როგორ მსაჯობენ ქალები

ქალების ფეხბურთით გატაცებას სკეპტიკურად შევყურებ, მაგრამ მსოფლიოს სტადიონებზე ქალი მსაჯების გამოჩენას კი მივესალმები. განა იმიტომ, რომ ქალები უფრო ობიექტურად მსაჯობენ, მოუსყიდავები არიან ან ნაკლები შეცდომები მოსდით – ვფიქრობ, ეს ყველაფერი სქესის მიხედვით არ ნაწილდება, მაგრამ ქალ მსაჯებს ერთი დიდი უპირატესობა აქვთ – შოლტთან (ანუ წითელ-ყვითელ ბარათებთან) ერთად, მათ არსენალში თაფლაკვერიც მოიძებნება, სპორტსმენის წახალისება კი, ხშირად, დასჯაზე უმჯობესია.

აი, მაგალითად, ბერლინის “ჰერტას” ფეხბურთელმა, პეტერ ნიემაიერმა “ახენთან” თამაში კორექტულად ჩაატარა და საერთაშორისო კატეგორიის არბიტრმა ბიბიანა შტეინჰაუსმა (რომელიც, სხვათა შორის, ბუნდესლიგის ერთ-ერთ ყველაზე მომხიბლველ ქალ მსაჯადაა აღიარებული) Fair Play-სთვის მისი დაჯილდოება გადაწყვიტა, მაგრამ – როგორ? ტყუილ პენალტს ხომ არ დაარტყმევინებდა? არც ყვითლის საპირწონე მწვანე ბარათები შემოუღია ფიფას… მაგრამ ბიბიანამ ქალური ალღო და მიხვედრილობა გამოიჩინა და…

მას შემდეგ ბიბიანა შტეინჰაუსი რომ მსაჯობს, ის მატჩები უხეშობის გარეშე ტარდება და  ფეხბურთელები ტყავიდან ძვრებიან, ცდილობენ კორექტული თამაშით მაჯის კეთილგანწყობა დაიმსახურონ.

© Lord Vader. Stylish Blog.
საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.

___

ავტორი: Lord Vader

Not stupid, or inconsiderate. Not obnoxious, or violent, or boring, or annoying. Not a bad dresser, not unemployed, and not unhandsome, either. Still drive people mad sometimes. :) View all posts by Lord Vader