დეივიდ ბექჰემის ოქროს ბურთები

დეივიდ ბექჰემი, რომელიც ერთ დროს მანჩესთერ იუნაითედსა და მადრიდის რეალში თამაშობდა, შემდეგ ლოს ანჯელეს გელექსიში გადავიდა და ახლა კი მილანშია განათხოვრებული, იტალიით და იტალიელებით ფრიად აღფრთოვანებულია. შემთხვევას არ უშვებს ხელიდან, ის არ მოყვეს, თუ როგორაა შეყვარებული ის იტალიაზე, როგორი სტუმართმოყვარე ხალხია იტალიელები,  როგორი დიდი პატივი იყო მისთვის სილვიო ბერლუსქონიმ რომ სადილზე მიიწვია, როგორ თბილად შეხვდნენ მის “მილანში” გამოჩენას მილანელები, როგორი პატივისცემით ხვდებიან ფეხბურთელს ყველგან, სადაც კი გამოჩნდება…

ამ ორიოდ კვირის წინაც ბექჰემი, ჩვეულებისამებრ, ქათინაურებში დაიღვარა იტალიელი ჟურნალისტების წინ და ის იყო, იტალიელი ხალხის სტუმართმოყვრობაზე დაიწყო ლაპარაკი, რომ ცნობილმა რადიო-ტელეწამყვანმა ელენა მარია იდა დი ჩიოჩიომ არ აცია და (უკაცრავად თავანკარა ქართულის დაცვის ლიგის პრეზიდიუმთან) პირდაპირ ყვერებში სტაცა ხელი.

ბექჰემის ყვირილზე დაცვა, კარაბინერები, კომისარი კატანი და ვიქთორია ბექჰემი მოვარდნენ და, როგორც იქნა, ვარსკვლავბიჭუნა ჟურნალისტის რკინის მჭიდიდან დაიხსნეს.

ელენა დი ჩიოჩიომ თავისი საქციელი სიტყვის თავისუფლების პრინციპებითა და საზოგადოების ინტერესით გაამართლა. “ვიქთორია ბექჰემი მეუღლეს “ოქროს ბურთებს” უწოდებს – საზოგადოებას უფლება აქვს, იცოდეს, რამდენად შეესაბამება ეს მეტსახელი სიმართლეს”, – განაცხადა ჟურნალისტმა, – “პირადად ჩემზე ამ ზომებმა შთაბეჭდილება ვერ მოახდინეს… მათ პატარა… თუ მაინცადამაინც, შეგვიძლია, სტანდარტული ვუწოდოთ.” სიუჟეტი მის მიერ ჩატარებული ჟურნალისტური გამოძიების შესახებ ტელეკომპანია Italia Uno-ს გადაცემა Le Iene-ს ეთერით გადაიცა… სხვათა შორის, ეს ტელეკომპანია სილვიო ბერლუსკონის ეკუთვნის, ბერლუსკონის კი სურს, იტალიის ნომერ 1 მაჩო იყოს, ასე რომ ბექჰემის ჩამოლაბორანტებით პირადად ის ფრიად კმაყოფილი უნდა დარჩენილიყო.

თავად ფეხბურთელი საჯარო კომენტარისგან თავს იკავებს…

ისე, არც ელენა უქნია დიდად ღმერთს (ბევრად უფრო ლამაზი იტალიელი ქალებიც გაგვიგია და გვინახავს), მაგრამ ორი ფიცარი როა შეწებებული და ფოშ (თუ რა ჯანდაბაა) სფაისი ქვია, იმას კი ჯობია.

David Beckham ‘victim of sex assault’ after testicle squeezing stunt

© Lord Vader. Stylish Blog.
საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.

___
ელენას ბლოგი

P.S.

ვისაც ბექჰემთან “დაჭიდება” სურს, შეუძლია, ელენას ფეისბუქში მიმართოს ტესტირების დასანიშნად Elena Di Cioccio FB profile (ოღონდ, გაითვალისწინეთ, რომ მის მოსაცდელში “ავატარზე” უფრო დიდი რიგია:))