ჩამოლაბორანტებული ბიზნეს-სტილი

ოფისების გათავისუფლება მუქი ფერის კონსერვატიული კოსტიუმებისგან – ამერიკული მოდის დამსახურებაა. დღეს ამერიკული ოფისების თანამშრომელთა დიდი ნაწილი უპირატესობას ყოველდღიურ და ნაკლებფორმალურ ბიზნეს სტილის (business-casual, semi-forml business style) ანიჭებს. საგანგებო ტრმინიც კი გაჩნდა: Downgraded business-style (ანუ ჩვენებურად – “საქმიანი სტილის ჩამოლაბორანტება”).

როგორ უნდა ჩამოვალაბორანტოთ საქმიანი სტილი, ისე, რომ ამით თავად საქმე არ დავაზარალოთ?

იმ დღეებში, როდესაც მნიშვნელოვანი საქმიანი მოლაპარაკებები, რაიმე ბიზნეს-შეხვედრა იგეგმება, როგორც წესი კოსტიუმი და ჰალსტუხია სასურველი, მაგრამ ამ შემთხვევაშიც შესაძლებელია, გავამრავალფეროვნოთ სამოსი, რომ ნაკლებად ცერემონიალური იერი გვქონდეს.

mens_business_casual_style_01_checks პირველი, რისი გაკეთებაც შეიძლება – ტრადიციული მუქი ლურჯი, ნაცრისფერი და შავი კოსტიუმის ჩანაცვლება მომწვანო, ჭაობისფერი ან უფრო ღია ნაცრისფერი, ღია ლურჯი ფერის კოსტიუმით.

შესაძლებელია შევარჩიოთ მოვარდისფრო, კრემისფერი ან ცისფერი პერანგი-ოქსფორდი. ან პერანგი მომცრო და საშუალო ზოლებით. ნახატებიანი ჰალსტუხი (გეომეტრიული და სხვა ფიგურები, ცხოველები…), ჟილეტის ნაცვლად – გულამოჭრილი სვიტერი (V-neck sweater).

კიდევ უფრო მეტი არაფორმალურობისთვის შესაძლებელია კოსტიუმის ჩანაცვლება სპორტული (უკეთესია ფლანელი, ბუკლე, ტვიდი…) ან ველვეტის ქურთუკით.00004f

ამგვარ ქურთუკთან კი ჰალსტუხს სულ იოლად ჩავანაცვლებთ კაშნეთი, პერანგ-ოქსფორდს – პერანგ-პოლოთი ან როლინგით.

ასეთ ქურთუკს შესანიშნავად მიესადაგება ჯინსის შარვალი. თუ ჯინსი მეტისმეტად სპორტულად მოგეჩვენათ – იდეალურია  ხაკი.

ფორმალური “ოქსფორდული” ფეხსაცმელი – შევცვალოთ რამე უფრო რბილი და მოსახერხებელი ფეხსაცმლით (მაგალითისთვის, გამოდგება – bucks).

დაბოლოს, შეიძლება კიდევ უფრო შორს წავიდეთ და საერთოდ უარი ვთქვათ ქურთუკზე და ის  კარდიგანით (უკეთესია – მუქი ფერის შალის/ქაშმირის) ჩავანაცვლოთ. სურვილის შემთხვევაში, კარდიგანის daniel-craig-james-bond-5nov08-ncქვეშ ჰალტუხის გაკეთებაც შეიძლება, თუმცა, იდეალური იქნება კაშნე.

კარდიგანის შემთხვევაში, პერანგის მორგებას განსაკუთრებული მნიშვნელობა ენიჭება – სასურველია, შევარჩიოთ მაღალი ხარისხის ბამბის მატერიისგან შეკერილი და ღია ფერისა, რომ კარდიგანის ფერთან საკმარისი კონტრასტი შექმნას. პერანგი-პოლო ამ შემთხვევაში, ცხადია, არ გამოდგება.

რამდენადაც კარდიგანი ქურთუკი არ არის, ის შარვლის არჩევისას დიდ თავისუფლებას გვაძლევს – ეს შეიძლება იყოს, როგორც ფორმალური ყაიდის შარვალი, ასევე, ნაკლებფორმალური, ვთქვათ – ხაკი, მთავარია, ფერები შევახამოთ სწორად. იგივე ითქმის ფეხსაცმელზეც – ტყავის “ბლიუხერებიდან” დაწყებული ზამშის ფეხსაცმლამდე – ყველაფერი გამოდგება.
Creative Commons License © Lord Vader. Stylish Blog. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

___

ასევე:
ყოველდღიური (Casual) სტილის ანბანი

ამბავი ხუთ შარვალზე

ამბავი ხუთ ქურთუკზე

Advertisements

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s