ყველაზე პოლიტიკოსი ნაშები

პოლიტიკოსი, რომელიც გვიყვარს.
ჰო, გვიყვარს… ოღონდ, ისე კი არა, ჩვენ რომ ვიცით უსაშველო – ჯერ 96%-ით შეგვიყვარდება, გამოვალთ და მისი სახელის ყვირილს ვიწყებთ, მერე ხანი გამოხდება და 96%-ით მოვიძულებთ, გამოვალთ და: “გადადექი”, “ჩაუშესკუ” და “იუდა”…

ეგრე არა. აი, მართლა რომ შეგიყვარდება კაცს, ისეთი.

მაგალითად, როგორიცაა იტალიის თანასწორობის მინისტრი მარა კარფანია (Maria Rosaria Carfagna), ყოფილი მოდელი, პარტია “თავისუფალი ხალხის” წევრი.

ადრე იტალიელი მინისტრის ნახვა რომ მოგენდომებინა, 12 საათამდე წამლად ვერ იშოვიდი – სანამ გაიღვიძებდნენ, ესპრესოს დალევდნენ, ტირამისუს დააყოლებდნენ და სამსახურში ინებებდნენ მიბრძანებას… ახლა კი 6 საათიდან იკავებენ რიგს, რომ სხვებს დაასწრონ და კაბინეტის სხდომის დროს კარგი ადგილი დაიკავონ – მარა კარფანიას გვერდით.

ერთი წლის წინ  სილვიო ბერლუსკონიმ ასე თქვა – რა  ჯანდაბაა, ამ ევროპარლამენტში მისვლა აღარ მინდა, სულ მოჟამულ და მახინჯ სახეებს ვხედავო და დეპუტატებად რამდენიმე იტალიელი ლამაზმანი წარადგინა. მათ შორის იყო “იტალიელი ბარბი” ტელეწამყვანი და მსახიობი ბარბარა მატერა (Barbara Matera), რომელმაც არჩევნებში გაიმარჯვებაც შეძლო. ისიც მარა კარფანიას თანაპარტიელია.

ყველაზე საყვარელი რევოლუციონერი მსოფლიოში, ალბათ, პერუელი კონგრესმენი ლუჩიანა ლეონია (Luciana Milagros León Romero) პარტია “ამერიკის სახალხო რევოლუციური ალიანსიდან”. სექსუალური რევოლუცია პერუში, კარგა ხანია, მომხდარია, ახლა რა რევოლუციისთვის იბრძვის, არ ვიცი.

დემოკრატი ქეირი თორისი (Carey Torrice) მიჩიგანის შტატის მაქომბის საგრაფოს კომისიონერია. ყოფილი ჟურნალისტი და ტელე-წამყვანი უკვე მეორედ აირჩიეს ამ პოსტზე. პოლიტიკოსი კარგ ფორმაში რომ უნდა იყოს, ქეირი ამის საუკეთესო მაგალითს იძლევა.

მშვენიერ ფორმაშია ავსტრალიელი ლეიბორისტი ქეით ელისიც (Kate Ellis), ახალგაზრდობისა და სპორტის ყოფილი მინისტრი. ამჟამად – პარლამენტის წევრია.

მიქელა ბრამბილა (Michela Vittoria Brambilla) იტალიის ტურიზმის მინისტრის მოადგილე და პარტია “თავისუფალი ხალხის” დამფუძნებელია. ამბობენ, ბერლუსკონი თავის მემკვიდრედ ამზადებსო… მგონი, მომზადებულია უკვე.

თორაიშა ფერისი (Toiréasa Ferris) ირლანდიის  ქალაქ ქერის მერი და პარტია “შინ ფეინის” ქერის საგრაფოს თავმჯდომარე, პირველი ქალი-მერია ამ ქალაქის ისტორიაში. “შინ ფეინი” ირლანდიურად ნიშნავს “ჩვენ თვითონ” და საქართველოში ამ პარტიას პაატა დავითაია ხელმძღვანელობს.

ებრაელ მოდელს, ყოფილ სამხედრო მფრინავსა და, ამჟამად, ქნესეთის დეპუტატს პარტიიდან “ისრაელი ჩვენი სახლია” ორლი ლევის (Orly Levy) “ნიუსუიქმა” “ისრაელის სარა ფალინი” შეარქვა. ლევის პოლიტიკა გენებში აქვს –  ისრაელის ყოფილი საგარეო საქმეთა მინისტრის ქალიშვილია.

მაროკოულ-ალჟირული წარმოშობის რაშიდა დატი (Rachida Dati) ევროპარლამენტის წევრი, საფრანგეთის ყოფილი იუსტიციის მინისტრია და ერთგვარი ფრანგული პასუხი მარა კარფანიას. 🙂

ქართველი პოლიტიკოსები ვნუკოვოს აეროპორტში ტრაპიდან ჩამოვლენ თუ არა, ეგრევე ჟირინოვსკის ოფისში რომ გარბიან, განა მართლა ჟირინოვსკი ენატრებათ? ისინი მოსკოვში ლიბერალ-დემოკრატ მაშა მალინოვსკაიას (Мария Малиновская (Садкова)) სანახავად დაძვრებიან. ჩვენი მედია კიდე ტყემალზე ზის და ამ მექალთანეებს მოღალატეებოო უძახის…

ესტონელი მოდელი და მსახიობი ანა-მარი გალოიანი (Anna-Maria Galojan) დეპუტატობის კანდიდატი იყო ესტონეთის რეფორმისტული პარტიიდან, მუშაობდა ესტონეთის საგარეო საქმეთა მინისტრის მრჩევლად, ამჟამად ფულის გაფლნაგვაშია ეჭვმიტანილი და მის წინააღმდეგ ძიება მიმდინარეობს.

