გასული წლის მიწურულს კომპანია Lacoste-მა წარმოადგინა პოლოების საკოლექციო ნიმუშები, რომლებიც თანამედროვეობის ერთ-ერთი ყველაზე ცნობილი ბრაზილიელი დიზაინერების ფერნანდო და უმბერტო კამპანასთან (Fernando & Humberto Campana) თანამშრომლობის შედეგია.
კოლექცია ექსკლუზიურია. სულ 125-125 ცალი პოლო ქალისა და მამაკაცისთვის, პლუს განსაკუთრებულად შეზღუდული რაოდენობის 12-12 ცალი პოლო ქალისა და მამაკაცისთვის, რომლის ფასიც დაახლოებით 20’000 აშშ დოლარია. ამონაგები მთლიანად საქველმოქმედო მოზნებისთვისაა განკუთვნილი და ნიანგების დაცვას მოხმარდება (Lacoste მონაწილეობს კამპანიაში “იხსენი შენი ლოგო”, რომელიც ბუნების დამცველი ორგანიზაციის Noah World-ის ინიციატივით დაიწყო), სწორედ ამიტომ, კოლექციის პირველ გამოფენას პარიზში გარემოს დაცვის სამინისტრო მასპინძლობდა.
უმბერტო კამპანა განათლებით იურისტია, თუმცა ამ პროფესიას უფრო მშობლების თხოვნით დაეუფლა, თავად კი ბავშვობიდანვე ხატავდა და სკულპტურით იყო გატაცებული. ინსტიტუტის დამთავრებისთანავე იურისტის დიპლომი უჯრის სიღრმეში მოათავსა და მას შემდეგ აღარ გახსენებია, სამაგიეროდ, სან პაულუში პატარა საიუველირო სალონი გახსნა და ძვირფასი მეტალისგან კალათების დაწვნა და სხვა ნაკეთობათა დამზადება დაიწყო. მისი პირველი კლიენტები ნაცნობ-მეგობრები იყვნენ, მაგრამ მალე ახალგაზრდა დიზაინერის სახელი გაცდა ამ ვიწრო წრეს და მისი ნაკეთობის შესაძენად ხალხმა სხვა ქალაქებიდანაც კი დაიწყო ჩამოსვლა. საქმის გაფართოებისა და უკეთ გამართვის მიზნით, უმბერტომ დახმარება ძმას, ფერნანდოს თხოვა და მას შემდეგ, უკვე მეოთხედი საუკუნეა ძმები ერთად მუშაობენ.
ძმები კამპანას სტუდია (Estudio Campana) სხვადასხვა კრეატიული პროექტების განხორციელებაზე მუშაობს მსოფლიოში, დაწყებული სკამების დიზაინიდან და თვითმფრინავების მოხატვით დამთავრებული. სხვათა შორის, ფიფასა და ბრაზილიის ფეხბურთის ფედერაციასთანაც თანამშრომლობენ სხვადასხვა საერთაშორისო ტურნირებისა და უპირველესი ტურნირის – მსოფლიო ჩემპიონატისთვის განკუთვნილი ბურთის დიზაინზე მუშაობის ჩათვლით… ვინც ფეხბურთი იცის, დიდი ახსნა-განმარტება არ სჭირდება, რას ნიშნავს ბრაზილიელისთვის ეს ამბავი. 🙂
მათი ნამუშევრები ლონდონისა და ნიუ იორქის გალერეებში, პარიზის პომპიდუს ცენტრში, ვეილის მუზეუმსა და იტალიის არაერთ გალერეაშია წარმოდგენილი (“კამპანას სტუდია” იტალიაში განსაკუთრებით პოპულარულია, სადაც ძმები რამდენიმე კომპანიასთან თანამშრომლობენ, რომელთა შორისაცაა ავეჯის მწარმოებლები Edra, 2009 წლის პრესტიჟული Design Plus ჯილდოს მფლობელი Alessi, და, აგრეთვე, სანათი საშუალებების მწარმოებელი FontanaArte – ბოლო ორს, სხვათა შორის, თბილისშიც ყავს დილერი).
