მიშა, უპასუხე ტელეფონს!

ეს ფოტო ამ ცოტა ხნის წინ გამოჩნდა რუნეტში. როგორც რუსებივე იტყვიან, ნამდვილი “სულის ძახილია”.

ფოტო გავირუსდა და გახიტდა.

ერთმა ათს გადაუგზავნა, ათმა – ასს, ასმა – ათასს და ეპიდემიასავით მოედო ინტერნეტს.

აგერ, ჩემამდეც მოაღწია.

პირველად რომ ვნახე, ეგ გოგო გულწრფელად შემეცოდა… მაგრამ ფოტოს მალე გაგრძელებაც მოჰყვა, საიდანაც ნათელი გახდა, რომ ეს ყველაფერი ხუმრობა იყო.

მიშას გაეხუმრნენ.

ამის დამწერი მართლა გოგონა აღმოჩნდა, თუმცა მიშასგან არდაორსულებული. 🙂

არ ვიცი, იქნებ, მიშა მექალთანეა და ყველას უკვე ყელში ამოუყვანა.

ან, პირიქით, მეოჯახე და ცოლის ერთგულია და ამით დაიმსახურა სხვა ქალების გულისწყრომა.

ან, შეიძლება, ერთი ავი და ცოფიანი კაცია, თანამშრომლებს რომ მოსვენებას არ აძლევს.

ან – მიამიტი და კეთილი – ასეთები ხომ ყველაზე ხშირად ხდებიან ოხუნჯთა მსხვერპლნი.

არ ვიცი.

ერთი კი ნამდვილად ვიცი – მიშას კრეატიული და მხიარული ნაცნობები ყავს.

მიშას ცოლო, იძინე მშვიდად – ის ორსულად არ არის. 🙂
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___