იუნის ოლსენი (Eunice Olsen) სინგაპურის პარლამენტის ყოფილი დეპუტატი, მოდელი და ტელე-წამყვანია… მამით ნორვეგიელია, დედით – კრეოლი.

“ფრანგი თეთჩერი” – ეკონომისტი საბინ ეროლდი (Sabine Herold) საფრანგეთის ლიბერტარიანული პარტიის “ლიბერალური ალტერნატივა” სპიკერია. პარლამენტში იყრიდა კენჭს, მაგრამ დამარცხდა. იმედია, მომავალ ჯერზე აირჩევენ.

დუჩეს შვილიშვილი და სოფი ლორენის დისშვილი ალესანდრა მუსოლინი (Alessandra Mussolini) ყოფილი მსახიობი და მოდელი, იტალიისა და ევროპარლამენტის დეპუტატია. ამჟამად ისიც პარტია “თავისუფალი ხალხის” წევრია (ისე, ეს პოლიტიკური პარტიაა თუ იტალიელ კეთილშობილ ლამაზლანთა ნავთსაყუდელი, ვერ გავიგე…).

კიდევ ერთი პოლიტიკოსი, რომლის წინააღმდეგ საქმეა აღძრული და გამოძიება მიმდინარეობს უკრაინელი იულია ტიმოშენკოა (Юлія Тимошенко).  მას დიდი წარდგენა ჩვენთან არ ჭირდება… ფეხები არ უვარგა. იმჰო. 😦

ისევ კარგი ნაცნობი – ყოფილი მოდელი, ალიასქის შტატის ყოფილი გუბერნატორი და ვიცე-პრეზიდენტობის ყოფილი კანდიდატი, რესპუბლიკელი სარა ფალინი (Sarah Palin).

იყო და არა იყო რა, ღვთის უკეთესი რა იქნებოდა, იყო არგენტინაში ეგეთი პრეზიდენტი ნესტორ კირშნერი… ჰოდა იყო, იყო, იყო და გაუვიდა ბოლოს პრეზიდენტობის ვადა.

ბევრი ეხვეწნენ არგენტინელები – რა გეჩქარება შე კაცო, დაიცადე პატარა ხანსო, მაგრამ ცივ უარზე დადგა – არაო. მეყო ახლა მეო. წავედიო მოკლედ…

საგონებელში ჩავარდნენ არგენტინელები. იფიქრეს, იფიქრეს და ეშმაკური სვლა მოიფიქრეს – პრეზიდენტ კირშნერის მაგივრად მისი ცოლი კრისტინა ფერნანდესი (Cristina Elizabet Fernández de Kirchner) აირჩიეს პრეზიდენტად.

ჰოდა, ნესტორაც რაღას იზამდა ახლა – ცოლს მარტოს ხომ არ მიატოვებდა ამ გაჭირვებაში? და დარჩა ისიც იქვე, შორიახლოს.

P.S.

ქართველებმა ყველანაირი არჩევანი ხომ ვცადეთ? ყველაზე ეროვნულის. ყველაზე მსოფლიო პოლიტიკოსის. ყველაზე ახალგაზრდის და ენერგიულის. ვცადოთ ახლა ყველაზე ლამაზის, რა იქნება?

ოღონდ, ნანკა კალატოზიშვილის – არა. გემოვნების ამბავია, მაგრამ სიტყვათწყობაზე “ყველაზე ლამაზი ქართველი ქალი” მე პირადად მაკა ასათიანი მახსენდება და მაკა რომ მახსენდება, სხვას მერე ვეღარვის ვიხსენებ. 🙂 ქვეყანას ამით არც არაფერი ეშველება, მაგრამ ყველაზე ლამაზი პოლიტიკოსების სიის სათავეში ხომ მოვექცევით?

*****

BONUS

2007 წელს ბელგიის სენატის დეპუტატობის კანდიდატი პარტიიდან “არა” (Nee) ტანია დერვო (Tania Derveaux) ყოველი ხმისთვის ორალურ სექსს შეჰპირდა ამომრჩევლებს. ეს იყო სატირა კონკურენტი პარტიების საარჩევნო კამპანიებზე, რომლებიც ამომრჩევლებს სამუშაო ადგილებს ჰპირდებოდნენ. მე ვერ გპირდებით სამუშაო ადგილებს (jobs), – ამბობდა ტანია, – სამაგიეროდ, შემიძლია, მინეტს (blowjob) შეგპირდეთო.

არ აირჩიეს.

ქართველები – ავირჩევდით.
© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:
ყველაზე ფანტასტიკური ნაშები