2007 წელს Lacoste-მა პოლოს ასევე ექსკლუზიური კოლექცია დაუკვეთა ცნობილ ინგლისელ დიზაინერს, მაიქლ იანგს (Michael Young), რომელიც ბრიუსელსა და რეიქიავიქში მუშაობს. სწორედ იანგმა შესთავაზა ფრანგულ კომპანიას 2009 წლის პროექტისთვის ძმებ კამპანას დაქირავება.
Lacoste-ის წარმომადგენლები სან-პაულუში ჩაფრინდნენ და Estudio Campana-ს ეწვივნენ. მოლაპარაკებები წარმატებით დასრულდა და შედეგი კი – ფოტოებზეა.:)
ფრანგული მხარე ამ შედეგით კმაყოფილი დარჩა. რაც შეეხება ძმებს, მათი თქმით, “ლაკოსტის პოლო ბავშვობიდან ეცვათ, ამდენად, ის მათი ნაწილიცაა. მათი წარსულის ნაწილი.”
2009 წლის განმავლობაში კოლექცია მსოფლიოს უამრავ ქალაქში იყო წარმოდგენილი. აი, როგორ ემზადებოდა მოსკოვი მის შესახვედრად… (მოსკოვის ვიდეოს იმიტომ ვდებ, რომ მაგ ვიდეომ გამაბრაზა, თორემ პარიზსა და ნიუ-იორქს რას ვერჩი და არც მშურს).
© Lord Vader. Stylish Blog.საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით და მხოლოდ არაკომერციული მიზნებით. This work is licensed under a Creative Commons Attribution-NonCommercial 3.0 Unported License.
___
P.S.
ერევანში (ჯერ) არ ჩაუტანიათ. 😉
ასევე:
ყველაზე ცნობილი ნიანგი მსოფლიოში
Be Genuine: “ლაკოსტის” პერანგი-პოლო
Stylish Blog 
moskovis videom ratom gagabraza?medlenno no verno moskovi ikavebs sapatio adgils parizis, londois, new-yoorkis, singapuris da sxva moduri qalaqebis gverdiT, ara?
LikeLike
რავი ყოფილ სსრკ-ში ყველაზე საუკეთესო პერფორმანსები, სასტუმროები, სტადიონები, გზები და რესტორნები საქართველოშიაო და…
არა?
არადა თუნდაც მინსკში რა კონცერტები ტარდება და რა ხალხი ჩადის ეგ რო დავწერო… 😦
LikeLike
მინსკი ევროპაა და… არადა მაგრა გული მწყდება, მართლა ისეთი კონცერტები ტარდება, რომ მეც სიამოვნებით ვიყიდდი ბილეთს. ჩვენთან კიდევ უფასო და ნისია ფონოგრამშიკები მღერიან ისიც მხოლოდ ახალწლებზე 😦
LikeLike
ევროპა ეძახე და ერთი დიდი კოლხოზია. 🙂
მარა ტავთ ხალხი, ვინც თავი მოაბა ამ მაბავს.
ფროდიჯი, რეინბოუ, რამშთეინი ჩადის, ელის ქუფერი…
ნუ მე რისიც ყველაზე ძაან მშურს -კარგი ბლუზ-ფესტივალი ტარდება ბელორუსიაში.
P.S. კეთილი იყოს შენი თვალი ჩემს ბლოგზე 🙂
LikeLike
“P.S. ერევანში (ჯერ) არ ჩაუტანიათ. ”
როგორ გამორჩათ? 🙂
LikeLike
ახლა წაიკითხავენ ამ პოსტს და ჩაიტანენ ჩვენ ჯინაზე 🙂
მით უმეტეს რომ რუსეთის წარმომადგენლობამ ერევანში გახსნა მაღაზიაც.
LikeLike
ცუმის ვინტრინების შარშანდელი გაფორმება მაქვს ნანახი, საახალწლოდ გაკეთებული, მსგავსი სილამაზე არ ვიცი 🙂
ეხლა მოსკოვს და სანქტ-პეტერბურგს დეპეშ-მოდი სტუმრობს, თუ 1 კვირაში ჩადის.მოკლედ ცხოვრება დუღს და გადადუღს, პრინციპში დიდი ფულია, რატომაცა არა
LikeLike
რუსეთში მხოლოდ ერთი ფენა ცხოვრობს
დანარჩენი ისევ იმ დონეზეა დარჩენლი სსრკ რომ იყო
ზატო ის ერთი ფენა და მათზე გათვლილი სერვისი გადადუღს
ამ ბოლო დროს მინაევს მივეწებე და ძალიან კარგად წერს ეგ ადამიანი
ხოდა მეც კარგად ვარ ინფორმირებული 🙂
LikeLike
ეხლა გამახსენდა, ჩვენს ლაკოსტას რა მოუვიდა?რატომ დახურეს?
