სხვა სურვილებზე რა მოგახსენოთ და, პოსტვის სურვილი ჯერ კიდევ არ დაუკარგავს… თუმცა, 109 წლის ასაკშიც ის იმდენად მხნედ გამოიყურება (ფოტო 1 წლის წინაა გადაღებული), რომ, ვფიქრობ, სხვა რამეებზეც რჩება დრო.

ლაპალოს თავდაპირველი გატაცება კულინარია იყო. 1928 წელს მან პარიზის სორბონის უნივერსიტეტს მიაშურა და კულინარიის ხელოვნებას იქ დაეუფლა. ასაკის მოძალებასთან ერთად, ის ადამიანის ჯანმრთელობის პრობლემების კვლევით დაინტერესდა, ნიუ იორქის უნივერსიტეტში პოდიატრია და რეფლექსოლოგია შეისწავლა (73 წლის ასაკში) და საკუთარი კლინიკაც დააფუძნა, სადაც სახსრების დაავადებებს მკურნალობდა.

ამჟამად უკვე პენსიაშია, არიზონაში ცხოვრობს, ლექციებს კითხულობს, წიგნებს წერს და ბლოგერობს.

მინდა მას ჯანმრთელობა ვუსურვო და ყველა ქართველ ბლოგერს კი – მისი ასაკისა მოიყარენით!

© Lord Vader. Stylish Blog.
საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.

___
http://agelesslivemorestore.com/
P.S.

ისე, მე ბერნარდო ლაპალოს ასაკამდე ჯერ ბევრი მიკლია და ვერც ვერასდროს მივაღწევ, მაგრამ ხანგრძლივი სიცოცხლის რეცეპტი მეც გავთქვი:

სიცოცხლის ელექსირი: როგორ გავიხანგრძლივოთ სიცოცხლე?

ავტორი: Lord Vader

Not stupid, or inconsiderate. Not obnoxious, or violent, or boring, or annoying. Not a bad dresser, not unemployed, and not unhandsome, either. Still drive people mad sometimes. :) View all posts by Lord Vader