Sex in USSR და გაშიშვლებული სტალინა

“საბჭოთა კავშირში სექსი არ არის!” – ამაყად განუცხადა ფილ დონაჰიუს რუსმა *კუხარკამ* ლიუდმილა ივანოვამ, თუმცა, იმ ტელეხიდის დროს დარბაზში რომ ჰიუ ჰეფნერი მჯდარიყო… (კი, კი – სწორედ ის ჰიუ ჰეფნერი, “დიადი და საზარელი”), სათქმელი ნამდვილად ექნებოდა. ვინ-ვინ და ჰეფნერი ხომ თავად დარწმუნდა შორეულ 1964 წელს, რომ “რკინის ფარდის” მიღმა იყო სექსი და მერე რა სექსი…

აგერ, ბატონო იმ წლის მარტის Playboy-ს ფოტოსესია “გოგონები რუსეთიდან და რკინის ფარდის მიღმა ჩარჩენილი სხვა ქვეყნებიდან” (The Girls of Russia and the Iron Curtain Countries).

Playboy-1964, cover

Playboy-1964, photo1Playboy-1964, photo2

დანარჩენი სურათები შეგიძლიათ იხილოთ აქ.

ფოტოსესიაში “ფლეიბოის” მოდელებად მონაწილეობა მიიღეს: ჩეხეთიდან: მსახიობებმა კარლა ხადიმოვამ და დანა სმუტნამ; პოლონეთიდან: მსახიობმა და ჟურნალისტმა ელზბიეტა სტუშინსკამ, მუსიკოსმა და მსახიობმა იოლანტა უმეჩკამ (გადაღებულია რომან პოლანსკის ფილმში “დანა წყალში”), მსახიობებმა ზოფია სლაბოშოვსკამ და ბეატა ტიშკევიჩმა (ანჯეი ვაიდას ყოფილი მეუღლე); იუგოსლავიიდან: სერბმა მსახიობებმა ბებე ლონჩარმა და მილენა დრავიჩმა (1962 წლის იუგოსლავიის საუკეთესო მსახიობი), ხორვატმა მომღერალმა და მსახიობმა დუნია დაიტერმა; საბჭოთა კავშირიდან: დიდი თეატრის რუსმა პრიმა-ბალერინამ ელენა რიაბინკინამ, ესტონელმა მსახიობმა ევე კივიმ, ტაჯიკმა ბალერინამ სტალინა აზამატოვამ (სახელი ხომ მაგარი აქვს და თან სტალინა სტალინაბადში დაიბადა. :))

გარეკანზე მართლაც ულამაზესი ჩეხი მსახიობი ოლგა სხობეროვაა (ფილმი “ჯო-ლიმონათი” გინახავთ? :)).

ფოტო-სესიას ხელმძღვანელობდა ლეგენდარული ჰერმან ლეონარდი – ერთ-ერთი ყველაზე ცნობილი ფოტოპორტრეტისტი მსოფლიოში. გატაცებული იყო ჯაზით და მრავალი გენიალური ჯაზმენის საუკეთესო ფოტო სწორედ ლეონარდის გადაღებულია.

როგორც ყოვეთვის, “ფლეიბოის” ეს გამოცემაც დამშვენებულია არა მხოლოდ ლამაზი ქალებით, არამედ ლამაზი აზრებითაც – მის ფურცლებზე შეხვდებით შესანიშნავ ფანტასტ ართურ ქლარქს, სოციოლოგ ელვინ თოფლერს და ჯინ ფოლ გეთის, რომელიც ყველა დროის ერთ-ერთი უდიდესი მეწარმე და მენეჯერი იყო.
Creative Commons License © Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

Playboy Magazine March 1964 [Paperback] შეიძინე ამაზონზე.

ესაც კიდო საბჭოთა მოდა ლიტერატორის თვალით.

Advertisements

20 thoughts on “Sex in USSR და გაშიშვლებული სტალინა

    • ზუსტად ეგრე – ჩამოვიდნენ – გააშიშვლეს. 😉
      ჰო, ხრუშჩოვის დროა. დათბობა დასავლეთთან.
      ხრუშჩოვის დროს შემოვიდა პეპსი-კოლაც საბჭოთა კავშირში. 🙂

      Like

    • ჰო… ვნახე ვიკიპედიაში – შემოდგომაზე მოუშრებიათ. ეს ნომერი კი მარტისაა – ასე რომ, შეიძლება ითქვას, ხრუშჩოვი ქალებს გადააყოლეს. :):)

      Like

  1. ნიკიტას საღოლ! და იმ ქალებსაც, ვინც ფლეიბოისთვის გადაღება გაბედეს 64-ში.
    მაგრამ რუსი, ესტონელი და ტაჯიკი და ქართველი ვერავინ ნახეს? საქართველოშ ლამაზი ქალები არ გვყავდა 64-ში?

    Like

  2. გამოხმაურება: Piquant Soviet Pin-Up « Molly Bloom's Day

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s