Остап наклонился к замочной скважине, приставил ко рту ладонь трубой и внятно сказал:
– Почем опиум для народа?
За дверью молчали.
Двенадцать стульев, И.Ильф, Е.Петров
ე.წ. ჩადგმებზე (Product Placement / Embedded Marketing) ერთხელ უკვე დავწერე – რომელიმე ფილმში გამოყენებული “რეკვიზიტი” (საათი იქნება, ნოუთბუქი, კალმისტარი, სათვალე, პერანგი… რაც გნებავთ), აგრეთვე, სხვა ანტურაჟი და გარემო – რესტორნის, სასტუმროს, მაღაზიის… როგორც წესი, შემთხვევით არაფერი ჩნდება – ეს ყველაფერი რეკლამაა. ძალიან ძვირადღირებული, მაგრამ ძალიან ეფექტურიც.
ამგვარი რეკლამებითაა გადახუნძლული “სექსი დიდ ქალაქში” (Sex and the City) ტელესერიალი და ახლა უკვე კინოფილმები. მე არ მინახავს (მელოდრამებს არ ვუყურებ და არც არანაირ სერიალებს, თუ არ ჩავთვლით “ქოლომბოს”, “პუაროსა” და “შერლოქ ჰოლმსს”):), მაგრამ ასე ამბობენ.
სთეფანი როზენბლუმი “ნიუ იორქ თაიმსიდან” დაინტერესდა, თუ რა თანხის გაღება მოგიწევთ, თუკი ფილმის გმირების გემოვნებას გამოედევნებით.
მაგალითად, თუ ქერი ბრედშოუს (Carrie Bradshaw) ჩაცმულობა გხიბლავთ, კრისტიან ლუბუტანის მაღალქუსლიან ფეხსაცმელებში 800, ჰალსთონ ჰერითაჯის საკოქტეილო კაბაში კი 350-400 დოლარის გაღება მოგიწევთ.
- Christian Louboutin – ფეხსაცმელების ფრანგი დიზაინერია. მიახლოებით ისეთივე საკულტო ფიგურაა, როგორც თათა ვარდანაშვილი.
- Halston Heritadge – ტანსაცმლის მწარმოებელი ამერიკული კომპანიაა.
შარლოთ იორქ-გოლდენბლათს (Charlotte York-Goldenblatt) დემოკრატიული გემოვნება აქვს – არცთუ ძვირი ლივაისის ჯინსი, DKNY პერანგები, და ნარცისო როდრიგეზის 800 დოლარიანი კაბა.
მირანდა ჰობისის (Miranda Hobbes) გველის ტყავის ჩანთა ნენსი გონსალესისგან 2’000 დოლარი დაგიჯდებათ.
- Narciso Rodriguez – კუბური წარმოშობის ამერიკელი დიზაინერია. არაჩვეულებრივი პარფიუმი აქვს. 🙂
- Nancy Gonzalez – ხელჩანთების კოლუმბიელი დიზაინერია. ამჟამად ნიუ იორქში მოღვაწეობს.
თუ სამანთა ჯონსის (Samantha Johnes) სტილი უფრო ახლოსაა თქვენთვის, ფათრისია ფილდის აბრეშუმის შარფი 120 დოლარად შეგიძლიათ, შეიძინოთ.
- Patricia Field – Sex and the City-ს სერიალისა და ფილმების კოსტიუმების დიზაინერია.
გარდა მაგისა, ფილმში “მონაწილეობს” მართლა ერთ-ერთი ყველაზე დახვეწილი გემოვნების დიზაინერის ოსკარ დე ლა რენტას ვარდისფერი კაბა, ვალენტინოს სამკაული, ვივიენ ვესთვუდის ქუდი, ივ სენ ლორანის ხელჩანთა (შარლოთ იორქ-გოლდენბლათი); ბილ ბლასის ქამარი, კრისტიან დიორის საყურე (სამანთა ჯონსი); ბრაიან ეთვუდის ფეხსაცმელი, ქელვინ ქლაინის სათვალე, ჯორჯო არმანის შარფი (ქერი ბრედშოუ); შანელის შარფი, თომ ფორდის მზის სათვალე, რალფ ლორენის ბლუზა (მირენდა ჰობისი) და სხვა უამრავი…
თუმცა, ამ ყველაფრის საბიუჯეტო არჩევანიც არსებობს – მაღაზიები Dillard’s, Asos, Victoria’s Secret, Alloy… გთავაზობენ ყველაფერ ზემოხსენებულის მსგავსს, მაგრამ – რამდენჯერმე უფრო იაფად. 🙂
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.
