ყველაზე შიშველი სტიუარდესები მსოფლიოში

ყოფილხართ ესპანეთში? გიფრენიათ Air Comet-ის თვითმფრინავით? მე – არა.
არც თქვენ?
ჰოდა, უკვე გვიანაა. ვეღარც იფრენთ, ვინაიდან ავიაკომპანია გაკოტრდა.
გაკოტრდა და სტიუარდესების 9 თვის სახელფასო დავალიანებამაც თქვენი ჭირი წაიღო…
პროფ-კავშირებმა და სასამართლომ რომ ვერაფერი გააწყო და დავალიანება გადაუხდელი დარჩა, გოგონებმა ტანთ გაიხადეს და nude-კალენდრისთვის გადაიღეს. ყურადღება მოგვაქციეთო…

Vodpod videos no longer available.

გაკორტებული ავიაკომპანიის მესვეურებისა არ ვიცი და დანარჩენი მამაკაცების ყურადღება ნამდვილად მიიპყრეს.
მათი ფოტოებით აჭრელებულია მსოფლიო მედია და CNN-ზეც კი დაუთმეს დრო.
ნამდვილად ღირდა.
Air Comet-ს მომხიბლველი სტიუარდესები ყოლია. 🙂

კალენდრის ფასი 15 ევროა.

ისე, აქამდე რომ გადაეღოთ ესეთი ფოტოები, ეგებ კლიენტურა არ მოკლებოდათ და არც გაკოტრებულიყვნენ?

ავია-კომპანიების თანამშრომელთა შიშველი თუ ნახევრად-შიშველი სარეკლამო ფოტო-სესიები ხომ ჩვეულებრივი ამბავია. მაგალითად 2008 წელს ბრიტანული Ryanair-ის სტიუარდესების კალენდარი გამოვიდა. ჰოდა, დღემდე დაფრინავენ მშვენივრად და მგზავრების სიმცირეც არ აწუხებთ.
მშვენიერი თანამშრომლები ყავთ. თბილისში რომ დაფრინავს BMA იმაზე ბევრად უკეთესი!

2009 წელს კი  სარეკლამო სააგენტო 99 Auckland-მა Air New Zealand-ის დაკვეთით დაამზადა სარეკლამო კლიპი, რომელშიც თავად ავიაკომპანიის თანამშრომლებმა მიიღეს მონაწილეობა, კომპანიის აღმასრულებელი დირექტორის ჩათვლით – ყველა მათგანი შიშველია, მხოლოდ ბოდი-ფეინთი უფარავთ სხეულს.

“ჩვენ არაფერი გვაქვს დასამალი და ყველაფერი გამჭვირვალეა, ამიტომ ჩვენი კლიენტები სრულად იღებენ ყველაფერს, რის საფასურსაც იხდიან” – ასეთი მარტივია ამ რეკლამის იდეა, რომელსაც შესაფერისი საუნთრექიც მიყვება – “ჩემს კანქვეშ” (Under My Skin) ახალზელანდიელი მომღერლის ჯინ ვიგმორის (Gin Wigmore) შესრულებით.

Vodpod videos no longer available.

რეჟისორი: ქევინ დენჰოლმი (Kevin Denholm, Exposure Films)

P.S.

“აირზენა” კი წუწუნებს – არიქა, კონკურენტებისგან დაგვიცავითო.
მეტი კრეატივი, მეგობრებო!!!

© Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___