LikeLike
იმიტომ რომ “მეიდ ინ ლილო”-ს კონკურენცის ვერ გაუძლო. 🙂 თუმცა, ნაღდი და ფეიქი ისე განსხვავდება, როგორც ცა და დედამიწა 🙂
მეორე ისაა, რომ Lacost-ს მრავალფეროვნება უყვარს და ქართველებს კი შავი ფერი. 🙂
საერთოდ ეგ ძალიან კარგი სასტავია (მექსი, ბენეთონი, მანგო…) მფლობელები და არაფერი ცუდი არ მინდა ვთქვა, მაგრამ, ჩემი აზრით, სერიოზული შეცდომები დაუშვეს მაგ ბრენდთან დაკავშირებით. ძალინ პატარა სარეკლამო ბიუჯეტი ქონდათ და არ შეუქმნეს ის იმიჯური დონე ბაზარზე რაც საჭირო იყო.
ისე ჩვენ უნიკალური ქვეყანა ვართ. Lacoste კი არა ჩვენთან Playboy კი გაკოტრდა. 🙂
LikeLike
kookai-ს დაკეტვას ველი :(არ მგონია გაქაჩოს, არა და კარგი მაღაზიაა. zara-ც აუღებელი ციხესიმაგრე გახდა ჩვენთვის.
მეორე ისაა, რომ Lacost-ს მრავალფეროვნება უყვარს და ქართველებს კი შავი ფერი.
იმიტომ იყიდება ნა ურა, არმანის მამაკაცების კოლექცია თბილისში 🙂
LikeLike
ზარას ამბავი უცნაური იყო. არ იყო ძვირი და თან სულ ფასდაკლება იყო რაც გახსნეს და ბოლოს მაინც ვერ გავედით გაყიდვების იმ დონეზე რაც გვინდოდაო და დახურეს.
სამაგიეროდ ქარდენმა დაიწყო ძაან კარგად.
არმანი ბლექ ლეიბელ 🙂
მაგრამ ჩემი პროგნოზით http://virtualcollector.blogspot.com/2010/01/21.html ამ საუკუნის ბოლოს შავ ფერს და “დოლ’ჩე და გაბან’ას” საბოლოოდ ვეტყვით უარს.
LikeLike
ხო, რა მინდოდა მეკითხა, ვიშლისთს მომავალი წლისთვის სანტა წაიკითხავს შენს ბლოგზე?
https://lifestylebox.wordpress.com/2010/01/04/2009-xmas-gifts/#comments
გამითვალისწინოს 🙂
LikeLike
ფლეიბოი იმიტომ დაიხურა, რომ ვერავინ ნახეს, ვინც გაიხდიდა, მაგრამ ჩაცმა მაინც ხომ გვიყვარს? 🙂
LikeLike
საქართველოში ჩაცმაც და გახდაც ერთნაირი პრობლემაა. 🙂
არ უშვებს ეს ოხერი იმ რაოდენობით მუქი ფერის ტანსაცმელს საქართველოს რომ ეყოს და რა ქნას 🙂
ამიტომაც დაიხურა.
LikeLike
კალხოზი ეძახე და გეოგრაფიულად ევროპაა და ეს ძალიან ბევრს ნიშნავს. ამას ემატება ერთმორწმუნე თუ ერთენაზე მოლაპარაკე მონათესავე ხალხების დიდი სივრცე და თუ კაცს თავში ტვინი გაქვს ბიზნესის კეთებისთვის დიდი სივრცეა.
LikeLike
Lordis usayvarlesi Lacoste 🙂
LikeLike
წადი და პასუხი დამიწერე ჩემს ბლოგზე ჩემს შეკითხვაზე 🙂
LikeLike