___
P.S.
ამ პოსტს ვამთავრებდი, როცა ისიც გავიგე, თუ რა უნდა დალიოთ, თუკი ამ სერიალის მოყვარული ხართ: Sex and the City Cocktails
P.P.S.
რამდენიმე მკითხველმა მითხრა, რატომ მარტო მამაკაცების ბრენდებზე, მოდაზე და დრეს-კოდზე წერო. გენდერულ თანასწორობას არღვევო. ჰოდა, აი ეს პოსტი მათ ეძღვნებათ. 🙂
Stylish Blog 
we all need a Mr.big 🙂
მანოლო ბლანიკი ამ სერიალის შემდეგ გახდა საოცრად პოპულარული 🙂
ფილმის პირველ ნაწილში LV რეკლამაა, კიდევ სთარბაკსის,მაქბუკის და სხვა …
LikeLike
ეგენი იმ სტატიაში არ ეწერა, თავად კიდე არ მინახავს 🙂
იმ ფილმის დედა ვატირე, სადაც ქიმ ქეთრალია ყველაზე ლამაზი 🙂
LikeLike
სექსშია ჯადოქარი, ლამაზის რა მოგხსენო :)ნუ გააცამტვერე ჩვენი “ბიბლია”
LikeLike
სხვებს ჯობია. 🙂
თორე მე რო გადამეღო ეგ ფილმი ითამაშებდნენ:
ჯოლი, იოვოვიჩი, ლივ თაილერი და ლიზ ჰარლი.
LikeLike
ასეთ რამეებზე ყურადღება მას შემდეგ გავამახვილე, რაც სტატია წავიკითხე რომ თურმე ლედი გაგას და ბიონსეს “ტელეპჰონე” -ში მთელი ასეთი ამბები ხდებოდა: საათი, სოც. ჩათი, რესტორანი, მანქანა და ა.შ.
სექსი დიდ ქალაქში ხო ფეშენია მთლიანად. და ალბათ “ეშმაკი ატარებს პრადას” აქაც იქნება მსგავსი გამოყენებები.
LikeLike
ყველგანაა 🙂
ჯეიმს ბონდიც ერთი დიდი “ფლეისმენთია”.
ქართველებიც ბაძავენ ნელ-ნელა 🙂
LikeLike
xo :))
LikeLike
Christian Louboutin – ფეხსაცმელების ფრანგი დიზაინერია. მიახლოებით ისეთივე საკულტო ფიგურაა, როგორც თათა ვარდანაშვილი.
OMG
ar gcxvenia vader? 😀 😀 😀
LikeLike
რა ჩემი ბრალია – სოციოლოგიური გამოკითხვა ჩავატარე და კითხვაზე – ფეხსაცმლის დიზაინერი დამისახელეთ-მეთქი ყველას ვარდანაშვილი გაახსენდა.
LikeLike
მადლობა ლინკისთვის 🙂
ლაბუტინის ფეხსაცმელები საოცრად მომწონს, 80%
რატომღაც საოცრად მოერგო ჩემს გემოვნებას
სხვა სამოსს რაც შეეხება – საერთოდ ეს სერიალი გემოვნების ეტალონად აღიარეს
და ახლა ალბათ ძალიან ბევრი დიზაინერი თავპირს იმტვრევს რომ მათი სამოსი ამ ოთხეულიდან რომელიმეს ტანზე აღმოჩნდეს
ნეტა ბოტეგა ვენეტაც ოცნებობდეს მისი კაბები ჩემს ტანზე აღმოჩნდეს 😀 😀 😀 😀
LikeLike
ეჰ, მაგეებს თუ ვდიე ხუთი ქმარი არ მეყოფა 🙂
LikeLike
ეხლა რამდენი გყავს? :):)
LikeLike
ბიუჯეტის კუთხით ვამბობ! 🙂
LikeLike
რაა კაცო ეს რა სათაურია.
მომატყუა.
😦
LikeLike
100% გეთანხმები!
