Blog Archives
როდესაც ქალი ჩამოჰგავს ნიანგს…
მე ის მიყვარს 
კატრინ მალანდრინო (Catherine Malandrino) ფრანგი დიზაინერია, ძალიან ნიჭიერი, ლამაზი და წარმატებული. ის მხოლოდ ქალებისთვის ქმნის, ამიტომ, უცნაურია ახლა მასზე რომ ვწერ, მაგრამ, ჯერ ერთი, კარგა ხანი ველოდე ქალების მოდაზე მოპოსტავე ბლოგერებს და ვითომც აქ არაფერიაო, მალანდრინოზე კრინტს არ ძრავენ, მეორეც, კატრინ მალანდრინომ შექმნა საზაფხულო კოლექცია “ლაკოსტისთვის”, “ლაკოსტი” და ჩემი ბლოგი კი განუყრელი მეგობრები არიან.
კოლექცია (რაც ჯერ-კიდევ დარჩა გასაყიდად 
) შეგიძლიათ, იხილოთ:
რევოლუცია “ფრეფი”- სნობები სნობების წინააღმდეგ
ამბოხის თეორია
ჯონი ოქროს ბიჭუნა იყო. პრესტიჟულ სასწავლებელში სწავლობდა, უიქ-ენდებზე გოლფს თამაშობდა, მამის იურიდიულ ფირმაში მუშაობის დასაწყებად ემზადებოდა და კოლეჯის გამოსაშვები საღამოს დედოფალზე აპირებდა დაქორწინებას… მანამ კი დეიდა ესთერის დაბადების დღეზე უნდა წასულიყო.
დეიდა ესთერს განსვენებულმა მეუღლემ სამი ქარხანა, ორი იახტა და პატარა კუნძული დაუტოვა სადღაც წყნარ ოკეანეში. დეიდა ესთერს შვილები არ ჰყავდა და სურდა, თავის მემკვიდრედ ჯონი გამოეცხადებინა.
ჯონი წვერის გასაპარსად მოემზადა, მაგრამ გადაიფიქრა – თეთრი პერანგი მოიცვა, ჰალსტუხი გაიკეთა, წინდაწინ მომზადებულ, კლასიკურ შავ კოსტიუმში გამოეწყო… შემდეგ უჯრიდან “ლაკოსტის” საყვარელი პოლო გამოიღო, ზედ პიჯაკზე გადაიცვა და ასე გამოწყობილი წავიდა დეიდა ესთერის წვეულებაზე.
ასე დაიწყო ფრეფი-რევოლუცია – სნობების ამბოხი სნობების წინააღმდეგ. 
Vineyard Vines – ჰალსტუხიანი ვეშაპი
Our idea is to make products that people feel good in.
Ian Murray, “Vineyard Vines”
1998 წელს ძმებმა შეფ და იან მიურეიმ (Shep and Ian Murray) გადაწვიტეს ბაზრისთვის იმგვარი ტანსაცმლის შეთავაზება, რომელიც იქნებოდა სადღაც შუაში ყოველდღიურ (casual) და ფორმალურ სტილს შორის – ამდენად, ორივე შემთხვევისთვის გამოდგებოდა.
მათი აზრით, საოფისე სამოსი ტრადიციულთან შედარებით, მეტად ხალისიანი უნდა ყოფილიყო – ისე, რომ სარკეში ჩახედვისას, ადამიანს გახსენებოდა, თუ რისთვის შრომობს.
თავად ახალბედა დიზაინერების შთაგონების წყაროდ – მათ მიერ კუნძულ მართას ვინიარდზე (Martha’s Vineyard) გატარებული არაჩვეულებრივი და მხიარული დღეები იქცა – აქედან დაიბადა კომპანიის სახელწოდებაც – Vineyard Vines (ქართულად ითარგმნება, როგორც ვენახის ვაზი)
. ხოლო, რაც შეეხება ლოგოს – ეს მათი მამის დამსახურებაა, რომელსაც ძალიან უყვარდა ვეშაპები და ჯერ კიდევ ბავშვობისას, ხშირად ხეზე კვეთდა მათ გამოსახულებას.
Fashion Bazaar
მომეცით საკმარისი ფული, ნუ შემიშლით ხელს და მთავარ სანიტარულ ექიმსაც კი დავარწმუნებ, მკვდარი კატების პარტია შეიძინოს.