🙂
LikeLike
ფილმი პირველი ძალიან კარგი გამოვიდა, კი რეკლამაა ყველაფრის გამოჩენა ფილმში (მაგ აუდის რეკლამაზე რომელი ფილმი გაგახსენდათ აბა მამაკაცებოო?) 🙂 მაგრამ მთავარია რომ რეკლამით რაღაცას არ უნდა ატენიდე მაყურებელს, არამედ როგორც უყურებს გაიქცეს და იყიდოს ზუსტად ეგეთი ან რაღაც მსგავსი მაინც 🙂 ძალიან შიკია, ძალიან გლამურია და სასიამოვნო საყურებელია (განტვირთვა), მეორე ფილმიც რაღაც ძალიან ფერადი ჩანს უკვე მხიბლავს პრომოებით :)))))
მე ბრედშოუს ჩაცმულობა მომწონს 🙂
LikeLike
Zalian saSACILOA RATOM unda mogindes mgavsi rameebi 😀
you have your own real life 😀
LikeLike
who needs real life anymore ?
LikeLike
ვაიმე ვაიმე.
კიდევ ეს მინდოდა ახლა მე…
წავალ თავს მოვიკლავ :((((((
LikeLike
შარლოტას სულაც არ აქვს დემოკრატიული გემოვნება ))) ძალიან ძვირფასი მწვანე კაბა ეცვა ბოლო ფილმში
Victoria’s Secret-ში კი, სამწუხაროდ, მიმსგავსებული ნივთებიც კი არ იყიდება
LikeLike
ჰო… სამწუხაროდ არც ფილმი მინახავს, არც სერიალი. მიმოხილვებს ვენდე 🙂
DKNY-დან როდრიგესამდე… დემოკრატიული თუ არა – უნივერსალური მაინც გამოდის. 🙂
სამაგიეროდ მაგარი თეთრეულია და ჩვენებები აქვთ ბომბა. 🙂 თავიანთი ანგელოზებით.
LikeLike
თან სერიალის და ფილმის დასრულების შემდეგ ეს ტანსაცმელები აჩუქეს 🙂 გავსკდი შურით .
LikeLike
აი-აი-აიი 😦 კაცს ამისთანა პოსტი დაგიწერია და ფილმი არ გინახავს, აი გამაოგნებელი ამბავია რა! არაა ქიმ ქეთროლი ყველაზე ლამაზი ქალი, ვინ მოგატყუა ერთი, პროსტა სექსის დედოსტატია, მაგრად ევასება კაცები. აი ეგ გამორჩეული შტრიხი აქვს მაგის გმირს. მოგეწონება ლორდ, დამიჯერე, შენ, რომელიც მოდაში და ფილმებში ერკვევი, ნუ სავარაუდოდ ქალებიც გეყვარება, იუმორი გევასება, აი არ შეიძლება რომ არ მოგეწონოს. იხალისებ, თან ძალიან ლამაზი ფილმია, მართლა, ჯერ მარტო მაგათი ყურება რად ღირს, ზემოთ რომ ჩამოგითვლია. ..
LikeLike
ყველაზე ლამაზი არაა მარა იმ სამს ჯობია 🙂 თორემ ეგრე მე ივა ლანგლორია მევასება. სხვა სერიალიდან, რომელიც ასევე არმინახავს. 🙂
LikeLike
უიმე, პიპას და შენ რა ერთნაირი რამე დაგიწერიათ 🙂
და მეც რა ერთნაირად გიპასუხეთ 🙂
LikeLike
აი ევა როგორ უნდა გევასებოდეს ეგ არ მესმის, მართლა. სასოწარკვეთილებში მიყვარს, კარგი როლი აქვს, მაგრამ ზოგადად არ ვაფასებ დიდად. გაშხმაკული ქალია რაღაცნაირი, შენთან ბოდიში მომითხოვია 🙂
LikeLike
ალბათ, არც არანაირი მიზეზი არაა, რომ მევასებოდეს. 🙂 სრულიად იმის საპირისპირო გარეგნობა აქვს, მე რომ მევასება ზოგადად, მარა… ხდება ხოლმე ამოუხსნელი პარადოქსები. 🙂
თან ზოგჯერ ძაან კაი ტიპია.
მიდი და ნუ დაგევასება.
LikeLike