“მეექსვე კოლონა”, რობერთ ჰაინლაინი
თანამედროვე მოდა დიზაინერთა და მარკეტოლოგთა ერთობლივი შემოქმედების პროდუქტია და ცალკეულ შემთხვევაში, ნამდვილად არაა იოლი, იმის თქმა, ვისი წილია ერთმნიშვნელოვნად მეტი…
ანგლო-საქსური, ბუნებით დემოკრატიული და საყოველთაო მოდის გაბატონებამ მსოფლიოში, ერთის მხრივ და ამასთან დაკავშირებულმა მოდის ინდუსტრიის გლობალიზაციამ და უნივერსიალიზაციამ, მეორეს მხრივ, სწორი მარკეტინგური სტრატეგიის, ბაზრის ზუსტი სეგმენტირების, მიზნობრივი მომხმარებლების გამოკვეთისა და მათზე სწორი ფოკუსირების როლი იმდენად გაზარდა, რომ ძლიერ მარკეტოლოგთა გუნდის ყოლა ნებისმიერი მოდის სახლისთვის, ლამის, საუკეთესო დიზაინერის ყოლის ტოლფასია.
მოდას მრავალსაუკუნოვანი ისტორია აქვს, მაგრამ ფეშენ-ბრენდების მარკეტინგული მართვის გამოცდილება დაახლოებით 100 წელს მოიცავს. ზოგადად, თანამედროვე მოდის ბაზარს რამდენიმე სექტორად ყოფენ – სხვადასხვა სექტორში მოთამაშე კომპანიები რეალიზაციისა და წარმოების განსხვავებულ სტრატეგიას იყენებენ.
ძმები ბრუქსები: როგორ გამოვიყურებოდეთ, როგორც პრეზიდენტი
შეკერე და გაყიდე მხოლოდ რჩეული ხარისხის სამოსი. ივაჭრე სინდისიერი ფასნამატით. საქმე დაიჭირე მხოლოდ იმ ხალხთან, ვისაც ესმის ასეთი ტანსაცმლის ფასი.
ჰენრი სენდს ბრუქსი
1818 წლის 7 აპრილს 45 წლის მეწარმემ ჰენრი სენდს ბრუქსმა (Henry Sands Brooks) ნიუ იორქში დააფუძნა კომპანია “H. & D.H. Brooks & Co.,” რითიც დასაბამი დაუდო ამერიკული მოდის ლეგენდას, რომელიც უკვე 2 საუკუნეს ითვლის.
1833 წელს კომპანიას სათავეში ჩაუდგა მისი ვაჟი – ჰენრი ბრუქს უმცროსი, 1850 წელს კი – შვილიშვილები: დენიელი, ჯონი და ელიშა, რომელთაც “H. & D.H. Brooks & Co.”-ს სახელი შეუცვალეს და აქედან მოყოლებული დღემდე კომპანიას “Brooks Brothers” (“ძმები ბრუქსები”) ჰქვია. ამავე წელს ძმებმა ბრუქსებმა ოქროს ვერძის გამოსახულება შეარჩიეს თავიანთ სავაჭრო ნიშნად. ეს სიმბოლოც დღემდე უცვლელია.
Lacoste: ყველაზე ცნობილი ნიანგი მსოფლიოში
უნდა გამოგიტყდეთ, ნიანგების დიდი მოყვარული არასდროს ვყოფილვარ და რეპტილიებისადმი დამოკიდებულება, ჩემს ბავშვობაში მეტად პოპულარულმა ნიანგმა გენამაც კი ვერ შეცვალა… მაგრამ რაც გენამ ვერ შეძლო, ის რენე ლაკოსტმა მოახერხა.
რენე ლაკოსტი (Jean René Lacoste) გასული საუკუნის დასაწყისის დიდი ფრანგი ჩოგბურთელი იყო. პარიზელი დენდი, დახვეწილი მანერებითა და ელეგანტური სამოსის სიყვარულით, კორტზე და კორტს გარეთ ერთნაირად ბრწყინავდა – ასე რომ, გასაკვირი არაა ლაკოსტის სურვილი, ჩოგბურთის მოთამაშეთა მაისური უფრო მოხერხებული და იმავდროულად მოხდენილი ყოფილიყო.
1927 წლიდან მოყოლებული, ის კორტზე საკუთარი დიზაინით შექმნილ სპორტულ ტანსაცმელში გამოდიოდა, ჩოგბურთელის კარიერის დასრულების შემდეგ კი, 1933 წელს რენე ლაკოსტმა La Société Chemise Lacoste („ლაკოსტის პერანგების კომპანია“) დააფუძნა და, საფეიქრო ფაბრიკის მფლობელ ანდრე ჟილესთან ერთად, სპორტული პერანგების წარმოება დაიწყო. ამავე დროს, რენე ლაკოსტი არა მხოლოდ კარგი დიზაინერი აღმოჩნდა, არამედ მოდის დიდი ნოვატორიც – მანამდე ფირმის ლოგოტიპის ან დასახელების სამოსის ზედაპირზე გამოტანა არ ხდებოდა. პირველად ეს სწორედ ლაკოსტმა გააკეთა.
